انا محتاجة لمساعدتكم كثيرا ً.. أنا أولاً ما أعرف الطبخ زين .. يعني ما أمارس الطبخ بصورة مستمرة .. وفي رمضان كان الطبخ مسؤلية إختي الكبيرة مع الشغالة.. وأنا يعني أساعد شوي في تجهيز السفرة والتوزيع على الجيران – عمل الشوربة والعصير يعني ما تضحكون علي … يعني أنا أصغر وحدة في البيت وما حد علمني الطبخ وامي الحين محتا جة رعايتنا لإنها ما تقدر على الطبخ .. المهم أنا أعمل مدرسةيعني كبيرة الحين..
والموضوع الي أبغي أخبركم عته إن اختي الكبيرة بتروح العمرة في رمضان ( أخر أسبوعين) يعني راح اتحمل لوحدي مسؤلية الفطور في رمضان والعيدوالمشكلة إنه الشغالة اللي عندنا ما تعرف وايد يعني ما تعتمدين عليها لأنها تقريبا ً جديدة (4 شهور)..وانا مدرسة أرجع البيت على 2:30
تعبانه ومنهد حيلي خاصة إنه حصصي دومها الحصص الأواخر..
المهم إنه إختي الثانية المتزوجة تبغي تروح بعد العمرة وبتترك
بنتها ( سنتين) عندنا في البيت.. يعني بكون أنا المسؤولة عنها !!
وبصراحة انا ما أقدر اتحمل هذي المسؤلية لوحدي: .. الطبخ وعمل الفطور
وأنا أصلا ما عندي الخبرة وما أعرف أضبط الطعم وأنا صايمة.. وكيف أعتني ببنت أختي .. ومتى أرتاح ومتى أقوم بأعمال المدرسة..
ألمهم انا محتاجة لخبرتكم في بعض الأطباق الرئيسيةعلى الفطور..
لو تضعون روابط أرجع إلها
وبعد طريقة اللقيمات – الباكورة ( أكلة هندية تنباع مع السمبوسة)إذا حد يعرفها.. وأي أطباق سهلة تقترحونها علي.. أنا بحاول أتعلم واضبط المقادير هالأيام وإذا عندكم نصايح ما تبخلون فيها علي.. يعني خيفانه افشل في الطبخ وبعدين يعرفون الأهل يوم زورونا ويشوفون الأكل متغير..
أنا حبيت أشرح لكم حالتي وموقفي علشان تحسون بمشكلتي..
أدري طولت عليكم بس عندي الامل فيكم وثقتي إني بلاقي المساعدة عندكم . . والسلام عليكم ورحمة الله وبركاته..
هــلا عــزيــزتـــي
واتــفـضــلـي هذا الــرابــط وفــيــه أكلات متنـــوعــة
وان شــاء الله يــعــجـبــج الــمـــلــف
تحـــيــاااااااتـــي
ماقصرت اختي احلى عيون
وربي يعطيك الف عافيه
تقبلي تحياتي
اختك
بنت المملكة