عمايل يوسف في البيت 2024.

السلام عليكم ورحمة الله وبركاته ..

الفترة الي راحت كل سوالفي عن نوف .. شسوت شقالت شعملت و و و و …. بس الحين لاء

خلنا شوي من نوف وخلنا نشوف الشيخ يوسف بعد ما كبر وصار رجال يوقف على شورابه الطير

شنو عمايله عندي بالبيت شيقول وشيسوي وشيعمل مادري هي مشكلة او نكتة او شطانة او اكتشاف

بس من جد ولدي نشيط وعنده طاقة يبي يحطها بأي شي المهم ما يقعد راكد .. عكس نوف تماما

مشاء الله عليه درجة امتياز في التعفيس والتكسير والتخريب وموقع عقد مع وزارة الكهربا والبلدية

وعقد مع شركة تنظيفات ومكانس ويمووووووووت بالخدم وشغل الخدم … يوم تجي الخدامة بو ساعة

لازم هو الي يكنس ويمش وينظف وهي بس تطالع شيسوي او راح تنضرب اذا لمست شي ..

ما اطول اكثر بس من كثر ما تعبت نفسيا وانا اظفف وراه وارتب واعدل قلت الا ما ااصور العفسة الي يسويها

والي ما تاخذ معاه الا خمس دقايق ويشووووووووووووووو البيت يقلب فوق تحت … الحين انا حابة اعرض لكم

صور من بداية التعفيس وليس بعد التعفيس يعني اول ما صحى من النوم وحب يبدع وينشر كل ابداعاته من كل مكان

قاعد يكمل ..

والحين يبي يكنس يازعم …

هذه بعض الزوايا ..

صور للصالة وفيها طشت الثياب الي صار يلعبون ويسبحون فيه بالصالة

ومن هذه الغرفة ينقل الاغراض الى الصالة …

ولازال يكنس … بدون كهربا ..

وحتى سجاد الارض شلعه من مكانه .. شنطة اخته عفسها .. عبااااااااااااتي المعلقة طيحها

والحين يبي يطلع عشان يجيب المكنسة الام ويوصلها بالخرطوم خخخ بس الباب مقفل

استسلم ..

يحاول يركبهم عشان يواصل كناس اقصد تعفيس ..

هني انا تعبت تصوير وقلت اظفف المكان قبل لا يزيد ..

والحين بمناسبة شطانة هالولد .. شرايكم يا امها تشاروكوني تجاربكم مع اولادكم بالصور

وكل وحدة تحب تقدر تحط في شنو ولدها او بنتها عملو لها بالبيت .. واكيد المواقف كثيرة

وحلو تجميع الذكريات … شرايكم ؟؟؟؟ ولا تنسون تضيفون ردكم الحلو وتقييمكم :L:

شكــــــــــــــــرا للجميع

بيه الله يعينج دمااااااااار شاامل ههههههههه ..

انا بعد يسوى جي واخس ..

جبس ينفره وعليه بسكويت وراه وتصير الارض ما تندااس اروح اركض اخمه ..

عن جد الله يعطيهم الصحه والعافيه نشااط عليهم ههههه ..!!

ولج احلى تقييم على تنظيف بعده ههههه ..

مشالله تبارك الله الله يخليه لك ويحفظه
تستاهلين التقيييم

نفس الحالة خيو ولدي يطلع المكنسة ويسوي روحه يكنس لازم يبها مشتغلة على كهرباء
يكب العصير لبن روب على زولية يسويها مأسأة وديناها المغسلة من فترة
يطلع المواعين من المطبخ ويوديهم غرفة الجلوس ويسوي روحه يطبخ
الله يهديهم ويخليهم ويحفظهم

موضووووووووع رايع ….ووينك يادرة ليش ها الغيبة
ولى عودة بس انا ولدى تخصص مطبخ ههههههههههههههه
ولك احلى تقييم

للاسف الميزان رافض

ام علاوي F: ام جونة F: منوى F: زوجة رجل مهم
تسلمون حبيباتي على مشاركتكم وعلى تقييمكم ..
وربي يساعدكم انتو بعد .. مثل ما قلتو الخراب اكبر واكثر
بس على المتوفر والمزاج مالهم الله يحفظهم عيالنا
ربي يخلي لكم عيالكم ويعفسون لكم اكثر واكثر :hysterical:
وانا اهني خيو بس كنت بالدنيا حايسة وهذاني رديت لكم عروس

مشكوره خيوو ع الموضوع حليو

وتستاهلين التقييم

بنتي احسها بعدهي صغيره بس بعد تعفس واول ما تسوي شي بصوره وبحطه ههه

يعطيش العافيه والله يعينش عليه ويخليه اهو واخته ويحفظهم

موضوع كيووت و يستحق التميز,,,,لظرافته …(=
ربي يحفظ لج عيالج…و يبعد عنكم كل سوء…و يبهجكم دنيا وآخره..يارب…

اولاد هذي الايام كل تعب

اترك تعليقاً إلغاء الرد