عندي سؤال واتمنى القاه الحل عندكم … عندي بنت عمرها 5 شهور الله يحفظها ,,, وودي ابتدي أعطيها اكل تدريجيا ,,, دخلت وايد مواقع الأكثريه ينصحون ب6 شهور ,,, بس في من قبل الستة شهور ,,, بس الوصفات معقده واحس اني مب قادره افهم … ممكن اتخبرني لبتدي معاها كيف وشو اعطيها في اليوم الأول وكم مره …
انتظر مساعدتكم ولكم الأجر
انتي شوفي بنتك .. ازا مستعدة تاكل ولا لأ..؟؟
يعني مثلا ..ازا صارت تصحى في الليل أكتر من العادة ..
او طول الوقت تبغى تمص …
وازا كانت كدا..
ابدئي معاها بالحبوب أو الخضار أو الفواكه …واحد منهم واستمري عليه بنسب قليلة تزيد كل يوم شوية شوية ..ازا اتقبلتها..
وفي ناس يفضلوا الخضار قبل الفواكه ..عشان الفواكه سكرية وأطعم 
وبعدين بالتدريج زيدي … واخلطي اشياء مع بعض
انا بدأت مع ولدي في عمر 4 شهور بالسريلاك ..
وبعد 3 اسابيع تقريبا بدأت التفاح…
ودحين الخضار شوية لأنو مو متقبله ,,,
والطرق موجودة في المنتدى ,,
وغالبا تسلقي الشي اللي تبغيه الين يصيبر طري ولين وبعدين حطيه في الخلاط وبس
وبالتوفيق والصحة والعافية لبوتتك
و حاولي تضيفي الاطعمة لها شوي شوي …….يعني اول اسبوع حاولي بس مهلبية لينة و ثاني اسبوع ضيفي نصف تفاحة تطحن بالخلاط و تكون مثل العصير أو جربي الكمثرى طبعا ممكن تسليقيها و تطحنيها بالخلاط ……….في بالسوق مثل الفارليز وانواع اخرى للاطفال مصنوعة وجاهزة ممكن تبدائي في على حسب عمرها للبنت و ابدأي معها سياسة التذوق و حاولي تطعميها في الاول ممكن تستفرغ شوي بس حاولي معها وما تستسلمي…..:angry:
طبعا في حبوب مثل السيرلاك بس انواع اخرى مثل ملوبا خاص لاطفال الاربع شهور يعني قبل الست شهور و طبعا ممكن تعطيها خضرة انت ساويها مثلا ابدأي جزرة و اسلقيها واطحنيها بالخلاط ثم كوسا وبعد فترة كوسا وجرزة مع بعض و بطاطا ………وهكذا و حسب عمرها يعني كل ما تكبر زيدي الها الوجبات مع التنويع و ممكن الرز تسلقيه وتطحنيه وطبعا مثل ما قلتلك ابداي معها شوي شوي و صنف صنف و زيدي مع الايام …………وان شاء الله اكون افدك و اسفة ….طولت عليك …….(r) اذا عندك اي سؤال انا جاهزة ………….تحياتي :shy: 
بس انا اكلتها من الرابع ..
ابتدي معاها مثلا بالبسكويت … كبداية تكون وجبه وحده فاليوم بس …
ويوم ابتدي معاها بالخضروات والفواكهه كل نوع بروحه وبكميات قليله (ملعقه ولا ملعقتين )
انا الحين اعطيها من اكل البيت يعني الشوربه والرز واخلطلها الخضروات (جزر بطاطس كوسا بروكلي سبانخ لوبيا …) والفواكهه ( تفاح كمثرى خوخ عصير برتقال..)
في كتاب بتحصلينه فالمكتبه وايد يفيدج اسمه تغذية الطفل من شهرة الرابع حتى سنته الخامسةمع طرائق اعدادالاطباق له من موسوعه الفراشه
مع ان عندي 2 الله يخليهم لي …. بس الين الحين استخدم هالكتاب
انا عندي ناس وايد من هلي ما ياكلون عيالهم الا من السادس اونه علشان حرام بعدهم ما يعرفون وانا بالنسبة لي ما اشجع هالشئ ابدااااااااااااا
اكلت ولدي من الرابع وعطيته اول شئ الاشياء المهرووووووووووسة هرس من العدل وبروحي اسويها بالبيت ما اشتري جاز بالمرة
والفواكه الطبيعية وجذه
اللهم صلي على محمد ولدي صاير اموووووووووووور فديته ..يعني فيه ناس ياكلون من الرابع وناس من السادس
الدكاتره دوم ينصحون بتاكيل البيبي في الشهر السادس لسبب انهم شافوا اليهال عند تاكيلهم في الشهر الرابع يصيدهم مغص فمن هلون اخروا الفطام للسادس بس دكتور بنتي نصحني بنهايه الرابع وانا ما عطيتها الا من جم يوم يوم كملت 5 شهور في السوط وبديت معاها بالبسكوت اهم شي حاسبي لا تعطينها دفعه وحده مب زين لمعدتها
وبالتوفيق