حبيت اوريكم غداي اليوم…ستيك لحم بقري مشوي مع خضار مشوية
وشوربة دجاج بالشعرية
حبيت اعمل هالغدا عشان يكون اكلي صحي وماشي مع ريجيم دشتي اللي بديته اليوم
ماشـــــــــــــاااءالله رررروعة
ربي يعطيك العافية ياغالية
بانتظار وصفاتك القادمة
حلووو
الله يعطيك العافية
الحلم الهادي
مشكوره انك نزلتي غداك
يالله عاد لاتنسين موضوعنا
ولاتغشين
ربي يعطيك العافية ياغالية
بانتظار وصفاتك القادمة
ممكن الطريقه أختي شكلها مررررررررررررررره رهيييييييييييييبه
تسلمييييييييييييييين
تاخذين الستيك وتتبلينه بالتالي (ملح وفلفل اسود وخل ابيض وليمون وصويا صوص) وخليه يتشرب التتبيلة لمدة ساعتين بالثلاجه
بعدين بتاخذين صينية الفرن..تدهنينها ..وتفرسشين الخضار اللي تحبينه فيها انا حطيت زهره وبروكلي وفلفل رومي اخضر واصفر … وتحطين فوقهم الستيك مع التتبيلة
وتخلينه في الفرن لين يتحمر وتشوفين التتبيلة نشفت
ملاحظة : انا قبل لا احط الستيك في الفرن خليته على الشواية لين صارت عليه خطوط بنية لان احب شكله كذا وبعدين حطيتة في صينية الفرن
طبعا عشان تحافضين على طراوته..حضري صوص معاه ..انا سويت صوص مشروم
الطريقة
تحمسين شوية بصل مع نص مكعب ماجي وتحمسين فوقهم المشروم الطازج المقطع وبعدين تحطين شوية ماي وتخلينه يتسبك وتضيفين ملعقتين صغار نشا وتحركين لين يذوب النشا
اخر شىء تحطين شوية كريما ورشة فلفل وملح
وبس
تطلعين الصينية من الفرن وتخلين فوق كل قطعة ستيك شوية من صوص المشروم
وسلامتكم