شلونكم ؟؟؟ انشالله بخير …
يا بنات يا حلوين … راح اقول لكم سالفتي وانتوا قولوا لي رايكم …
انا بنوته عمري 19 سنه … بشرتي دهنيه وحساسه درجه اولى …
طبعا الحبوب كانت كثثثثثثثثيره بشكل مب طبيييييعي
فـــ بنات عمتي نصحوني بمركز اوباجي ..
وسويت تقشير كيميائي وكنت اول اسبوع ما اطلع من الغرفه !!! تتخيلون الوضع كيف !!!!!!
بس لما تقشر وجهي صار اوكي …ماراحت كل الحبوب بس اهون من اول … الوالد ما كنت مقتنع بالشي اللي اسويه
بعدين استمريت معهم بس كان كريم التقشير يخلي الحبوب حمرا وفي نفس الوقت ابوي ما رضى اني ادفع هالمبالغ عشان شغلات كيميائيه على قولته …
فقطعت اوباجي …
واستعملت صابون نيوترجينا …
كان يعني .. ماشي حاله … مش بطال … وبعد ما اغسل وجهي اعقمه وبعده احط كريم ترطيب وواقي شمس بنفس الوقت من كلين اند كلير …
واستمريت على هالحال تقريبا 4 شهور …الفتره اللي راحت خفت الحبوب بس الحين بدت شووووويه تزداد الحبوب والبقع ..
فاليوم رحت السوق … والرجال اللي في قسم مستحضرات التجميل مدح لي غسول الشاي والتفاح من شانيل …
اول شي غسول بالشاي والتفاح … بعدين معقم من الصيدليه بعدين احط كريم لترطيب البشره مكون من الشاي والتفاح والجوجوبا …….وكل 3 او 4 ايام اسوي سكرب بعده ماسك
قال لي ان راح تجي وتشكريني لأن نصح بنات كثار وفاد معهم
وبصراحه انا مره محتاره وابي رايكم
ساعدوني بليز … لأني من جد كرهت حياتي …
اسفه لأني هدرت واجد …
اختكم … كحيلة العين
مبينه الخطوات حلوه
وعن مستحضرات شانيل فهي رائعه ،، لكن اللي تكلمتي عنه بالضبط ما جربته
ان شاء الله باقي البنات يفيدونك
السلام عليكم ورحمة الله وبركاته
غاليتي ..
تسلمين على المشاركة الرائعة وان شاء الله تعم الفائدة على الجميع
توكلي على الله وبالفعل مستحضرات شانيل عالمية ورائعة وان شاء الله البنات مايقصرون
ربي يوفقك ويسدد خطاك .. بإنتظار ماسيجود لنا قلمك من جديد
تقبلي شكري وتقديري
ام عدول
وعموما المستحضر اللي تتكلمين عنه انا ما جربته لكن منتجات شانيل عالميه ومعروفه جربي ….
وان شاء الله البنات راح يفيدونك …….
تيبين شوية ورق بقدونس و شوية ورق نعنااع وتفورينهم
وتصفينهم وتخلين الماي مالهم يبرد
وعقب تضيفين عليهم عصير خياره
و تخلين المزيج في الثلاجه و كل شوي
تروحين وتحطين على ويهج
يروح الشحوب والحبوب ويهدي البشرة واايد ويشد المسام بعد
و غسول .. انصحج بصابون سائل اسمه Isoderm
هذا حتى حق الاطفال ينفع و ممكن تغسلين فيه بعد المنطقة الحساسه
ميزته انه خالي من الصابون و البي اتش ماله 5.5
وكريم ترطيب انصحج تستخدمين كريم مرطب مال جونسون
اللي هو المرهم الوردي .. لانه ما فيه مواد صناعية
أما عن التقشير مره في الاسبوع
خلطي روب و طحين و حطيهم على ويهج
و خلي الماسك ينشف شوي و عقب تمي فركي بطريقه دائرية
بتلاحظين انه العيين يطيح و ان شاء الله بتطيح وياه الخلايا الميته
بس ديري باالج مررررره وحده بس في الاسبووع لانه يقشر صح
و يوم بتظهرين في الشمس حطي كريم وااقي
روك يمدحونه واايد بس انا الصراحه ما جربته
انتي بعدج صغيره لا تلعبين ببشرتج بها الكريماات
الطبيعي احسن ولو ما كنت مجربه مستحيل اكتب اي حرف ^_______^
ام عدول … والله انتي شجعتيني اني اخطي هالخطوه وان شاء الله تكون ناجحه … يعطيك العافيه حبيبتي
ريح النفل … شكرا عيوني على مرورك ..
مريومه … بصرررررررراحه انتي عسل …
والله انا امس شفت الخلطه اللي كتبتيها وجربتها وبستمر عليها اشوف وش النتايج وادعي لك حبيبتي …