بدايه الغسول ده خبيره التجميل دينا الجارم هى اللى قالت عليه
وانا لما قريت وصفته قلت وده ينضف الوجه ازاى بس؟ مافيهوش اي صابون خالص ولا رغوه
المهم قلت اجرب وخلاص وبجد كانت خير تجربه
ندخل للموضوع
******************
هنحتاج
1-حليب مجفف بودره
2- ترمس مطحون بودره
3- رده خبز ( نخاله)
4 – مكيال او ملعقه
هنجيب طبق ( صحن ) ونضع فيه مكيالين من كل شىء ( من المكيال الازرق)
ونخلطهم كويس وتضيفي عليهم نص ملعقه شاي ملح طعام وده عشان يعمل كماده حافظه للغسول
ثم تضعيهم فى علبه بلاستيك نظيفه
انا وضعتها فى الكوب ده عشان اخليكم تشوفوا كميه المكيالين من كل مقدار تكفى لعمل نصف كوب من ده
هكذا
طريقه الاستعمال:
هتاخدي مقدار ملعقه شاي من الغسول وتضعيها فى كفك وتخلطيها بنقطتين ماء
وتدلكي بيها وجهك بالراحه واتركيها من 30 ثانيه الى دقيقه كانه ماسك ثم اشطفيه بالماء وجففى وجهك
***********************
نتايج الغسول
مبدئيا يعمل كمقشر يومي للوجه بيزيل الخلايا الميته بوجهك يوميا دون جرح للبشره لان مكوناته خفيفه وأمنه
مفيد جدا للبشره الدهنيه والحبوب بالاخص لان الحليب فيه حمض اللاكتيك وده مطهر ومعقم طبيعي
الغسول مناسب لكل البشرات وحسب كلام الاستاذه دينا الجارم فيمكن استخدامه اكتر من مره باليوم بمنتهى الامان
والنتيجه اللى لاحظتها ان بشرتي شكلها جميل وناعمه وده مبدئيا لانى بقالى اسبوع فقط فى استخدامه لكن لما لقيت النتيجه مبشره قلت افيد اخواتى فى عروس
ملحوظه : كان فى حبايه طلعت يوم الاثنين فى وجهي انهارده مش لاقياها ولا لقياالها اثر والحمد لله
ملحوظه كمان
: انا بدهن وجهي كل يوم فى المساء بزيت اللوز المر ولما بغسل وجهي بالغسول ده فى الصباح اي اثر للزيت بير وح ولا يبقى اي اثر دهني مطلقا
****************
انتظروني فى ركن العنايه بالشعر باذن الله مع الشامبو العشبي الرائع من عمل يدي وهو أيضا من ابتكارات خبيره التجميل دينا الجارم جزاها الله كل خير
*************************************
ياريت من تنقل الموضوع تذكر اسمي …امانه عليها ليوم القيامه (f)
نورتي
تسلمي يا قمر
جزاكى الله خيرا
بس شم نفع اقيمك
عشان لسه مقيماكى من يومين
بجد نورتوني
ومشكورات على تقييمكم
جزاكى الله خير على الموضوع الجميل وننتظر منك الباقى