مرحبا بنات,, انا قررت استخدم حبوب فيفسكال للشعر لأني قرأت كثيييير من البنات يمدحونها لتقوية وكثافة الشعر والتخفيف من تسااقطه
بس اللي ابي اعرفه منكم إذا كانت موجوده بالسعوديه ولا لا وبالتحديد بالشرقيه ياليت تدلوني على مكانها
وياليت بعد إذا لكم تجااارب معها أو مع اي حبوب غيرها وتنصحووني فيها بس تكون افضل منها للشعر من كل النوااااحي تذكرونها بموضوعي وجُزيتم خيراً
بإنتظااااركم
السلام عليكم ورحمة الله وبركاته
أهلين حبيبتي ما حبيت ادش ولا ارد عليج..
بخصوص الحبوب الي ذكرتيها ما عندي اي علم به علشان جيه ما بقدر افيدج اسمحيلي..
ام ب حبوب الي جربته هي الخميره ممتازه للبشره+ الشعر+ الاظافر.. يوميا تاخذينها و3 مرات باليوم.. بعد كل وجبه حبتين.. تحصلينه في الصيدليه والي جربته اسمه Brewer’s yeast وسعره يعتمد على كمية الحبوب والحجم.. الي اشترته كانو تقريبا 60 حبه ما يتعدة سعره 70 درهم..
به هاه هي تنفخ شوي وتزيد من الوزن لانها ايضا تفتح الشهيه..
وشكرا..
انا استخدم PANTOGAR مرررة فادتني انا وامي وخالتي وزوجة عمي..
بس للأسف بالسعودية ما القاها…
انا اخذها من صيدلية جعفر بالبحرين,,,وهي عبارة عن كبسولات تحتوي على الفيتامينات والمعادن اللازمة لنمو الشعر وتقويته وجماله ومنعه من التساقط وكذلك الاظافر..
خذيها 3 مرات باليوم بدون انتظام بالساعات (يعني مش ضروري كل 8 ساعات علشان ما تدوشين نفسك)..لكن اهم شي بعد الاكل لأن الاكل يساعد على امتصاص محتويات الكبسولة وانتقالها داخل جسمك..
العبوة فيها 90 حبة وكافية لشهر كامل…
وفي وحدة تجيبهم احيانا من مصر توصي مصرية اذا سافرت بالصيف تجيب لها كمية وهي في مصر ارخص بكثير عن البحرين لان اللي بالحرين صناعة اجنبية اما اللي بمصر صناعة محلية مصرية علشان كذا ارخص…
اتمنى اكون فدتك….
اختك:
العروسة الامورة
نــــــــــــارا السعودية……..