اخواتي العزيزات…فديتكم وفديت وجودكم.. وفديت هالمنتدى اللي فتح عيوني على اغلب الامور… وزاد ثقتي بنفسي..:clap:
خصوصا اني اكبر خواتي… وماعندي احد يعلمني شي…يعني كل شي انا اكتشفه بنفسي…:shy:
المهم…مثل ماكنت اقول اليوم بالذات زادت ثقتي بنفسي…
وشفت اختي الصغنطوطه قاعده تمشط شعرها اللي مؤخرا قام يطول على غير سنع…لانه حيل خفيف
جان افكر…ليش ما اجرب اقصه؟! ( مع العلم انه ماعندي اي خبره بقص الشعر) :qaq:
المهم…
دشيت المنتدى…ودورت مواضيع..عن قص الشعر بالبيت… ومالقيت..غير موضوع واحد لام سعيده يعطيها العافيه وكان عن طريقة مساواة الشعر…:sad:
واختكم تبي قصه غريبه عجيبه..ابي شي فيه طبقات..ابي شي كريزي (ههههههههه حدي موصاحيه)
المهم…ندش بالموضوع…
قلت خلاص بقصه مابأذني ماي..واختي المسكينه ماتدري شالسالفه…
رحت غسلت لها شعرها بالماي… ونشفته عالخفيف بالفوطه..يعني لازم يكون مبلل عشان ينقص الشعر عدل
بعدين مشطت شعرها كلـــــــــه ورديته للخلف…
بعدين قسمت شعرها قسمين…قسم تحت..صوب الرقبه.. وتكون كمية الشعر حيل قليله بالنسبه للقسم الاخر وهو باقي الشعر…
جني ضيعتكم…(ماعرف اشرح):qaq:
اعيد بصوره اخرى بس فتحو عقولكم معاي…. :salam:
تقسمين الشعر بالعرض… قسمين ..قسم يكون عند الرقبه نفس الذيل… بس راعي كمية الشعر ماتكون كبيره حيل…
والقسم الاخر اهو باقي الشعر…
وتسمون بالرحمن…وتبدون تقصون…
وتراعون ان الذيل اللي صوب الرقبه يكون اطول من باقي الشعر…يعني تقصون الذيل بالاول…
وبعدين تقيسون المسافه بالنظر وتقصون باقي الشعر مثل قصة الكاريه بس كل ماتقربون من الوجه خلو الشعر يطول…(اذا تبون نفس قصة اختي)
وبعدين قصو القذله……اذا تبون… وطبعا القذله احلى على البنوتات الصغار….:shy:
طبعا راح تقولون كويتيه قالتلنا الطريقه والطريقه واضحه…بس القص يبيله خبره…
صاجين ومعاااااااكم حق
:clap:
انا الحن بعلمكم على كنز,,,,
اكيد كل وحده منكم اذا قصت شعرها تطلع اطراف الشعر متساويه وحـــــــــــــاده…جنها قاصه شعرها بسجين…
وانا خفت لايصير شعر اختي جذي…
فسويت طريقه…مادري منو علمني عليها من زمااااان بس ولامره طبقتها الا الحين.. ونجحت معاي… وكانت النتيجه حيل مرضيه :shy: (الحمدالله)
الطريقه:
بعد ماتقسمون الشعر قسمين… القسم اللي تكونون ناوين تقصونه… تمسكونه وتمشطونه..وتساوونه..وبعدين تلفونه تلفونه تلفونه… ليما يصير عنقوص ملفوف.. وتقصونه على الطول اللي تبونه…
توضيح اكثر:
تمسكين القسم اللي تبين تقصينه..وتلفينه جنه قطة خام تبين تعصرينها عن الماي…وتقصين عادي…
ولمن تفجين شعرج راح تلاقين ان الشعر مقصوص بنفس الطول اللي تبينه بس متدرج شوي.. وداش في بعضه.. واينن جنه صالون اللي قاصه…
نصيـــــــــــحه:
حق العليميات اذا بغيتي تقصين
شعر احدى ضحاياج وكنتي خايفه ومتردده…لاتقصينه بالطول النهائي اللي تبين تكون عليه القصه..قصيه اطول شوي وقعدي بعدين عدلي على راحتج
:cool2:
وهذي الصور للتوضيح….(سوري اضطريت اصور بالحمام وانتو بكرامه عشان الاضاءه اقوى)
http://<a href="http://imageshack.us…ack.us" /></a>
وهذي القصه على صوب
وهذي واهي لابسه ربطة الشعر مالت المدرسه….
والسلام ختام
ويعطيج العافيه
بس خساره الصور ماطلعت عندي
اختي ما طلعوا الصور 🙁
بليز حمليهم مرة ثانية :salam:
يعافيج ياقلبي
انا مادري شفيهم الصور ياريت لو احد يوضحلي طريقة التحميل …
بس اول مره احمل صور بمنتدى….
ياريت لو تعرفين الطريقه تفيديني…
شكرا لمرورج
هذا رابط تحملين الصور
http://go.3roos.com/mccSkWjsypf
تسلمين ياقلبي على الرابط…
انا عندي رابط احمل فيه صور… ويصير عندي لينك للصوره.. احطه بالمربع اللي مرسوم عليه جبل وشمس مال الصور,.,, وارسل المشاركه.. بس الظاهر اكو شي غلط…
ياريت احد يفيدنا
القصــــــــه عجيـــــــبه لاتطوفكم