اخواتي العزيزات اولا ابارك لكم بالعيد مقدما والله يعيده عليكم بصحة وعافية … وثانيا اكتب لكم تجربتي الشخصية واذكركم ترى كل بشرة تختلف عن الثانية وفيه بشرات حساسة … ومو قاعدة ان اللي نجح معاي ينجح مع غيري … 
وعلى فكرة انا اعاني من التشققات بشكل فظيع وعندي منطقة بين الافخاذ شوية غامقة … ورب البيت ماخليت مستشفى ولاعطار ولا احد بالبحرين ماسالته .. واخر مرة رحت المستشفى الدولي عندنا وسالت اخصائي تجميل قلت يمكن عنده حل لمشكلتي .. قال عن التشققات انسي مافيه حل لها وحتي الكريمات اللي يبيعونها اطباء الجلدية ماتشيلها تخففها بنسبة قليلة جدا … قلت له والحل قال لي تعودي على منظرك كذا :down:
عموما علشان ماطول عليكم …
انا اشتغل بشركة ومرة من المرات شفت العامل اللي عندنا يدخل الحمام(وانتوا بكرامة) ويدهن وجهه بشئ له ريحة غريبة بس مو كريههة شئ له ريحة هنود عموما … ويطلع …جاني فضول فسالته قال لي انه من كثر مايطلع بالشمس طلع له مثل البقع البنية بوجهه ..فراح السوبرماركت واشترى كريم وقاعد يستخدمه .. وقعد يمدح لي بالكريم ويقول ان البنات الهنديات لما تجي عندهم مناسبة ويبون يصيرون بيض يلقون يستخدمونه … بصراحة قال كلام كثير عن الكريم … وانا ماطولتها عطيته فلوس وقلت له يجيب لي واحد …
جاب لي واحد وبديت استخدمه من تقريبا بداية شعبان للان .وتدرووووون وش صار ؟؟؟
ورب البيت …
واللي تبي تجي تشوفني بنفسها للتاكيد …
جسمي صار كذا واحلىىىى من اللي يطلعون بالتلفزيون …
الخطوط ماراح اقول انها راحت تماما بس بقى اثر بسيط يبي له مجهر عشان ينشاف ..:cool2:
واللون الاسود صار اغمق من لوني باقل من درجة تقريبا صار مثل لوني مايلاحظ ابدا :shy:
اما اللمعة والملمس فما عليها كلام :pain: كانك تلمسين بيبي عمره شهر :clap:
عموما بنات الكريم هو هندي لون علبته الخارجية برتقالي والكتابة بالاصفر ..واسمه بالعربي ((( فيكو) وبالانجلش VICCO وهو على شكل عصارة ..
ومتواجد بكثرة بالسوبرماركتات … عموما بنات البحرين اللي تبي تعرف باي سوبرماركت ينباع تراسلني وبقول لكم
ونصيحة اخيرة ..
اي وحدة تستخدم الكريم تجربه كبداية بمنطقة صغيرة وامنة مثل قطعة صغيرة من الساق ولما تتاكد انه ماسبب لها اي نوع من الحساسية تقدر تستخدمه .. والرجاء كل الرجاء تدعون لي الله يوفقني ويعطيني الصحة والعافية ..
وعليكم السلام ورحمة الله وبركاته
تسلمين عزيزتي ع المشاركة المفيدة
بس ياليت ترسلين لي اسم المحل اللي خذيتي منه المنتج
ويا ترى هو طبيعي أو كيماوي؟ وأقدر استخدمه على الحبوب اللي طالعه بويهي ويقدر يخفي آثارها السوده؟
وألف شكر لج
انا راح اكتب لك مكوناته وانتي يمكن تكونين اخبر مني بهالموضوع …
ماء- الحامض الاستياري- كركم- سوربيتول- تريثا نول امين- دهن عود صندل- عطر- ميثال هائدروكسي بنزوات – صوديوم .
هاذي مكوناته …
عموما حبيبتي هو فيه مواد معطرة واذا كنتي تعانين من الحبوب اتوقع انه يكون وجهك حساس ولما تحطين شئ معطر عليه طبيبعي بتتاذين :pain: فانصحك لا تستخدمينه بوجهك افضل ولحبوب وجهك واثارها انا بعطيكي خلطة سهلة جدا ومجربتها يمكن عشر وحدات من اهلي والخلطة هي ..
1 ع روب + 2 م ص شوفان + نصف ليمونة
اخلطيهم مع بعض واستخدميهم مرتين باليوم واول مايجف الخليط اغسلي وجهك ورشيه بماء الورد … وصدقيني مضمونة وراح تدعين لي …
وعلى فكرة خذي بملعقة قدر اللي يحتاجه وجهك واحفظي الباقي بالثلاجة … غطيه عدل …
وحدة غير
تسلمين يا قلبي ويعطيج ألف عافية
مكونات المنتج أغلبها طبيعية بس الأكيد انها بتحرق ويهي لأنه من الهواء يحرقني ووصفتج سهله بسويها إن شاء الله بالاجازة
بس لا تنسين تقولين لي المنتج من وين عشان بروح اشتريه الحين
السلام عليكم ورحمة الله وبركاته
مرحبا حبيبتي ..
تسلمين على المشاركة الرائعة ..
من الواضح ان الكريم يحتوي على خليط من المواد الكيماوية والطبيعية
وكما ذكرتِ غاليتي يجب أن يُجرى اختبار بسيط على الساق أو على منطقة من الوجه قبل البدأ في استخدامه .. لأنه قد لا ينفع ذوات البشرة الحساسة أو البشرة الدهنية … ربي يعطيكِ العافية يالغالية …
بانتظار جديدكِ
اختكِ
ام عدول
اتمنى ترسلي لي عنوان المحل اللي شريتي منه اذا ما عليك كلافه ..
ومشكوره مقدما ويعطيك الف عافيه …
تحياتي
السلام عليكم ورحمة الله وبركاته
مشكوووره على المشاركة
وحده غير
تسلميييييين والله
وبالتوفيق للجميع
بس ماقلتينا كم المده عشان تظهر النتايج
:shy:
لقيته ..
بس حبيبتي ممكن أعرف شكثر المدة اللي تخلينها لأن ما معاه طريقة الاستخدام