الطريقه ماخذتها من موقع jamie oliver
وااايد لذيذه وهشه تنفع تتقدم مع الشاي
احب اكل منها قطعه الصبح مع الكوفي بدل الفطور اممممم
ملاحظه : اختاري الموز المستوي المنقط الناضج
المقادير :
4 بيضات البياض مفصول عن الصفار
6 ملاعق سكر ابيض
170 غ زبده
170 غرام سكر بني (غامق)
موزه ناضجه حجم كبير او متوسط (مهروسه)
6 ملاعق كبيره كريمه حامضه sour cream
نص ملعقه كبيره فانيلا باودر
رشة ملح
2 ملعقه كبيره poppy seed (يمكن الاستغناء عنه)
340 غ طحين جميع الاستعمالات
2 ملعقه كبيره بيكنج باودر
الآيسنج:
مبشور ليمونه كامله
عصير ليمونه كامله
سكر باودر
الطريقه:
اولآ جهزي القالب وادهنيه بالزبده والطحين..وسخني الفرن على حرارة 350 درجه مئويه.
1- اخفقي بياض البيض مع السكر الأبيض لحد مايصير مثل الرغوه الكثيفه دقيقتين تقريبآ واتركيه عى جنب
2- انخلي الطحين مع البيكنج بودر واتركيه على جنب.
3- اخفقي الزبده مع السكر البني وبعدها ضيفي الصفار ثم الموز ثم الكريمه الحامضه والبوبي سيد والفانيلا ورشة الملح.
4-ضيفي خليط الطحين الى خليط الصفار وواصلي الخفق
5- بالملعقه وبالتدريج ضيفي البياض وقلبي بالملعقه لحد ماتنتهي الكميه ويمتزج الخليط
6- صبي المزيج فالقالب ودخليه فالفرن لمدة 45 دقيقه
في هالاثناء
حضري الآيسنج
اخلطي عصير الليمون مع مشور الليمون والسكر الباودر مايكون لا جامدولا سايح
نص ونص وبعدها صبي المزيج على الكيكه بعد ما تدفى وقدميها للعايلتج
وبالعافيه مقدمآ
بانتظار ابداعك القادم
تسلم ايديكي
في انتظار جديدك
يسلمووو ولا تحرمينا من جديدج
رووووووعة تسلم اديك ياقمر
واحلى تقييم لابداعك F:
ماشالله تبارك الرحمن
احب اسوي هالكيك لان ماماتي فديتها تحب كيك البيت
توني من يومين مسويه الهومي كيك <<احبها وسهله
هالمره حطيت فيها مكسرات يمي يمي
بجرب الكيكه الجايه هالكيكه
سؤال بليز
القالب اللي استعملتيه هو المتحرك صح ..
طيب اشلون فصلتي القاع ..؟ تنطرين الكيكه تبررد عدل وعقب تفصلين ؟؟
لان بين من الصور انج ماقلبتيها ..
اني مشابه لهالطريقة واضيف موز ومكسرات وتمر وصح حلو للفطور مع كوفي
:thumbs_up:
مشكوووووووور اختي الغالية
تم التقييم ياعسسسسسل