شلونكم عساكم طيبووون وتماموون؟
موضوعي الجميل واضح من عنوانه سح ؟ << يا رقيقه 😮
امس كنت اسولف ويا رفيجتي عالمسن .. وتقول لي ان البنات اللي في جامعتها كله يحبوون يسوون خلطات عطريه من نفسهم ..
وكل وحده لها ريحه مميزه :rolleyes:
عاد سألتها انزين شنهي خلطاتهم ياختي فيديني ابي اسوي
تقول بسألهم وبرد عليج لان مب حافظتهم بالضبط .. مع ويهها اقهرتني :confused:
انشالله لو اسألت ربعها و ردت علي رد مفيد اكيد بحطهم لكم ..
والحييين بنات من فيكم عندها خلطه خاااصه ؟ 😎
يعني مثلا كريم معين تحطه وتخلط مثلا عطرين في بعض ودهن عود معين الخ الخ وهكذا يعني انشالله فهمتوني ؟ (a)
انشالله يارب القى تفاعل منكم وماتفشلوووني
ناطرتكم
(f)(*)
مرة سويت لوشن ودوووم معاي في الشنطة اخليه وريحته حلوووة
اي لوشن تحبينه وعليه كم قطرة دهن عود وشوية مسك
ورشيته بعطر فرنسي اي عطر تحبينه
وصار حلووووو بس ريحته ما تبين عدل الا عقب اسبوع
ومرة سويت خلطة وحطيتها في تولة
دهن عود ومسك العروس ومخمرية شوووووووية تطلع الريحة واااااو
واويل بيبي جونسون حطيت معاه عطور حق عقب الاستحمام تلصصق الريحة
وننتظر خلطات صديقات صديقتج 
دهن عود خالص ينحط على اماكن النبض فقط
+
دهن عود بخاخ (مثلا دهن عود معتق من الحرمين)
+
عطر فرنسى قوي (مثلا كوكو مودموزيل )
للصباح وايام الصيف
مسك ابيض سائل ينحط على اماكن النبض فقط
+
مسك بخاخ( مثلا مسك بودي شوب)
+
عطر فرنسى خفيف (مثلا بلو من دولتشى اند جابانا)
وضيفي عليه ماء ورد ودهن عود
ورشي على جسمج بعد السبوووح
وااو عذابي هالاسم وايد احبه (a)
مشكوره حبيبتي والله حلوه الحركه .. انا عاجبني بيبي جونسون بس الجل مب الاويل .. اللي غطاته صفره … شكلي بحط معاه كمن قطرة مسك عجبتني هالحركه وايد
بس اي مخمريه انتي تستعملين؟
تسلمين لي والله على ردج حبيبتي وانشالله لما ترد علي رفيجتي بقول لكم
عذاري ..
يا خطيره انشاللله بجرب هالطريقه وبعد عطر بلوو الصراحه مار علي بس كلش ماتذكره .. لو رحت السووق بسأل عنه
مشكوره يا قلبي (K)
بذرة قطر
والله انا ميح في هالسوالف .. ماعرف شنو مخلط عربي 😮
بس لو رحت اجمل بسأل وبشوووف الريحه اللي تعجبني ..
جزاكم الله خير بنات على التفاعل وانشالله عاد البنات الثانين يفيدوونا زياده
حبيبتي انا استعمل مخمرية القرشي وايد تعجبني
بس اذا بغيتي تخلطينها مع عطر ثاني
لا تكثرين منها لان بتصير ريحتها قوية وواضحة فالافضل كم نقطة بس او على حسب نظرج
اي صاجه شميت مره مخمرية القرشي ووايد قويه ..
بس بسوي نفس ماقلتي بحط جمن نقطه
بفكر لي في خلطه جهنميه
😎
تسلمين يا قلبي
لازم اول شي دخـــــــون + بعديـــــــن مخلط من مخلطاتـــــــي + عطر فرنســـــــي + اخر شي دهن عـــــــود…
و الريحته اتم حلوه… حتى لــو محد يشمهـــــــا المهمـ انــا اشمـ ريحتي الحلـــــــوه….
والحين روحي الشاهين مسوين تنزيلات اخذي غراش كريستال على 62 ريال وصاروا بعد النتزيلات 57
وانتبهي انهم رش مب بالعوود
واخذي ماء الورد اللبناني
وووبس
الحين انا ابي خلطات جديدة ياريت البنات يكتبون لنا شئ
بيكون وايد اسهل بالنسبه لي واكيد في بنات ثانين يبون يعرفون 😮
بذرة قطر فديت قلبج والله زييييييين قلتي لي عن الغراش والله اني اقول وين احط خلطتي .. كنت بحطها في غرشة زيت زيتون ههههههههههه 😎
مشكوره حبيبتي .. واجمل حلو بس والله اني لما ادش اتلخبط وولا اعرف شنو الحلو وشنو المب حلو .. بسأله عن هالمخلط …
من وين ماي الورد اللبناني؟ … انا استعمل ماي الورد اظن ايراني مكتوب عليه كلاب الربيع شي جذي @@
يالله بناات فيدونا 😉