كيف حالكم؟
اليوم ماقمت من النوم الا نشاط عندي زايد :bigsmile:
جهزت الخلطات للبشره اللي نصحتني فيهم بنت عذاري الله يرزقها بكل شي تتمناه وطبعا مانسيت حصة الاهل والكل مدح خلطاتها العجيبه
:clap:
ومانسيت شعري وطبقت نصيحة ام سعيدة الله يخليها لسعوده وحميدان
وحطيت زيت الخروع ولفيته بفوطه دافيه علشان يمتصه الشعر زين
واخر شي فكرت فيه هو مجموعات العنايه بالبشره
طبعا الحين اجازه واحنا فاضيين نهتم وخلطات بس بعد ماتبدأ الدراسه تبدأ المشاغل واهمال العنايه وتبدأ المعاناه من كل جهه
واليوم جيت ليكم بفكره وانشالله ماتكون مكرره
وامااانه بنات كل وحده تدخل ترد وتكتب ويش تستخدم حتى لو بس صابونه :dd:
ولاتنسون تجاوبوني على هالاسئله علشان يكون الموضوع مرجع للبنات اللي متوهقين في حالهم ومايعرفون ويش يستخدمون
ونبدأ الاسئله :
1/ ويش نوع البشره ؟
2/ اي مجموعة عناية تستخدميها طبعا بالتفصيل من اي ماركه و لازم تذكرون الاشيا الموجوده فيها من غسول و تونر و كريم ليلي نهاري كريم ترطيب اللي موجود ماتنسون شي
3/ كم مره في اليوم تستخدموها
4/ واي كريم حماية من السمش تسخدموه ؟؟
5/ وكريم الاساس اليومي الخفيف طبعا واذا كنتون تستخدمون كريم ترطيب وحماية يقوم بعمل كريم الاساس اذكرووه لاني ادور هالكريم؟؟
وطبعا بدون ذكر خلطات
لان احنا ندور شي سريع ومفيد خصوصا الطالبات والموظفات وبعض الامهات ماعندهم وقت للخلطات صح والا لا؟؟
ولو فيكم احد جرب اكثر من مجموعه مافيها شي لو ذكرت تجربتها اذا كانت ناجحه وكيف استفادت منها
واخر شي سعر المجموعه في حدود كم
علشان الوحده تحط ميزانيه ليها وللعنايه :gum:
اعذروني على طول الموضوع بس هو للفائده العامه
حرام كل يوم نروح ناخذ شي ونحط فلوسنا في اشيا ماتفيد
خلونا نستفيد من تجاربنا ونكسب اجر في بعض
يالله بنات ننتظر تجاربكم
وش رايك تجين عندي ترى انا بالشرقيه بعد ويسرني اني اكون اول وحده ترد عليك
اما الاجوبه لاسئلتك,,,, ويش نوع البشره ؟
2/ اي مجموعة عناية تستخدميها طبعا بالتفصيل من اي ماركه و لازم تذكرون الاشياء الموجوده فيها من غسول و تونر و كريم ليلي نهاري كريم ترطيب اللي موجود ماتنسون شي
انا بصراحه مااستخدم ماركه بذاتها انوع واحسن شي استخدمته لوجهي قبل الاساس كريم نيفيا سوفت لانه غير دهني واحيانا كريم سيباميد للبشره بعد حلو بالليل
3/ كم مره في اليوم تستخدموها
استخدامي للمنتجات مو استخدام منتظم
4/ واي كريم حماية من الشمس تسخدموه ؟؟
انا 24ساعه بالبيت علشان كذا مااستخدم واقي شمسي ابدا
5/ وكريم الاساس اليومي الخفيف طبعا واذا كنتون تستخدمون كريم ترطيب وحماية يقوم بعمل كريم الاساس اذكرووه لاني ادور هالكريم؟؟بصراحه مافي اروع من اساس نينا ريتشي خفيف وطبيعي جداجدا وناعم وغير دهني ويخليك نجفه
واستغرب البنات مايجيبون طاريه وسعره 150 ويختلف احيانا من محل لمحل
وسلامتك…
1/ ويش نوع البشره ؟
امممممم اظن عاديه خخخخخخخخخ
2/ اي مجموعة عناية تستخدميها طبعا بالتفصيل من اي ماركه و لازم تذكرون الاشيا الموجوده فيها من غسول و تونر و كريم ليلي نهاري كريم ترطيب اللي موجود ماتنسون شي
انه من الاعدادي ومتعوده اغسل ويهي اول ما اقوم بمقشر يومي احسه يشيل الدهون
كنت مدمنه على كلين اند كلير
ومن فتره بديت استخدم نيتروجينا ووايد حبيته بصراحة
وبعدين يعتمد اذا كان عندي جامعه او لا
اذا لا استخدم كريم مرطب من بدي شوب على جزر حلو للويه
واذا بطلع استخدم سن بلوك
وفي الليل اغسل ويهي بصابوه البابايا وبعدها احط كريم المرطب بعد
وبين الويك اند وساعات خلطات استخدم من بنت عذاري والمنتدى
واحب امسح ويهي بماي ورد بين فتره والثانية
3/ كم مره في اليوم تستخدموها
المقشر مرة وحده
المرطب بين مره او مرتين
والصابون سااعات انسى هههههههههه
4/ واي كريم حماية من السمش تسخدموه ؟؟
،، قبل من بدي شوب بس امس شريت من ماركة روك مدحوه لي اياه
5/ وكريم الاساس اليومي الخفيف طبعا واذا كنتون تستخدمون كريم ترطيب وحماية يقوم بعمل كريم الاساس اذكرووه لاني ادور هالكريم؟؟
انه سألت الصيدلي وقالي اقدر احط كريم اساس فوق السن بلوك
استخدم من بدي شوب
وعندي بعد من نيفيا اللي يشبه الشمع اممم ويكون بارد على الويه احبه اسمع
Fresh and Easy
وبعد ما يخلصون بغير النوع احب التغييير ههههههههه
ويعطييييييج ألف عافية على الموضوع (f)
.
.
.
مشكوووره على الرد
بس ماقلتين اي صابونه تستخدميها والا ماتستخدمين صابون؟؟؟
Vanilla
ماشالله عليك كفيتي و وفيتي
بس السن بلوك جربت البدي شوب بس احسه خفيف مايكفي شمس البحرين <<<<تدرس عندكم
استخدمت اللي لونه برى برتقالي بس كان فيه واحد لونه ابيض ماادري اي واحد جربته ؟؟
وروك اخذته وطلع دهني
بس مشكووووووره على الرد
بنات حرااااااام عليكم تحبطوني
51 زياره وبس ردين
ماعجبكم الموضوع ؟؟؟ 
نسيت اقولك ان بشرتي عاديه
والصابون اللي استخدمه لوجهي صابون الغار
بصراحه احس انه رووعه ويخلي وجهي صافي ومنور
انا كنت استخدم مستحضرات كلارنس لما كنت اعالج وجهي من الحبوب(قبل ما اتزوج) والمستحضرات عبارة عن :
تونيك اللي لونه اخضر للبشرة الدهنية استخدمه مرتين باليوم ______,انا كانت بشرتي دهنية للعلم..
وحليب للبشرة مرتين باليوم بعد التونيك..
وكريم النهار بعد التونيك مرة وحده..
وكريم الليل مرة وحدة هو يعني جل مش كريم..
وماسك للوجه احطه مرتين بالسبوع..
الصراحه استفدت منهم وااااااجد وكنت ناوية اني اكمل مع كلارنس حتى بعد الزواج بس العجز ومايسوي..المهم انا الحين بشرتي الحمدلله نظيفة من الحبوب بس قلت ابي اوحد لون بشرتي عشان اصير أحلى واحلى…رحت عند خبيرة التجميل في صالون جاك ديسانج عندنا (في قطر) وعطتني هالاشيااااااء:
منظف رغوة للوجه مرتين في اليوم..
كريم لتوحيد لون البشرة مرة وحدة في اليوم ..توني بادية من 4 ايام بس احس لون بشرتي توحد شووووووووي وهي عطتني ضمان ان خلال شهر يتوحد لون البشرة..
كريم واقي من الشمس ،وهذا اهم شي يابنات..لأن اللي ماتستخدم الواقي راح تلاقي بقع بنية على بشرتها واللون مو متوحد..
مقشر للبشرة من أحماض الفواكه…الصراحه هذا رهيييييييييب بس مرتين بالاسبوع..
هذرت وايد..تعبت اصابعي
المهم…كريم الاساس ما استغني عن ماكس فاكتور..
وآسفة عالاطالة اتمنى انكم استفدتوا…
شو نوع البشره ؟
بشرتي جافة وعليها ختم التييز باجفاف( صحراء قاحلة من الجفاف)
اي مجموعة عناية تستخدميها طبعا بالتفصيل من اي ماركه و لازم تذكرون الاشيا الموجوده فيها من غسول و تونر و كريم ليلي نهاري كريم ترطيب اللي موجود ماتنسون شي
بعدني ما استخدمت بس باذن الله تعالى بستخدم مجموعة كلارنس للعناية بالبشرة الجافة وهي:
حليب منظف للبشرة وروعة سمعت عنه
غسول مرطب للبشرة الجافة
2*1 مقشر ومهدي للبشرة
لوشن مطهر للبشرة يستعمل بعد التنظيف والتقشير ليحافظ على تألق البشرة لمدة طويلة
للبشرة الجافة والعادية
وكريم الترطيب الفائق للبشرة الجافة
كم مره في اليوم تستخدموها
طبعا بتكون استخدام يومي
واي كريم حماية من السمش تسخدموه ؟؟
استخدم شيسيدو
وكريم الاساس اليومي الخفيف طبعا و
استخدم كريم الاسا س حاليا ومركزة عليه ن ايف سان لوران مع بودرته وواايد عاجبتني
اذا كنتون تستخدمون كريم ترطيب وحماية يقوم بعمل كريم الاساس اذكرووه لاني ادور هالكريم؟؟
وكريم ايف سان لوران بعد للترطيب
مشكوووووووووورة اختي على الرد
ولاتنسين تستمرين علشان تضلين حلوه على طول :d
بس ويش نوع المنظفات اللي وصفتهم لك الدكتوره ؟
حلوه المجموعه بس الحليب المنظف شكله هو نفسه اللي ذكرته ام الحلوات
شجعتوني اخذه
وعجبني شكل كريم الاساس ايف سان لوران D:
واتوقع ان في بالسعودية هالصالون بس مادري وين..
انشالله افدتج..