السلام عليكم ورحمة الله وبركاته
كيف حال الجميع,إن شاء الله بخير
اليوم حبيت أطرح لكم موضوع ,وهو: طريقة عمل البوكسات بالمنزل,وبصراحة كنت بسوي لكم طقم كامل متكامل ,لكن الوقت ما كفاني ,فاقتصرت على عمل بوكس واحد,وتركت المجال لكم تبدعون بأفكاركم الجبارة
يلا نبدأ على بركة الله:
(1) نجهز الأغراض ,وهي:
أي كرتون يكون عندك ,أنا استخدمت (كرتون جزم,أعزكم الله),وأي كرتون ثاني بنستخدمه للتقسيمات.
مقص
غراء (قزاز),و(غراء مسدس)
تغليف أي نوع اللي يكون عندك.
بخاخ
ورود ولولو وأشرطة للزينة
ورق زبدة
(2)ناخذ الكرتون (مهوب كرتون الجزم,الكرتون الثاني) ونقصقصه على قد (كرتون الجزم,وانتم بكرامة),ونبخ الجميع بالبخاخ
(2) ناخذ غراء المسدس ونغري القطع داخل الكرتون زين.
(4)نغطي الكرتون من برا بورق الزبدة (متواجد بالمكتبات,ب1ريال) استخدمت اللون الأبيض.
(5)نجهز الغلاف,استخدمت هذا النوع عجبني وسعره طيب.
(6)نبدأ بتغليف غطاء الكرتون,مع ملا حظة اني ما لبسته بورق الزبدة,فقط بخيته بالبخاخ من جوا ومن برا.
هنا بعد ما غلفته,وزينت أطرافه باللولو,وحطيت وردة سكرية ع الجانب.
(7)نمسك الكرتون ونغلفه بنفس الطريقة,وهذي صورته من أعلى.
نزين الكرتون أو (البوكس) كل وحدة على حسب ذوقها واللي متوفر عندها,أنا زينته من الجنبين بزينة بسيطة وناعمة,وهذي صورته.
(8) الشكل النهائي للبوكس.
الآن أصبح جاهز للاستخدام,كل وحدة تستخدمه باللي تبي,وحبيت أوريكم بعض من طرق استخدامه,مثلاً يستخدم لوضع أدوات الخياطة,وهذي الصورة
أو يستخدم لحفظ البكلات,والبنس ,والشباصات,وهذي الصورة.
ويمكن يستخدم لأي غرض.
بعد ما انتهيت أعطيته لأختي الكبيرة هدية,واللا شرايكم ينفع أتاجر؟
وبفضل الله انتهيت من عملي,هذا جهدي,إن أعجبكم الحمد لله,وإن ما عجبكم فما علي الا اني اعطيكم الفكرة وانتم بإمكانكم تطويرها بالأحسن والأفضل.
أخيراً: السلام عليكم ورحمة الله.
واهم شيء انه من شغل يدينك
تتهنى فيه اختك
سبحانك اللهم وبحمدك أستغفرك وأتوب إليك
اقتباس | المشاركة الأساسية كتبها زوجة رجل مهم* |
ماشالله شغل مرتب وحلو…. وتستاهلين احلى تقييم | ||
جزاك الله خير,,وشكراً لك ع المرور,
وأما التقييم فهو من تواضعك,مشكورة
اقتباس | المشاركة الأساسية كتبها شووق الذكرى |
يعطيك العافيه روووعه واهم شيء انه من شغل يدينك تتهنى فيه اختك |
||
ويعطيك العافية ع المرور.
ليه تبين مثله,أسوي لك عادي
اقتباس | المشاركة الأساسية كتبها عسولة قلبه |
ناااايس .. فكرة حلووووة .. ما شاء الله .. تم التقييم .. ^^ | ||
الحمد لله ,,ماكنت أظن انها بتعجبكم.
مشكورة ياقلبي ع التقييم,,ربي يسلمك حبوبتي:adore:
وكمان سهل وعجبني