باغي منكم مساعدة بأفكاركم الحلوة ..
زوجي الله يخليه لي ان شا الله ما شاء الله وايد حنون ،، احنا عندنا ولدين .. الكبير كان وايد يساعدني عليه حتى انه يسهر معاي بالليل ويساعدني في تحميمه وتبديل ملابسه وتنويمه ولما كبر والين الحين وهو يساعدني عليه ..
والحين انا ولدت من حوالي شهر ونص ، وبصراحه وانا حامل كنت اسمع ان الازواج اذا ساعدوا زوجاتهم في رعاية البيبي الاول فما يساعدون زوجاتهم في رعاية البيبي الثاني وانا كنت خايفة ان بشيل هم ولدي الثاني بروحي خصوصا ان انا ساكنه بعيد عن بيت اهلي وما عندي احد يساعدني .. لكن الحين ما شا الله زوجي مو مقصر قاعد يساعدني بعد على عياله اثنينهم " الكبير عمره سنتين و10 اشهر " وشايل معاي همهم ..
من يومين كنت تعبانه وايد من قلة النوم ومن الاهتمام بهم اثنينهم " خصوصا ان زوجي دوام شغله من الصبح الى 6 المغرب " فيصيرون معاي طول اليوم تقريبا ، وفي الليل كنت ابغي انام وولدي الصغير مو راضي ينام وقاعد يبكي لانه مزكم وخشمه كل يتسكر ومن التعب قعدت ابكي انا بعد <<<< دلوعة :angry: فكسرت خاطر زوجي وقام اخذ عني الولد وقالي نامي انتي واتحمله مسكين طول الليل مع انه كان راجع من الدوام المغرب ويوم ثاني عنده دوام من الصبح للمغرب ..
الحين انا من امس وانا احس نفسي ممنونة لزوجي وحابة اني اهاديه واعبر له عن حبي وشكري له .. لكني مو عارفة شلون !!!! ساعدوني :shy: :shy:
والله يا الغالية أنا ما عندي افكار أتفيدج بشي بس أن شاء الله البنات مابيقصرن أوياج ابشي………………….
اول مايرجع من الدوام…
وممكن عشوة حلوة ووتتعدلين.. لانج اكيد مشغووولة مع العيال
قولي لوحده من جيرانكم… تمسك الاطفال وانتي معاها..
والمنتدى مليان الحركات الحلوه مايحتاج نشرح لك
والصراحه زوج مثل زوجك يستاهل كل خير
الله يخليه لك ويسعدكم ويحفظ لك عيالك ويهديهم لك
وجهزي له الحمام عزج الله عشان ياخذ شاور اول مايرد
وبخري بيجامته وعطريها وسويله اكله يحبها وممكن كيكه او اي نوع سويت يحبه
keep it simple
احلى عشان مايحس كأنها مناسبه
مجرد طريقه بسيطه للشكر
ماشاء الله عليكم ربي يسعدكمـ
خذيله هدييه حلووهـ>> شي يكون بخاطرهـ
والمنتدى فيه افكار حلووه
شوفي ها الموضوع روعهـ
والبنات مشالله ماقصروو
ماشاء الله الله يخليه لج يحفظه من كل سوء يارب
جيبيله هدية حلوة …شي هو يحتاجه مثل موبايل لو كان موبايله قديم او اي شي ثاني
وزيني البيت بشموع وورود وتعرفين البطاقات الكبار الي ينباعون في تهاني البحرين؟ شتري وحده وحطيها مكان ملف مثلا اول ماريجع من الدوام يحصلها عند الباب
وكتبي عليها شعر او كلمات شكر
وأول وايدخل انتي طبعا بتكونين معطرة البيت ودامه يرجع من الدوامن متأخر اكيد يكون تعبان فأنا اقول جهزيله الحمام وسويله جلسة مساج شوفي هالمواضيع
و الله يهنيكم يارب
اختج
#رومانسية#