عموما عشان أساعدكم بعلمكم طريقة سهلة وبسيطة، هي ممكن تآخذ منكم وقت أول مرة بس مع الممارسة بتطبقينها بسرعة.
(المنتجات اللي بستخدمها للشرح من MAC لكن لو عندج منتجات مشابهة لماركة ثانية مافي أي مشكلة لأن الطريقة وحده)
المنتجات كالتالي:
MAC prep + prime lip
MAC lip pencil – cherry
MAC lipstick – MAC red
MAC lipglass – cult of cherry
MAC mineralize skinfinish natural – light
MAC #316
MAC #208
والحين خلنا نشوف الطريقه:
1. بعد ما ترطبين شفايفج وتخلينهم ينشفون لين تتشرب البشرة المرطب (إستخدمي مرطب غير دهني وخفيف) حطي MAC prep + prime lip على كامل شفايفج
2. بعدين راح نستخدم المحدد MAC lip pencil – cherry ونلون فيه الشفايف بدأً من الوسط بإتجاه تحديد الشفة الطبيعية هذا طبعا راح يساعد في إظهار اللون وتثبيتة
3. الحين راح نحط الروج MAC lipstick – MAC red بإستخدام الفرشاه MAC #316 على الشفايف فوق المحدد اللي نحن سبق وحطيناه. الروج هذا مش مات وبيكون مناسب حتى للي شفايفهم جافة
4. الخطوه الياية هي تحديد الشفايف من برا عشان تكون الرسمة مرتبة وواضحة. راح نستخدم في هاي الخطوه MAC mineralize skinfinish natural – light و فرشاة MAC #208 عشان يطلع الكونتور صححححححح طبعا الطريقه سهلى حطي شوي من البودرة على الفرشاه وإرسمي على خط الشفايف الخارجية
5. وأخيرا هاي خطوة إختيارية إذا حبيتي الروح يكون لامع أكثر. راح نحط MAC lipglass – cult of cherry
وهذا هو اللوك النهائي
أتمنى تكونون إستفدتوا وإذا عندكم أي إستفسار خبروني 
(الصور لعارضة أجنبية)
وانا من محبين روج ماك رد …..,,
وفعلا لو تحددي او تملي الشفايف بمحدد قبل وبعدين الروج يطلع رووووعه ..,,
وهكذا انا اعمل بكل الماركات …….,,
تسلميييي ..,,
طرق سهله و جميله الله يعطيج العافيه ع الطرح
دمتي بود
ألطريقـه جداا رائعـة
تسلميْن عُ الجهـدْ.,
سـلآمْ
,،
رووووعة مشكورة ياقمر
يعطيك العافيه
اممم عمري ماحطيت روج أحمر، أحسه ماراح يضبط معي بس يمكن مستقبلاً أحط