الســلام عليكــم ورحمة الله وبركــاته
ابى طـــريقه .. إذا سويت فراوله فريش فوق التشيز كيك ..
شو طــريقة الخلطــه مالهــا لانه يكون فيهــا ســائل فكيف هذا الســائل ومن شو.. إللي تعــرف اتخبــرني
مــا اريد اشتــري علب جــاهزه للكــرز أو غيــره أبى اسوي فــراوله …
اللي عندهــا فكــره اتخبرنــي
الله لا يهينـــكم
وبالهنا والعافية
حياج الله عزيزتي…
لقيت لج هذي الطريقة من موقع أجنبي، بصراحة ما جربتها لكن عليها مدح كثير…
كوبين فراولة طازجة، أو مثلجة
ربع كوب سكر
ملعقة صغيرة فانيلا
قطعي الفراولة بالنص و ارفعي على جنب مقدار ثلث كوب من الفراولة، و الباقي حطيه في قدر مع السكر و الفانيلا و ارفعيه على نار متوسطة و اغليها لمدة 5 دقايق…
إذا تحبين الصوص شوي ثقيل، ممكن تخلطين ملعقة كبيرة نشا مع ربع كوب ماي و تضيفينه للقدر و تحركين لحد ما يثقل… بعدين إذا حابة يكون الصوص ناعم كثير ممكن تطحنينه بالخلاط… لكن إذا تحبين يكون فيه شوي قطع من الفراولة، اهرسيه بهراسة البطاطس… رجعي مقدار الفراولة اللي رفعتيه على جنب و اخلطيه مع الفراولة اللي هرستيها…
و اتركي الصوص يبرد قبل ما تزينين فيه التشيز كيك… و يصلح بعد مع الآيسكريم و البان كيك و الكريب و حتى للكيك!
عوافي إن شاء الله F: