ابي اسوي عيد ميلاد عائلي بسيط جدا يعني كيك ومعجنات وعشا بسيط فكرتي ان اشتري كيكة ووجبة هبي ميل للاطفال بتكون كل دجاج نجتس الياهال الي عندنا يحبون النجتس وايد اشتري سندويجات مايكلونها واهمة اعمارهم من سنة الى 11 سنة فقط تقريبا عندنا 10 اطفال فقط ومعجنات ومشروبات كلش بسيط جدا واشتري هدايا وزينة لوناسة الياهال بس موعارفة من وين اشتري الكيك اول مرة شريته من سعد الدين الرفاع على صورة بنتي ب45 دينار والسنة الثانية بعد منه ب 20 دينار عادية بدون صورة واحين ابي اغير بس مابي غالي وحلو دلوني عن مخابز حلوة بسوي حق بنتي بيتكون كملت 3 سنين تاريخ 29 واختها بس المسكينة كملت السنة من شهر فبراير تاريخ 14 قلت مع بعض احسن اشرايكم بمخبز المنار ووين اهو واسعاره اشلون ابيها في حدود 15 فقط ومشكورين ومن وين اتوصوني اخذ الوجبات للاطفال انا عن راي افضل جسميز او كودو بس وين كودو احصله غير في المجمعات تقريبا عدد الاشخاص مع الاطفال 20 شخص فقط
عندج افضل كيك بالنسبة لي سعد الدين والمنار وفي بعد محل صاير في الرفاع اهو يديد اسمه تشوكلت او شي من هالقبيل مو مذكره الاسم بالضبط(صوب حلويات الخلود في نفس الطرييج اللي يودييج للمركز الصحي للرفاع الشرقي) على ما اعتقد كيكه روووعه بس غالي ما اتوقع بتحصليين كيكة بحجم زين بالسعر اللي تبينه بس احسن شي حق ميزانيتج المنار والمرزوق اهو عن كيكات المنار المعروضه في حدود 8 دينار وحجمها صغير يعتبر بس انتي روحي لهم وشرحي لهم انه تبيينه لعيد ميلاد وميزانيتج هالكثر واهم بيقترحون علييج الاشكال والاحجام المناسبه وبعد كيك المرزوق سوينا في ملجة اختي من عنده تقريبا كيكه كانت وايد كبيره ب30 دينار ولذيذه بعد فيمكن انتي لو سويتيها اصغر بما انه اكييد المعايم اقل فبتكون ارخص بس اول شوفي المنار وعقب المرزوق لانه كيك المنار احلى
************************************************** *
بالنسبة للهابي ميل عندج جسمييز اتوقع افضل واهو قيمة الهابي ميل عنده لو على جيز دينار و200 فلس ولو بدل البيبسي عصير برتقال راح تكون دينارو400 فلس ويمكن لو بدون جيز او اختيارات ثانيه راح يكون ارخص
************************************************** *
والمنار له فرعيين حاليا فرع في سند تقريبا مجابل مطعم اسمه اسطنبول لو تعرفينه وفرع في جد حفص يم برادات الحلي اما بالنسبة للمرزوق فصاير في شارع الخدمات قبل لا توصليين محل الأنوار
اتوقع بميزانيه 15 دينار مابتحصلين شي عدل و يكفي حق المعازيم
انا اسوي حق ولدي عند الفطائر الأوربية كل سنه قبل كان الكيلو ب 6,5 دينار
من العام سووه ب8 دينار مايندرى السنة جم وصل بس الزين انه يسوي اي ديزاين تبينه من غير ما يزيد السعر
عندك مخبز دلمون كيكه حلو و بعد في المنامه مخبز الشرقي أو الشرق الاوسط ناسيه اي واحد
يسوي كيك لذيذ بالكسترد اهو في سوق المنامة شارع الذهب نهايته
في حدود ميزانيتش المنار خيار جيد كيكهم حلو وسعره مناسب بس ما أدري بها2لمبغ إذا مري اليي في الرفاع يسوي أو لا >>> مري بعد حلو
سؤال بالعرض>>>> تفضلون تلبيسة الكيك كريمة لو كسترد لو مرزبان شخصيا أحس المرزبان أحلى وأكشخ ملينا من الكريمه
وبالنسبة للهابي ميل أحس كلهم يتشابهون بس أفضل جسميز
سؤال ع الطاير حلو إن أسوي عيدميلاد للأطفال بس دون الكبار لمدة ساعتين أحس واجد أفضل وبدون شكليات <<< أفكر أسويها جد بس ما أحد يتأخر عن أولاده يجون لهم ع الوقت خخخخخخخ
بما ان الا طفال في حدود 10 اطفال ..
انصحج في كيك ام حسام الا في سار..
عندها مختلف الاسعار..!
وكيكها لا يعلى عليه لذييييذ ..
وباقي المعجنات وجذي من المنااار …
او حتى اي مخبز ثاني تفضلينه ..
والنقيتز او البوب جكن ..
ممكن من ماكدنلز الوجبه الهبي ميل بدينار..
او حتى كنتاكي ..
وكل سنه والحلوين بخير وعقبال 1000 سنه ..
سمعت المناار حلوووة شغلة
وناوية هالسنة اروح لة ان شاء الله
ومخبز المناار يصير في جدحفص صوب الحلي
في كودو في العدلية مقابل فدركرز
بالنسبة للكيك لا شوكولا في على 15 بس ما بتكون كبيرة بيكون حجمها متوسط
و نصيحة لله لا تسوين الحفلة في نفس يوم ميلادهم غيري اليوم عشان ما اتشبهين بالغرب
هلا اختي كيك المنار تقريبا الكيلو 6 دينا وبس يعني بصير 2كيلو 12 اعتقد الحجم مناسب الى 20 شخص
هلا بالنسبة للكيكة عندك ام حسام بالجنبية كيكها وااايد حلو واسعارها اوكي وكيك جواد بعد حلووووو
بالنسبة للمكان عندك جسميز الوجبة عندهم اوكي سعرها..والف سنة حلوة للامورة