للمقبلات على الزواج ويريدون يعرفون كل شي بالتفصيل لتجهيزات العرس "بنات الامارات فقط" 2024.

أنا تعجبني البنت البسيطه والي تحافظ على بيزاتها وبيزات ريلها.. وما تسرفه في اشياء الغاليه والمظاهر والقيل والقال وعشان تراوي الناس هي كيف؟! ترى رضا الناس غايه لا تدرك.. يعني في بنات وزوجات الله يهديهم ما يحاتون بيزات ريايلهم.. أهم شي انها تشتري الشي الي في بالها باي ثمن..

غرضي من هالكلام أن…..

بعض البنات المقبلات على الزواج وايد يهمهم آراء الناس والمعازيم.. فتروح وتشتري أغلى الماركات من السوع والنعال والاكسسوارات.. واتفصل أغلى فستان وتحجز أحسن وأغلى كوشه وما تخلي ورده في المحل الا وهي حطتها حق ماسكتها؟!؟!؟!؟! وتقول انا والله مره في العمر بتزوج يالله بخسر ريلي مره وحده أو تقول والله هذا من مهري بلعب لعب بالبيزات.. وتنسى ان باجر ربها بيحاسبها على كل فلس.. وتنسى ان العرس مدته فقط بضع ساعات وعقبها وين بتفر هالاشياء!؟ وتنسى أن الناس ما بترومين ترضيهم باي شكل من الاشكال.. والله لو العرس كان فخم وراقي وكل شي فيه غالي.. الناس بتطلع اي عيب عشان تذمه والناس جيه ما يسكتون الله يهديهم.. يعني اذا العرس كان بسيط والا فخم الناس بترمس وانتي بتسكتين منو والا منو..؟!

اسمحولي على المقدمه الطويله العريضه..
انا فتحت هالموضوع للبنات الي ما يقدرون على الغالي.. والبنات الي الي يحبون الاشياء الزينه.. والبنات الي مستواهم المادي محدود والبنات الي ما يهمهم شي عندهم والله يزيد لهم.. وحبيت اساعد واور وقت حق الي بيعرسون والي مول ما يعرفون كيف بيتصرفون ووين يبدؤون وشو بيسوون!؟

أول شي بنسبه للعرايس بالبركه عليكم ومنه المال ومنكم العيال..
والله يهنيكم في حياتكم اليديده يا رب..
وبنسبه الي ما عرست الله يرزقج بزوج صالح يا رب..

—————————-

أول شي أهم الاشياء لازم تكتبها العروس على الليسته عشان لا تنسى اي شي منهم:

1- حجز كوافيره
2- حجز فستان+ اكسسوار+نعال
3- حجز قاعه
4- حجز كوشه
5- حجز ماسكه
6- حجز حنايه
7- حجز مصورين
8- حجز فرقه
9- حجز كروت

—————————

خلونا نبدء عن الصالونات والكوافيره..
البنات يذكرون اسامي صالونات الي كل العرايس يروحون عندهم والي معروفات بنسبه لتزيينهم وتعديلهم للعرايس مضمون 100% ويرضي ذوقهم وما يكون فاشل ويخليهم يندمون.. ألا وهم:

صالونات الي بدبي:
* مورا.. عند ليان, ندى, جوزيت..
* سيلفي..
* مشكبار.. عند مشكبار نفسها..
* غوطيس.. دليله..
* عمرو..
* ايمان.. زرينه..

صالونات الي بالشارجه:
* بافان.. غاده, لبنى..
* مرام.. مريم..
* ماريوت..

تقريبا اسعارهم للعروس ب 3000 الى 4000درهم مكياج+تسريحه.. ويمكن يزيدون اذا العروس بغت اشياء زياده وتعديلات اضافيه.. ويزيدون اذا ياولها الفندق او القاعه..

واذا أي بنت ذكرت أي صالون أو أي خبيرة تجميل من أمثال:

* هند الأميري..
* هيفاء صفر..

وغيرها من المواطنات المشهورات والمتميزات.. طبعا أسعارهم تقريبا نفس اسعار الصالونات الي ذكرتهم..

وفي صالونات مب معروفه بس فيها خبراء تجميل من لبنان وهند وباكستان والمغرب بس على حسب مزاجهم يسوون المكياج ويمكن ما يرضي ذوق العروس وغيرها ويمكن هم مب معروفات اصلا وأسعارهم زينه.. بس الواحد ما يجازف ويسمع كلام الاهل والا الربع: روحي مكان الفلاني والا مكان الفلاني لانها عروس ولازم تطلع باجمل صوره صح والا لا!؟

يعني البروفه أحسن حل..

والي ما تقدر وميزانيتها ما يكفيها خلها تروح كل خميس والا الاربعاء أي صالون معروف والا طلع على بالها وبغت تدخل صالون معين واتشوف كيف الماكيره والي اتمكيج اتضبط المكياج للعرايس عشان تأخذ فكره وتقرر هل مكياجهم نظيف ومضبوط ومدقق فيه وتقرر وين تختار ووين تحجز..

أنا شفت مكياج صالون "جانيت وهدى" في دبي.. وما بسوي دعايه عنه.. لان كل وحده وذوقها اخاف اي وحده اتروح واتجازف وعقب تطلع امبوزه وتقول الي مدحت لي المكان ذوقها مب شي ويتعكر مزاجها.. أنا ما شفت مكيجهم على العرايس لالا.. شفته في المجله وشفته في ويه ربيعت ربيعتي كان عندهم عرس.. وكان وايد حلو مسوينلها..
وعن اسعارهم تقريبا 1500 للعروس "مكياج+ التسريحه+ البديكير والمانيكير وأعتقد حمام المغربي"..

وعندج مركز ضيافه للتجميل الي بجميرا.. أعتقد أسعارهم بعد زينه على حدود 1500 والا 2000 درهم..

هذا بخصوص الصالونات..

———————————–

وعن الحنايه عادي خلها تروح أي صالون يسوون حنى حلو ما تخبرهم انها عروس عشان لا ياخذون عنها دبل بيزات يعني توفر صح..

* صالون رشنا.. دبي
* مراسم.. الشارجه
* العروسه.. الشارجه
* فلورا.. دبي
* رشنا.. عجمان

———————————-

على الاقل قولو مشكوره لانج طبعتي هالكثر وتعبتي عمرج والا جاملوني بكلمه والا قولولي ما عندج سالفه :eek2:

بنات لا تستحون ردو على الموضوع ليش الموضوع فيه احراج والا كيف!؟ :pain: