ابي اسال
لو شريتي شي واحد معارض عليه
دايم اشتري اشياء
هذا خلق وهذا موب زين وهذا مب حلو
شريت بنطلون اخضر وجكيت اسود وبدي ابيض وكعب اسود مثل العارضه
وضحت علي اختي
ومره شريت بنطلون من تيرانوفا غريب شله شوي كنت ضايفه واحد عندي يقولي كنه خيشه بسوق حجاب صراحه مااعرف ابد وشي سوق حجاب ابد مااعرف لكن اتوقع سوق شعبي وان قصده الاستهزاء علمت امي وماقلت ان واحد اللي قايلها قالت معقوله ماتدرين من اللي قايلها مو مهم من قالها
احيانا اشري اشياء واوريها امي وتعيي تشوف شي
واحيانا تقول هذا البنطلون مثلا خلق يحوم الكبد وهذا مب زين وهذا مب زين
اذا احد قالي هذا مو زين اصرف نظري عنه لو جديد رجعته ولو شاريته من زمان اخليه للبيت
انتم لو احد عارض على ذوقك الخاص سواء بالللبس بالمياج بالشعر
مااقصد المزح اقصد الجد
حتى الكعب العالي ينتقدونه
كرهت نفسي شكيت لاختي الثانيه وبرضوا تضحك خلاص مو مجبوره اني احضر علشان الكعب احسن حل اني مااحضر يعني
احيانا لو سويت حواجبي بالقلم مايعجبهم ويناظروني نهم مشمئزين مني
ان حواجبي مب زينه
مره شكيت لزميلتي بالكليه ان بنت عمي تضح واختي تصورني بالجوال قالت يمكن اللبس عادي
امي ماتبي تشوف شي سواء بالنت او حتى من اغراضي او حتى اسواق ماتطلع
كل مناسبه صياح ومشاكل
لو شريت شنطه مكياج تقول اختي بتعرسين (بتتزوجين ) من باب الاستهزاء
لو ذكرت اسماء محلات تستهزي فيني
حتى لاحطيت روج ينتقدوني مب حلو الروج
بنت بنت عمتي تقول امي عندها بيت يؤجر للايجار ماتشتري لي شنطه ب7 الاف ريال
كلن صار همه المظاهر
يعني لو احد مكاني واحد معارض على ذوقك الخاص باللبس بالمكياج بالشعر
صح احب اشاور
لكن امي دايم هذا خلق هذا مب زين باسلوب يخليس تكرهين الشي اللي انتي شريته
حتى الزمام ركبته اكثر من مره يناظرني ابوي وهو مشمئز مني
حتى التان يناظروني وهم مشمئزين مني ورى وجهك احمر ؟؟
حتى مره شريت نظاره طبيه شمسيه لونها اصفر اختي تضحك تقول كنها لعبه
وهي اصلا غاليه مب رخيصه اختي الثانيه قالت مب حلوه لاتلبسينه قلت مو مشكله افصل نظاره طبيه غيرها
حتى الصبغه لو اصبغ وماعجب امي تقول روحوا واصبغوه انا صح ادور الشي الزين
لكن صار لي احراج
انا عادي عندي جهاز سشوار وعندي بي بي ليس وعندي لفافات وعندي سبراي ورغوه تجعيد
واسوي شعري حلو
اختي تقول يااتروحين تستشورين ولاتحضرين المناسبه وحتى هي تقول الا بروح استشور ولامااحضر المناسبه ؟؟واصلا انا شعري طبيعته ناعم
حتى صارو يتنافسون من انحف فلانه ولافلانه
اشوف ملابس واشياء حلوه ومكياج بالنت واوري امي ولاتبي تشوف شي
اشوف اشياء بالسوق وماتبي تشوف شي
هل يمكن لان امي كبيره بالعمر ؟؟؟
ماابي اغلط عليها ولاابي احد يقولي اغلطي على امك
هي اصلا امي تحسب ان في احد يقول اغلطي على امك مااحب كذا
لكن ماتبي تشوف شي سواء بالنت او بالواقع
واحيانا الللي يعجبها يمكن مايعجبني
حتى قصات الشعر اللي يعجبني يمكن مايعجب اختي
انعزموا امي وخواتي على شبكه
ولاارسلو لي كرت قلت ليش ماارسلوا لي كرت
يحضرون مناسبات وانا مااحضر
قلت ليش ماارسلو لي كرت ؟؟ قالت اخبرك ماتحبين تحضرين قلت طيب هذا اول الحين انا ابي احضر ابي اشوف الناس
يعني وش يجلسون يحاسبوني اول ماتحخبين تحضرين
ويطلبون من المطعم ولايطلبون لي
سالت موظفه عن تنورتها الرماديه حقت بنات الجامعه قامت تضحك باعلى صوته
واصلا انا عارفه انها موجوده بزارا قالت اخذته من زارا
سالت مصري قال التنوره هذي لها سنتين ماعاد يجيبونه لان التنوره ذي مطلوبه كثير لكن انها تشكيله قديمه فماراح تحصلينه
حسيت اني سويت شي غلط يوم سالته علمت اختي وكنت متضايقه منه ولاردت علي كاني فعلا سويت شي غلط حتى مااارتاح له
كتبت مره موضوع واكتشفت ان بنت اختي الصغيره تقراها وتروح تقول لامها اللي هي اختي
وصارت مشكله وتوترت علاقتي باختي
حتى امي تحسب ان في احد يحرضني عليها
وحضرت مره زواره ولد عمتي ورسبت بماده
مادري يمكن ماتعودوا اني احضر المناسبات
يمكن كنت بزر
ومره سويت تسريحه واصلا شعري قصير استغربت اختي وبنت عمي وشولن صار تسريحه كبيره وانتي شعرك قصير
مدري وش سبب التصرفات الغريبه ؟؟
واذا حضرت مناسبات واذا يعني طال شعري
واذا يعني مثلا شيرت لي ملابس جديده
انا اصلا قبل كنت مااحب المناسبات كثير
وهذا موقف صار لي وسبب لي احراج ومثل الجرح حضرت زواج لبنت عم ابوي وانا يمكن بثاني ثانوي
وانا اصلا كنت اتعالج فتره الادويه ذي سببت لي توتر واحس رجليني تهتز كثير ناس يحسون ارجلهم تهتز وقت مايتوتر
الموقف اللي صار تهاوشت مع اختي ورحت للحمام وقعدت اصيح بالحمام بس مب قدام الناس
وقالت لي كلام كثير منها اني انطوائيه او شي ومنها اني زي المريضه نفسيا
وسمنت شوي مع الادويه ورجعت نحفت احسن من قبل والحين انا انحف من ايام الثانوي وانا اصلا اكبر بالعمر
البنت هذي اللي حضرنا زواجها زوجها توفى الله يرحمه
امي تكلمت مع خالتي وتقول ان (فلانه ) انحف مني وانتي تقولين اني نحيفه جتني اختي من غير سبب وقالت لي نحفتي ولامانحفتي تحومين الكبد عالجي هالدمامل اللي بوجهك
اخاف قبل مااكتب اي مووضع ان بنت اختي تشوفه لان بعض المواضيع لاكتبتيها ماتقدرين تحذفيينها الا اذا راسلتي المشرفات وبعض المنتديات ممنوع حذف المواضيع ابدا ابدا
اختي الكبيره هي منفصله من زوجها الاول وعندها بنتين وتزوجت مره ثانيه راحت بنت اختي الصغيره تقول ان بنت عمي غايره علشانها تزوجت وقالت مره مااراح نضيفها بالبي بي تقصدني علشاني مااسولف ابد بالبي بي قلت خلاص مو لازم تضيفني
وماتتكلم الا بالساعات تقول انها شاريه شنطه ب38 الف وعن نفخ الخدود وعن المكابره والمفاخره وعن الشناط الغاليه مره والساعات
حتى لو احد لبس شنطه تقليد يضحكون عليه
يختي فين الثقه بلنفس لو البس خيشة رز وانا واثقه من نفسي مايهمني كلام الناس لو احد رمى عليا كلام ياجبل مايهزك ريح
بلعكس بيكون ردي انا اللي احلي اللبسه مو هيا تحليني
كل الموضوع متعلق فيك انتي مو بلناااااااس
اميره فكري كويس عمرك يروح وانتي مهتمه بكلام فلانه وعلانه
يختي ارمي كلام الناس ورى ضهرك
الجئي لله سبحانه وتعالى
والاستغفار..اتوقع موضوعك موهنا مكانوا..
مثلا التصوير حاولي تبدي تصوري في الطبيعه و يلي حواليك
او رسم
أو كتابة قصص أو شعر
المهم ضيعي وقتك الفاضي في شئ هادي و رلاكس تلاقي منفذ فيه
امممم شو اقول
اختج الكبيره وامج متربيات على اجواء وملابس وعادات
وكل شي جديد طلع هن يستغربن منه ويحسن انه عيب ومنقود
اما انتي فكبرتي في هذا الجو ، جو الموضه والاشكال والانواع من اللبس فتحسين انه عادي انتي اتشوفينه بكل مكان بالنت بالجامعه وتسمعين صديقاتج
اما امج واختج الكبيره فما يشوفون هالاشيا كثير او انهم اتعودوا على ذوق اول ويحسن ان اي شي غير غريب ويمكن عييييب
فانتقادهم الك لاستغرابهم انك غير عنهم يمكن يريدوكي اتكوني مثلهم او يخافون من التفتح ويخافون عليييكي بس مش عارفين كيف يوصلوا المعلومه اليك
يظنون لو انتقدوكي بهالطريقه بتتركين هالاشيا هم يشوفونها غريبه بنظرهم
لا تقولين ان ذوقك مو حلو اصلا لولا اختلاف الاذواق لبارت السلع في السوق
هذا اللي اقوله للي يعيب على ذوق احد لان كلن وذوقه
حبيبتي اكيد امج واختج يريدن كل خير الك
اهم شي دام انه عاجبك مو لازم يعجب غيرك
ثاني شي
والله لو تلبسي خيشه على قولتهم
اهم شي انتي مرتاحه بلبسك
كمان ماعليكي من كلام الناس
متى اصلا الناس يعجبهم شي ههههه
والله من العالم الي حولي صرت مااهتم من راي احد
الاهم انا ثم انا ثم انا راحتي قبل كل شي
شوفي عن مامتكي على فكره الامهات معضمهم كذا
وعن اختك حاولي تتقربي منها
انا واختي الي اصغر مني ماكنا نطيق بعض
بس الحين تقربت مني وصرت مااعتبرها اختي الا صديقتي الوحيده والله
لاتزعلي مني انت حساااسه مرا
خذيها مني طنشي اي شي يزعلك ولاتكدري خاطرك
اسمعينى اختى انا نفس مشكلتك بس انا احب اللبس الجلابيات الكويتيه او اللباس المغربى او الدقه الاماراتيه واتمكيج وسوى تسريحات ناعمه امى فديتها دائما تمدحنى ان هى الشى حلو حتى لو مو عاجبه معن خواتى الكبار دائما يسبون ويشتمون ويتمصخرون على لانى مازلت الصغيره والبنت تلبس فستان قصير او بناطيل يعنى شغل البنات هذا العصر الامر اختى مايهمنى احد مدام انى عاجبنى ذوقى لاكن بشكل محددود المهم انى راضيه عن نفسى
بقولك موقف مره كنت رايحه الجامعه ولبست ذاك اليوم عباءه راس اتصدقين وحده من قريباتى طالعتنى بنظره غريبه ولا سلمت على المهم رجعت البيت الا اختى الكبيره تسالنى رحتى الجامعه بعباءه راس وكنى مسويه جريمه قتلها ايه عاجبك ولا معاجبك انا عجبتنى هذى العباءه
المره الثانيه قدمت لى وظيفه سكرتيره المظلوب فيها ماتلبسين نقاب راحت كلمت امى وقالت لها النقاب مب حرام انا رفضت الوظيفه واصريت على وقفى وكلمت امى بعد ماراحت اختى بيتها واقنعتها بفكره النقاب والحمدلله امى كانت معى بعد
المهم ياختى يكون عندك مبدا ويمكن اهلك مايعجبهم