السلام عليكم شلونكم بنات شنو اخبار كتاكيتكم
ادري انا مقصرة وايد بالركن بس تدروون بعد مشاغل و طفلين كلش تعب بس اوعدكم بحاول انظم وقتي و ما اقصر بحق ركني الغالي:15:
بنات عندي سؤال لي متى يضل الطفل يصحى بالليل؟؟ يعني يفز؟؟
و لمن يصحى هل يكمل نومته عندك او يرجع لسريره؟؟؟؟؟
و اذا يكمل نومته عندك متى يتعود ينام للصبح بسريره؟؟؟؟؟؟؟؟
اتمنى فهمتوا اسئلتي يا رب
اشربه ماي و يرد ينام في سريره .. و وقت القعده على وقت النومة الليل يعني انا اتحكم فيها بس معدل النوم عنده حوالي 10 ساعات
أنا ولدي من عمر السنتين الحمدلله أنتظم نومه وكان ينام بسريره طول الليل وإذا كان يبي ماء صوت في السماعة وأنا أروح له حجرته…بس الله يهداهه لما حملت وكبر بطني ياته الحالة وصار يصحى بنص الليل ويشرف ينام في وسطنا.. وللحين عندي هالمشكلة…
ولدي عمره 3 سنوات لكن للحين يقوم باللبل ..ساعات يصييح يباني او ساعات بس يقفز يصارخ..او ساعات يبي حليب…هيييه للاسف بعدني مب قادره اقطع المرضعه عنه..ادري الكل بيلومني لانه غلط بس للحين ما قدرت اقطع الحليب…وايد حاولت بس تعبت..وطبعا تقريبا كل ليله لازم ايي ينام بيننا…والليالي اللي ينام عدل فيها تعتبر معدوده…مادري كيف احل مشكلتي…
انا ولدي عمره 3 سنوات بس ما يرضى ينام في سريره الا اذا نام معاه ابوه ويرقد وقت رقدتنا لو للصبح قاعدين
وتوه البارحة قاعد نص الليل ويصيح بابا تعال ارقد معاي يعني ما افكر ارقده بروحه في حجرة امش بوزي
فالله يعينج ويعينا
افففففف والله صعبة التربية
ويصارخ بعد لان طول النهار ضرب وصراخ وهواش وكلما قعدت اخته قعد وياها يعني سهر للاثنين
على فكرة الساعة عندنا ألحين 2 الفجر واللي قعدني أن ولدي فز من وحدة وربع من نومه واكو جمبي مو راضي ينام قال يبي يجي هني " غرفة الكمبيوتر وألعابه " ويا الماما ما يبي ينام !!!
طلعت له مكعباته يلعب وهو شبه مغمض بس معند ورافض يروح غرفة النوم ينام وعشان ما يتنرفز أكثر استسلمت ليه عشان من نفسه يدوخ وينام فيرتاح في نومه وما يتم كل فترة ينط إذا نام غصب بصياحه لأن مجربة .. لا وشكله سخن بعد لأن قعد قبل 11 ونص قال يبي عصير وتم يصارخ وجبت له حار وقطاه وراح أخذ ليه باااااااارد من الثلاجة وفتحاه وشرباه غصب ورجع نام في المكيف البارد وألحين اكو شكله مسخن واجد والله المعين
لازم ندور لنا حلول ترى الحالة صارت صعبببببببة وشكل اغلبنا رد لمرحلة الاربعين !!!