اليوم جربت اسوي لوك تقدرون تقولون عنه غريب شوي
بس تقريبا في المكياج هذا ذوقي
احب اللوك الغريب واللي تدخل فيه الوان عديده
مثل ما كنت اقول لكم قبل كل لوك
انا اسوي لكم خطوات العيون بس
لان بالنسبه للفاونديشن و البودره بخلي لكل وحده حرية الاختيار
لان كل وحده لها تكنيك معين مرتاحه له و تمشي عليه
اول شي نبدى ب الشيد ستيك shark skin من ماك
و هوه عبارة عن شادو كريمي نوزعه على كامل الجفن و ندمجه باصبع اليد
الحين بالفرشاة رقم 224 ناخذ كميه بسيطه من شادو ماك carbon
و هوهه شادو اسود mat ليش استخدمت هالفرشاه بدال 239
لانها ما تاخذ كميه كبيره من اللون عليها وتدمج اللون على طول
عشان جيه كوني حذره !! لاني مثل ما قلت لو الكميه كبيره الغلطة لا تغتفر
نرفعه فوق ثنيه الحاجب بشوي
يعني اللون الأسود هو اللي بيكون على الجفن العلوي بس
في هاي اللحظه ناخذ الفرشاه رقم 227 و ناخذ من بيجمنت your lady ship
و نوزعه تحت عظمة الحاجب و ندمجه لين ما يتلاقى ويا اللون الاسود و يندمجون مع بعض
خذي الاينر اللي فيه قليتر من ماك night sky وارسمي به فوق الرموش من زاويه العين الداخليه لين الزاويه الخارجيه
و جحلي عينج بجحال تركوازي انا استخدمت اللي من بورجوا
الحين بنشتغل على الجفن السفلي
نستخدم هنيه من علبه كريولان المائيه لونين الاصفر والاخضر
طبعا طريقتي هيه ترشين الفيكس+ من ماك على الفرشاه رقم 231 و تحطينه على اللون وبعدين نحط منه شوي بس نبتدي باللون الاصفر ونحطه من زاويه العين الداخليه و شوي على داخل شوي بس
ننظف الفرشاة و نكرر العمليه بس هالمره باللون الاخضر و نحطه عقب اللون الاصفر ونمده بس نخلي زاويه العين الخارجيه بدون شي
الحين نستخدم الفرشاه رقم 12 من smash box و بيجمنتس من inglot
اول لون الاصفر رقم 29 و نحط فوق البيس الاصفر اللي استخدمناه
نظفي الفرشاه والحين ناخذ من اللون الاخضر الفاتح رقم43 و نحطه فوق البيس الاخضر
و الحين دور الاخضر الغامق رقم 40 و اخر لون هوه الازرق 58 و نمده لين ما يتلاقى مع اللون الاسود
جيه نكون خلصنا
الحين نستخدم اللاش كيرلر والماسكارا
ملاحظه: اذا كنتي حاطه الفاونديشن قبل الادو انصحج باستخدام بودره حره تحت العين عشان تمسحين الشادو المنتثور
اما اذا كنتي مثلي و تحطين الفاونديشن اخر شي ف اتخدمي مناف مبلله عشان تمسحين الشادو المنثور قبل ما تحطين الفاونديشن
ب الكبوكي نحط بلاشر orgasm from nars
و على الشفايف لج خيارين
Tender tones from mac و اسمه honey bare
او روج slim shine و اسمه funshine
اللوك النهائي تقريبا اعذروني هاي اول تجربه لي بالفوتوشوب 
اتمنى يعيبكم ستايلي
و اتمنى بعد ذكر المصدر في حالة نقل الموضوع
بيكون سهل عليج وايددد ولا تحرمينا من ابداعاتج 
اتشرف بالرد على لوكاتج ومواضيعج ..ننتظر تميزج حياتي
وايد اتخبل على دروس المكياج
ودي اسير المول واخم محلات المكياج.. يا ويلي من امي لوووووووول
ماشاءالله عليج مبدعة … عيني عليج باردة
انا الصراحة ماافوت اي موضوع من مواضيعج بس اشوف M!$$_BlinG علطول ادخل
والصراحه مواضيييييييييييييييييييييييعج وااااااايد حلوة ومفيدة
عقبال ماتحطين لي لوك وردي بطريقتج 😉 "بدييييييييييينا عاااد بالطلبات والغيرة" لووول 😉
تسلم ايدينج ع اللوك الحلو يالغالية
فديتس يا عسل ددووومس ذووويقة
ومبرووووووووووووووووك لميرة من ادك يا عسل
وبصراحة لوكاتك احبها احسك غريبة مثلي انا احب ادمج اكثر من لون
ويطلع لون غريب ما احب وايد اللخبطة في عيني يكون حلووو ومختلف عن المالوف
الله يسلمك ويوفقك ومشكووورة يا مشرفتنا 😮
عاد انا اموووووووووووووت على مواااااااااضيعج لانها دايما متميزه
عاد أنا الصراحه غرت وايد وبقولج أياها أريد أهداء لوك أزرقاني من كثر ما أحب هااللون لكن المشكله ما يظبط معايه زوجي يقولي هااللون موب اوكيه عليج ما أدري يمكن عاف اللون الأزرق مني مخليه حياته كله أزرق خخخخخخخ.
مره وحده ضبطته وكان دارك بلو حتى أنا أستغربت لأنه كان روعه.
المهم الغاليه ما بنسى لوك أزرق هههههههههههه أتشرط بعد هههههههههههههههه.
تسلمين ياالغاليه.
و تسلمي لي على هالذووووووووووووووووووووق