شلونكم؟
طبعا اليوم بحط لكم لوك سويته امس كان عندنا حفله عشا فحبيت اغير اللوك واحط اللوك
الدارج في الصيف وهو البرونزاج وهذي اول مره احط لوك برونزاج
والحمدلله عجبهم والاغلبيه اسألوني شنو حاطه وشلون مسويته..
وطبعا هذا كله من بعد مواضيع اعضاء بنات عرروس اللي هم
مجد , بلاك كات , مارشميللو
ومواضيعهم عن الماركات اللي منزله منتجات برونزيه
جننوني وانشالله قريب واروح اقضي على هالمنتجات:bigsmile:
الحين ابدا لكم بالمستحضرات:
اول شي طبعا حطيت المرطب على وجهي وبعدها
حطيت البيس من فور ايفر وثم كريم الاساس من ديفينورا
بعدها حطيت الكونسيلر الاحمر من فورايفر وفوقه درجات البيج
حتى يغطي على اللون الاحمر
بعدها وزعت شويه من بودره كانيبو وهي في الاساس درجتها اغمج مني بدرجتين او 3 تقريبا
ووزعتها بالفرشاه 178
والحين نبدا بالشادو
طبعا اول شي نثرت اللوس باودر تحت العين حتى مايوسخ المكياج ..
اول شي حطيت البيس من ماك بلون الداسك على الجفن كله ماعدا تحت الحاجب
حطيت من النايلون بكثره..
الداسك
النايلون
وبعدها حطيت من اللون كلاب
على الجفن المتحرك كله وشتته شوي عن حدوده الخارجيه..
وعلى الجفن الثابت حطيت اللون الذهبي من فور ايفر ودمجته مع النايلون فوق
وفي الخط الفاصل بين اللون كلاب واللون الذهبي يعني بين الحفن الثابت والمتحرك
حطيت من اللون البني من ايف سان لوران ودمجته مع الذهبي
ورديت حطيت من اللون كلاب مره ثانيه وشتته مع البني
يعني الالوان كله مدموجه ومشتته
النايلون تحت الحاجب وتحته ذهبي وتحته بني وتحته كلاب..
وتحت العين اللون الزيتوني من جيرلاين
حطيته من نص منبت الرموش التحتيه لين زوايا العين الخارجيه
طبعا حطيته بالماي حتى يزيد من قوه اللون..
وبعدها حطيتت من اللون الاسود من جيرلاين بس بدون ماي
على منبت الرموش الفوقيه من الوسط وحتى النهايه وشتته شوي لبرع
و على الزوايا الخارجيه لمنبت الرموش الجفن السفلي بعد ..
وبعدها داخل العين حطيت الكحل البنفسجي من فور ايفر
ورسمت فيه المدمع الداخلي..
ورسمت عيني من فوق بالكحل الكريمي الاسود
وحطيت منه خط خفيييييييييف على طول الرموش التحتيه علشان يبرز العين اكثر..
وبعدها حطيت مسكرا بيس من لانكوم وبعدها ديور شو السودا..
وتحت العين بعد ماخلصت الشادو مسحت اللوس باودر و حطيت بشكل خفيف من بودره كلينك
اللي هي نفس لوني وافتح من البودره اللي حطيتها على وجهي ..
وبعدها حطيت من بودره البودي شوب البرونزيه على عظمت الخد وتحتها شوي
يعني استخدمتها بدال البلشر..
وحطيت فوقها من لمعه البودي شوب البرونزيه..
وعلى كامل وجهي حطيت من لمعه ريفلون البرونزيه وطلعت واااااااو..
وبعدها حطيت المحدد البني الفتح ودمجت هالاربع الوان مع بعض:bigsmile:
واخررررر شي المانيكييير
والشادو تقريييبا طلع نفس هذي الصوره بس تحت العين غير واالذهبي فوق العين اكثر
وهذي الفراشي المستخدمه << بس طبعا بعد التنظييف
ادري ان شرحي الله بالخيير ماينفهم بس من كثر مااشتطيت حبيت احطه لكم
ويالله الحين بروح ارقد تصبحون على خيير(f)
دمجتي كل هالالوان شطلع لج اي لون؟؟
وااو ومكياجج رووعة طلع على وصفج
والالوااان جدا جميله 
تخيلت اللوك كامل ،، احسه رووووعه ..
عجبوني الشدوات اللي من ماك ،، خصوصاً كلاب اللي قالت عنه من قبل مجد ،، للأسف دورته وما لقيته
¤¤¤
¤
…
تسلميــــن <<M!$s Reem>> …
وبالعكس شرحج روووعه ماعليه كلاام 
واللوك ااروووع..
ويلا عاد..عالشرح الحلو هذا نبي مواضيع ثانية :clap:
…
¤
¤¤¤