شخباركم بنات
ادري وعدتكم بلوك يديد وتأخرت
بس من طول الغيبات جاب الغنايم 😉
اليوم مسويتلكم لوك يديد
وهو ينفع حق حفله او عرس لان
الاساس راح يكون واي ثقيل
لكن تقدرون اتحطونه حق طلعات عاديه
اذا استخدمتوا اساس ثاني كل واحد وعلى حسب النوع
اللي يستخدمه ..
لان الشدو والكحل مو وايد وتقدرون انتو اتزيدون الكحل اذا اتحبون ..
نبدى
اول شي لازم الويه يكون نظيف كل وحده وطريقتها
الحين انحط السيروم من اولاي الصراحه عجيييب وحده امدحته لي
والصراحه شيي وننطر 5 دقايق
الحين انحط من مرطب ماك على كامل الويه
والصغير اللي بالصوره بعد من ماك ينحط حوالين العين وننطر 10 دقايق
والحين ارش من الفتكس من ماك رشتين او ثلاث وننطر لين
تتشربه البشره
وبعد ماخلصنا نبدى انوزع الاساس
اول شي راح اوزع من اساس كريولان الستيك بالسفنجه
على كامل الويه
وبعدين راح احط من اساس بن ناي على كامل الويه
لون لازم يكون افتح من لون الويه بدرجه وحده
طبعا ماراح نحتاج كونسيلر لان الاساس راح يكون وايد ثقيل
ويغطي كل شي بالويه
وبعدها على طول راح احط من اساس كريولان اللي بالصوره على كامل الويه
طبعا لونه راح يكون وايد فاتح لانه حق سهره
والحين راح اوزع اللوز باودر على كامل الويه
وراح احط فوقه بودرة انجولت
وبعدها راح احط بودة ماك الفاتحه حوالين عيوني
والغامجه على كامل الويه
وجذي راح اتكون النتيجه
والحين يه دور الشدو ..
اول شي راح اوزع نايلون من ماك على كامل العين
وبعد راح الشدو رقم 1 على الجفن المتحرك
والشدو رقم 2 فوقه بشوي على شكل قوس ونحاول ندمجهم مع بعض
والشدو رقم 3 فوقه بشوي وندمجه عدل
والشدور رقم 4 انحطه تحت العين
كلهم من انجولت الصراحه الوانهم عجيييبه ورخصيه 
جذي
الحين دور المسكارا والأيلاينر
نرسم العين من فوق وشوي من تحت
بأيلاينر ماك الاسود وتقدرون اتزيدون اذا تحبون
وبعدها انكحل العين من داخل بكحل ماك الاسود
والحين انحط المسكارا اول راح احط ديور وبنطر شوي
وبحط فوقها المسكارا للي من ماك
انا افضل ذا الميك اب راح يكون لحفله
انكم اتركبون الرموش 😉
البلاشر ..
اول شي راح اوزع الشيمر من ماك على كامل الويه
بس ماراح احط وايد عشان مايطلع اوفر
والحين راح احط البلاشر من ماك
وبعدها راح ابدى اصغر خشمي بنفس اللون اللي استعملته للبلاشر
وبالنص رراح احط نايلون من ماك
الروج ورسم الحواجب
اول شي برسم حواجي بالبني اللي من بدي شوب لصراحه وايد حلووو
وبعدها راح اح لروج من ستيلا وفوق القلوس من انجولت
والحين برشن من الفتكس رشتين او ثلاث عشان يكون ثابت
لفتره اطول
وهاي شكل اللوك النهائي
اسمحولي ماكتبت الاسامي والارقام لانهم موب عني الحين
بس اذا بغيتوا تسألون عن اي شي لايردكم الا لسانكم ..
السلام عليكم ورحمة الله وبركاته ..
الله يعطيج كل العافية يا مهاوي ..
ويجزاج كل خير ..
باين أنه لوك روعة ..
عجبني البلاش وايد حلو ..
وخوش معلومة عن سيروم أولاي .. لأنه منتجاتهم تعجبني ووايد حلوة ومفيدة وأسعارها زينة .. وبجربه .. 
كل الشكر والتقدير لج حبيبتي ..
على المشاركات المميزة ..
وموفقة إن شاء الله ..
تسلمين الغلا على المجهود
ماشاالله يهبل . تسلم ايدك .
ننتظر جديدك و يا ريت تسوي كمياج سموكي ووردي سوا لاني احب اشوفه من يدك
و شكرا غاليتي .
كل الشكر والتقدير لج حبيبتي ..
على المشاركات المميزة ..
وموفقة إن شاء الله ..
فين ممكن احصل شركة انجولت ؟
حلو اللوك الجديد وغاوي
تقريبا تقريبا مثل لوكي الجديد …
بس انا شوي ممده الكحل لبره >>وانتي شدخلج في السالفه
يسلمووو …
لاتحرمينا من هالنوع من هالمواضيع
وبغيت اسألك شنو احلى شى جربتيه في انجلوت؟؟
وتنصحينا نجربه