— لووك أمل حجازي ^_^ درس بسيط — 2024.

شحالكم بنات عروس …

لووكي اليومي شفته في مجله و اعجني واايد.. حبيت اسوي عليه درس .. عسى افيد البنات و يعجبكم..

الخطوات:

أولا شي لاااااازم تنظفون وجهكم بالغسول الخاص لنوع بشرتكم و تستخدمون بعده التونر و المرطب بكثره..

نوزع الأساس ((أستخدم أساس جورجيو أرماني رقم 4 راائع لجميع انواع البشره عدا شديدة الدهنيه.. تغطيته قويه..))
و لاحظت ان توزيع هالأساس بالذات بالإصبع أحلى من الفرشه او الاسفنجه..
نوزع الكومباكت فاونديشن((باودر فاونديشن من ميك اب فورافر رقم 105 )) ضربات خفيفه بالإسفنجه البوف ..

نوزع شوية بودره حره تحت العيون ..

العيوون:

نوزع آيشادو ماك CRYSTAL على ثلاثة ارباع الجفن المتحرك من داخل لبرع
و فوقه نوزع آيشادو بن ناي الفضي ..

و على الربع الأخير من الجفن المتحرك نوزع آيشادو لونه بني على رمادي.. من بوبي براون رقم 6
نمده على طول الجفن الثابت..ندمجه شوي مع اللون الفضي بحركه دائريه خفيفه..

الحين نستخدم آيشادو بني من ميك اب فروافر رقم 17 و نوزعه على نصف الجفن الثابت من داخل..
(ألوان ميك اب فورافر جدا قويه مسحه خفيفه بالفرشه كفايه ..ما نبي انثقل اللون)..

تحت الحاجب وزعت لون بيج مطفي من شانيل .. وفوقه حطيت شوي من النايلون((بيج بلمعه))..

بعد بحركه دائريه خفيفه ادمجي بين اللون البيج و البني ..
(( أتمنى اتكون الطريقه واضحه .. ))

لتكحيل العيوم استخدمت اول شي كحل لانكوم السائل على الجفن من فوق..
بخط عريض..و مديته شوي لبرع و دمجته مع الكاربون من ماك..

و تحت العيون استخدمت كحل ماك الكريمي ..
مديته لمنتصف العين عند منبت الرموش بالضبط و دمجته مع الكاربون..

وعند الزاويه الداخليه مديت خط خفيف من آيشادو بن ناي الفضي ..
و بفرشه نظيفه سحبت من الكحل الاسود على اللون فضي ((يطلع اللون مثل الاسود على انعكاسات فضيه))

خذي شوي من آيشادو بوبي براون و مديه تحت العين و ادمجيه مع الكحل عند الزايه الخارجيه
من داخل العين نتكحل بكحل اسود..

رتبت حواجبي بكحل الحواجب من ديور..نسيت اصوره..(( واايد حلو لمن استخدمه ينزل خفيف مثل البودر!)) ..
و أخيرا نحط المسكرا سان لورين .. وكذي مكياج العيون خلص..

نشيل البودره المنثوره من تحت العيون..

نوزع بلشر شانيل رقم15 من عند بداية الاذن من فوق لين منتصف الخد((الخط يكون ماايل لتحت)) .. فوقه بلشر ديور رقم639..

و على الخدود حطيت بإصبعي من لمعة ماك..

ببلشر روشاس رقم03 حددت خشمي .. مسحات على الجوانب .. و مسحت بإصبعي عليه عشان اخفف اللون اذا زاد..

——–

و لتحديد الشفايف
أول شي حددت بمحدد ميك اب فورافر لون طبيعي جدا رقم50 على كامل الشفايف و بيكون مثل البيس..

و من برع استخدمت محدد ديور رقم213

بالفرشه وزعت الروج من ماك viva glam v a86

و هذي صورة اللووك النهائي..

كذي اللوك انتهى و اتمنى يعجبكم

و اذا حبيتوا اتسوون هاللوك لعرس او اي مناسبه كبيره .. ممكن اتثقلون من الكحل تحت العيون
و اتحطون فوق اللون الفضي بيجمنت او داياموند باودر او استار باودر بلمعه فضيه ..بيطلع جنان في رأيي..

انتهى الموضوع

يعطيج العافيه حبيبتي على اللوك الجميل

وعجبني وايد