السلام عليكم و رحمة الله و بركاته
يا هلا بأخواتي الغاليات…
أمس بالليل قاعدة أحضر ال Lunch Box…أو العلبه الخاصة بالأكل اللي أضعها لبنتي معاها في المدرسة ( ما شاء الله مريم بنتي في الروضة KG1 )…
على فكرة الموضوع مش سهل…و صعب جدا…
من ناحيه إنتي تحبي تعوديها على الأكل المفيد الصحّي…
لكن من ناحيه ثاني هي تريد مثل اللي معاها في الصف…بسكويت و عصير…
بحكيلكم شنطتها اليوم إيش وضعت فيها…
عملت لها دجاج قطع ( Chicken Nuggets )…هذا اللي يحبوه الأطفال و يكون على أشكال حلوة…
و كيس بسكويت محشي شوكولاته…
و علبة حليب بالفراوله…
لأنها ترجع بدري على الساعه 1…تتغدى لما ترجع…
بس معاناه…مرات أحط لها ساندويتش جبنه كاسات…بس ألاقيه رجع…
و تصير تقول لي حطي لي في خبز عربي مش صامولي…
نحط في خبز عربي…برضه تاكل شويه و ترجعه…
مرات أحط لها موزه…ترجع الموزه حالتها حاله…
أحط لها خيار مقطع…تقول لي أصحابي أكلوه !
طيب جزر ( أي شيء مفيد فيه فيتامينات يعني )…تقول لي ماما شكلي مش حلو آكل جزر…
حيّرتني على فكرة و تعبت منها…
كيف طريقتكم في غذاء أطفالكم في المدرسة أو الحضانة أخواتي ؟
بحط لكم شوة صور و فكار…مع إنه أشوف تطبيقهم صعب لأطفال في الروضة…و راح يحيسوا الدنيا…
اللي لاحظته من قراءاتي و بحثي…إنه ال Lunch Box لازم تحتوي على التالي :
ساندويتش…أو أي شيء نشوي علشان الطاقه…
بسكويت أو كوكيز زي ما بيقولوا عليها…كشيء سكري محلى يعني
ثمرة فاكهه….مثل الموز أو التفاح…فيتامين…
منتجات ألبان…مثل علبة زبادي بالفواكه…أو حليب بالفواكه…
و طبعا محذرين من الشوكولاته و الشيبس و الكولا و هالأشياء
يا ريت أخواتي نتعرف على طرقكم في إعداد وجبات أطفالكم في المدرسه…نتبادل خبرات و نستفيد…:flower:
في رأيي استشيريها هي ويش تبي تاكل اليوم عالفطور بيكون أفضل و حطيه لها في البوكس
ولدي كان مصر يشتري شنطة الأكل بس ما أيدت الفكرة و ما خذيتها له لأنه ياكل الصباح قبل ما يطلع و غير كدة عندهم مقصف في المدرسة يشتروا منه الوجبة اللي يختاروها
و من جهة ثانية الأطفال يحبوا المشاركة لما كلهم ياكلوا مع بعض و نفس الوجبة
بالنسبة لولدي بامانة ما احط له البوكس حق الاكل
اولا لآني اعطيه ياكل الفطور والحمد لله يشبع ويروووح
ثانيا اختي اهي معلمته بالروضة ، وهالشئ وايد مريحني الحمد لله
، وتخبرني تقولي ولدج ما يحب ياكل اي شئ الا بالعافية، تقول احنا نعطي الاطفال سندويشات جبن او زعتر وعصير حليب بالفراولة وبعض البسكويتات
وولدي يرجع الساعة 12 الظهر
بس احط له ماي بالشنطة يكون مش بارد وايد معتدل يعني
من يرجع من الروضة ابدل ثيابه واسبحه وعلى طول يتغدى ويكون يوعان طبعااااا
احيانا ينام واحيانا ما ينام على حسب قوة تحمله
ومشكورة على الموضوع المفيد
ههههههههه والأحلى اني اليوم قبل ما أسكر شنطه علاوي صورت محتويات أكله هههه
ههههههههه طبعا ماكنت عارفه موضوعج الرائع والمفيد
محتويات أكل علاوي
فاكهه
سندويج برجر دجاج (( اللي مغطى بالقصدير ))
عصير
كيك
بسكويت
دانيت الكرميل
طبعا أغلب الاكل يرجع معاه !!! (( بالرغم انه هو اللي يختار أكله ))
وقد ما أقدر كل يوم أنوع له بالفاكهه أو بالسندويش أو بدال العصير اخلي له لبن
يا هلا بكم أخواتي…أشكركم على المشاركه…
صعب ما أحط لها أكل في المدرسة…
نطلع من البيت الساعه 7…يعني تكون فاطره ( بالعافيه ترضى ) على الساعه 6 و نص صباحا…
و ترجع واحدة….يعني 7 ساعات من غير و لا شيء ؟!!!
و فكرة المقصف لسه مش موجودة لمرحلتهم العمريه في المدرسه…غير إنه ما يقدّم أشياء صحيه…مناقيش و شوكولاته و عصير…
لو سألتها إيش تحبي يا مريم…أكيد بتقول شيبس و عصير و شوكولاته زي الصغار…
هي المشكلة إنها تتعوّد على شيء معيّن…بتعب الحين…لكن هالشيء بيريحني بعدين أكيد…
ما رأيكم ؟
 |
اقتباس |  |
 |
المشاركة الأساسية كتبها !بنونه!  |
 |
 |
| مرموووم موضوعج رووووووووعه مثل صاحبته
ههههههههه والأحلى اني اليوم قبل ما أسكر شنطه علاوي صورت محتويات أكله هههه ههههههههه طبعا ماكنت عارفه موضوعج الرائع والمفيد محتويات أكل علاوي فاكهه طبعا أغلب الاكل يرجع معاه !!! (( بالرغم انه هو اللي يختار أكله )) وقد ما أقدر كل يوم أنوع له بالفاكهه أو بالسندويش أو بدال العصير اخلي له لبن |
||
 |
 |
ما شاء الله يا بنونه…
لقيت أحد يشجعني الحمد لله رب العالمين…
أعطيتيني أفكار حلوة و الله…أنا عارفه إنه نص الأكل بيرجع…بس كل اللي ياكله فايده…أي شيء…المهم يستفيد…صح ؟
بستفيد من أفكارك…و إن شاء الله بكره أحط لكم شنطة أكل مريم (f)…راح تبدأ المنافسه 😉
صدقتي هذا اكثر موضوع اكرهه ويحيرني والله ..
لما كان مصبح يروح الحضانة كنت احط له
حليب فراولة.. عصير مانجو او برتقال .. موز او كمثرى او تفاح .. (اختار له اشياء صلبه شوي مش سائلة نفس البرتقال) كرواسون جبن او كاكاو..
طبعا المدرسة نبهتني انه ما احط له لا حلاوة ولا شبس ..
واوقات هو يتأخر لين 1 ونص او 2 على حسب دوامي في الجامعة (الله يرحم ايام زمان) وكانت تطلب مني احط له غدا.. وهني المصيبه الكبيرة ..ههههههه
اوقات كنت احط له ناجيتس دياي (بس احسه يبرد والله 
) و اوقات اسوي له من الليل عيش ويا لحم او دياي شي بسيط يعني او معكرنة
ولما اتعايز انييب له من المطعم عيش ودياي هههه واحطه له وهم يسخنونه طبعاً وقت الغدا..
بس مسكين احس انه ما في تنويع للأكل يعني تقريبا كل يوم نفس الاشياء ماعدا الغدا ممكن يختلف ..
والحين برجعه الحضانة ان شالله من ارد البلاد او اني بدخله الروضة
فأحط له ، طبعا كل يوم مختلف
عصير ، لاحظت اذا احط حليب فراولة دائما ( يرجع ) فأحط العصير
سندويش جبن كاسات ومايحب غيره
كرواسان جبن
بطاطس بس مو مقليه اعملها في الفرن
بسكويت
كيك
روب بالفواكه
كسترد أو كريم كراميل
موز + تفاح + مانجو + برتقال … هذي الفواكه الي يحبها
البرجر مايحبه فما أحطه
الناجت ، مرات ياكله ومرات لا
هذي الأشياء الأساسية وان شاء الله بكره راح اصور البوكس وأحطه ..
وتسلمين على الموضوع