وبالفعل ماندمت اني شريته لانه " خطير"
كل الوصفات سهله وممتعه ومقاديرها حلوه ومتوفره
المهم اول الوصفات اللي سويتها منه كانت
مافن الشوكليت
للأسف ماصورتها لان كاميرتي فاقده الوعي شوي وكميرا الجوال ماتبرد القلب فخليت الصور لوقت اخر لكن جد سهله وحلوه ولذيذه
المقادير :
أصبع زبده بحرارة الغرفه
3/4 كوب سكر
1/2 كوب سكر اسمر
2 بيض
2/3 كوب سور كريم "قشطه حامظه"
5 ملاعق اكل حليب سايل
2 كوب طحين جميع الاستعمالات
1 ملعقه صغيره بيكربونات الصوديم
2 ملاعق اكل بودره كاكاو غير محلاه
1 كوب شوكلاتة هيرشي " القطع الصغيره "
الطريقه :
– حمي الفرن على درجه 375
– خلطي الزبده والسكر الابيض والاسمر حتى يتجانسون
– اضيفي عليهم البيض والحليب والسور كريم
– اضيفي الطحين والبيكربونات الصوديم وبودره الكاكاو المنخولين
– امزجيهم زين ثم اضيفي عليهم حبيبات الشوكلاته الهيرشي واخلطيهم بالملعقه
جهزي صينيه الكب كيك وحطي الورق الخاص به وحطي العجينه بها و دخليها الفرن وانتبهي تحترق لانها بسرعه تستوي
بعدين حطيها على السلك عشان تبرد سرعه وقدميها
فكره :
حلو انك تزنيها من فوق باي نوع تحبين .. كريمه بيضا او نوتيلا
انا زينتها بنوتيلا وطلعت "خبـــــــــــال"
وعوافي ع قلوبكم
شكلها لذيذ تسلم الايادي
يفتح النفس تسلم ايدينك ياغالية
تسلمين على الطريقه
السفيره
حياكم الغاليات وشكرا على الردود الحلوه
رووووووعه تسلمييييى