حبيبتاتي انا الان عروس اجهز للزواج ومحتاره في الماكياج وانا مالي خبره قيه
يعني محتاجه مساعدتكم في اختياري للمكياج
من ناحيه الماركات
سألت قريبتي قالت هذا الظلال زينه والاساس لا
وذاك مدري شنو ودوشتني معاها في النهايه طلعت من عندها موفاهمه اي حاجه
طيب ياحلوين افيدوني بخبرتكم كيف اجهز مكياجي بالذات الحاجات الاساسيه
سلامي
انا زيك بالظبط بجهز
ولا افقه شئ عن الميك اب
وفتحت موضوع بسال فيه عن موقع او موضوع اتعلم فيه الميك اب محدش رد
ان شاء الله الاعضاء يفيدوني ويفيدوكي
بس لو انت عايزه الحاجات بس اللي هتشتريها انا قبل كده فتحت موضوع وسالتهم وفي عضوه قالتلي كل اللي المفروض اشتريه هدور واعمل كوبي ليه كله
ثواني ياقمر
بصي ياستي
اللي المفروض تشتريه:
أولا الف مبرروك على الزواج
الله يتمم لج على خير ان شاء الله
ثانيا ،،
بقولج عن اهم شي في المكياج ،،
الوجه ،،
اخذي البيس
وهو عباره عن مثبت ومهيء للبشره قبل المكياج
واحلى بيس من فور ايفر وشيسيدو
الاسااس السائل (لجميع انواع البشره)
بس اذا بشرتج جافه اخذي اساس يكون فيه ترطيب
واذا دهنيه او مختلطه اخذي اساس خالي من الدهون
واحلى الاسااسات راح تلاقينها عند
جيرلاين ،، كانيبو ،، بوبي براون
وممكن اذا شفتي بماركات ثانيه اساس ناسب بشرتج ليش لاء 
وبودره مضغوطه
وتنحط من غير اسااس
وبعد يعتمد على بشرتج
بس اذا تبين ارشح لج
البودي شوب ،، شانيل البيضا ،، كانيبو
لوس باودر
تنحط حتى تثبت الاساس السائل
واغلب الماركات اللوس باودر عندهم حلو
البلاشر
احلى البلاشرات عند ناارس والبودي شوب
اللمعه (اذا تبين)
متوفره باغلب الماركات
العين ،،
الشدو
انصحج تاخذين باليته فيها مجموعه الوان مع بعض
والحين نهايه السنه يعني اغلب الماركات عندها عروض باليتات شدو
فاستغلي الفرصه
الكحل الجاف
الحين ماك منزل كولكشن الهوليدي
وعندهم علبه فيها مجموعه الوان من الكحل الجاف مع بعض بسعر حلو
الكحل السائل او الكريمي
السائل احلى شي لانكوم
والكريمي بوبي براون وماك
المسكرا
انصحج بكليينك الخضرا
لانها ماتكتل الرموش مثل باقي الماركات
الشفاه ،،
الارواج + المحددات + الغلوسات
الارواج
اغلب الماركات حلوه ارواجهم
المحددات
ريميل محدداتهم حلوه وبسعر احلى وجوووده
الغلوساات
بعد اغلب الماركات غلوساتها حلوه
وان شاء الله ماكون نسيت شي
نصيحه من أخت تعزج .. لا تكثرين من المكياج لانج بتضطرين تاخذين غيره عقب فتره ..
يعني من كل شي اثنين بيكون أوكي .. الا اذا كنتي من النوع اللي 24 ساعه بمكياج ..
وأنصحج تنوعين بألوان المكياج .. بين غامق و فاتح .. لانج عروس والتغيير حلو …
والاساس بصراحه أفضل انج تاخذين نوع واحد بس لانه كثرته تضر البشره واذا بشرتج مب محتاجه اكتفي بواحد بس لوقت المناسبات والطلعات والسهرات … وأحلى نوع بالنسبالي أساس لانكوم وأساس بدي شوب …
والبلاشر أنا أفضل لانكوم و ماك و فيرساجي ..
والكريمات المرطبه مب شرط تاخذين ماركات … خلج على النوع اللي انتي متعوده عليه وممكن تاخذين اثنين كتجديد من أي ماركه تحبينها ..
ولا تنسين تاخذين جلوسات ثابته … وأحلى شي من فورايفير وماك .. عن تجربه
خاصه في بدايه زواجج بتضطرين كل اشوي تمسحين وتحطين ..هههه فخذي ثابت أريح وأحلى …^___*
وبس باجي النصايح توصت فيها اختنا العزيزه ..
وبالتوفيـــــــــج يا رب ….
على فكره بامكانج تاخذين من البنات اللي يبيعون من منتجات أفون أو فورايفير وغيرها في المنتديات .. أسعارهم حلوه …
بصي ياقمر
انا لقيت علي الموقع دوره تدريبيه في الميك اب
واللينك بتاعها اهو
http://www.3roos.com/forums/t43878.html
ادخلي عليه وشوفي الصور وشرح الميك اب كله ان شاء الله تستفادي
افدتيني كثير وانا اخذت ورقه وكتبتهم >> ماعندها طابعه هههههه
الله يسلمك ماقصرتي
العفو ياجودي
ربنا يتمم لك علي خير ياقمر