والله اسواء موقف وللحين ماانمحى من ذاكرتي ولما اتذكره
اروح في احداث الليله اللي لو يروح عمري 100 لايمكن انساها
وابقولكم عنها :
انا كنت حامل في الشهر السادس واختي في شهرها التاسع بولدها الثاني
وكانت منومه في المستشفى من يوم الاربعاء لأن ماعندها ولاده ومعاها طلق بس البيبي
مانزل بالحوض لأن الحبل السري كان ملفوف على رقبته ولا قالتلها الدكتوره منومتها لين يوم الخميس
وانا جيت عند اختي الصغيره والشغاله وولد اختي اللي هو بكرها وطبعآ هي كانت مخلصه
التاسع وتمشي في العاشر الزبده لما نمنا انا وياهم كلنا في غرفه وحده وكان المكيف
فيه صوت بس ماخطر على بالنا حاجه ونمنا ليلة الاربعاء وصحينا الصباح على
بشارة ان اختي ولدت وجابت الولد الثاني ماشا الله ورحنا العصر لها وزرناها بس ولدت بعمليه
وقالو لازم تتنوم ليوم السبت ورحت لبيت اهلي وقلت لزوجي بنام عندهم وقال طيب وتعشينا
الحمدلله ورحنا ننام وهنا بدأت القصه دوبنا انسدحنا وسولفنا شويه واخوي عمله بالليل و
طبعآ حنا لحالنا بس حنا الاربعه ونفس الشي المكيف فيه نفس الصوت ونامت اختي وولد اختي
والشغاله وانا خلاص مغمضه بس واسمع صوت غريب طلع من المكيف والتفت عليه لقيت يطلع منه
نااااااااااااار واقوم الشغاله لأنها تحت المكيف واصيح واناديها بأسم ثاني وقامت مسكينه وقلتلها طفي المكيف
وطفته وجلسنا شويه وولد اختي مسكين يتنافض وجلسنا نهديه مسكين دوب عمره سنتين
وشوي شوي طلع علينا دخان من المكيف اول شي بسيط وقلنا ماعليه يمكن الفريول عشان انحرق
هاذا دخانه وشوي ويروح وبس شوي شوي يزيد وخرجنا من الغرفه وعلى طول الحمدلله ربي الهمني
واقفل الكهربا عشان لايصير التماس
ورحنا للغرفه الثانيه وقلت للشغاله
روحي شوفي من برا ترى ليش يطلع الدخان ترى فيه شي المكيف وهاذا الكلام الساعه 2ونص آخر الليل
والله راحت وجات الضعيفه خايفه تقول ناااار نااااااار المكيف مولع نار من برا والله بس رجعنا الصاله بنشوف
الغرفه والله ثواني لقينا الغرفه ولعت النار فيها كلها ومشت للصاله وكلمت اخوي وقاعد يصرخ عليه
يقول اطلعو من البيت وقلت للشغاله روحي جيبي عبايتنا من غرفه ثانيه وانا طبعآ
ما اقدر اجري عشان حامل بس راحت تجري وجابتها ولبسنا ورحنا للعماره اللي جنبنا والله دقايق
والدخان منتشر بالبيت كله وطالع من الشبابيك والله العظيم انا واقفه واطالع في الدخان والله مذهوله
ورجولي ماعاد تشيلني من الخوف وجوا الجيران وجا اخوي مع الدفاع المدني وطفوها الحمدلله وجينا بيتي
لين طلعت اختي الحمدلله بالسلامه
بس مافي شي بالبيت الاوصار اسود من الدخان بس الحمدلله حنا ربي سلمنا
والله تعبوا اهلي في تنضيف البيت
وهاذا الموقف واتمنى ماكون طولت عليكم
الله يحفظنا من كل شر
بصراحه انا في عندي موقف ماأنساه طوول عمري
لما كان عمري تقريباً 7 او 8 سنوات رحت للبقاله
وشفت ولد جيرانا كان كبير بالعمر وعطاني نظره ماأنساها طوول عمري وسبحان الله حسيت انه قصده موشريف 
المهم رحت للبقاله ولما رجعت شفته واقف عند الباب وانخشيت بين السيارات وقعدت ادعي يارب امي تجي يارب امي تجي <<دعوة طفله 😮
المهم طولت حيييل لدرجة ان امي فقدتني وطلعت تدورني والحمدلله رحت ركض لها وهو دخل البيت بسرعه ومن يومها ماطلعت برى البيت كلللش
دنيا تخوووف يارب تستر علينا وتحفظنا اللهم امين
يسلمو حبوبه ع الموضووع
لكن والله موضوعك يقلب المواجع:16:
انا اسواء موقف وفاة ولد خالتي حرقا انفجرت فيهم السياره واحترق وتوفى مستحيل انسى ها اليوم وتفاصيله وذكرياته كل شي اتذكره كأنه صاير اليوم..
الله يرحمه ويرحم اموات المسلمين..
موقفين مانساهم طويل حيااااتي:
1- كنا بالسياره انا وبابا وماما ولسه عمري تقريبا 9 سنوات ورايحين نزور خالتي الله يرحمها
لانها جات من السفر واحنا بالطريق شفت بنت خالتي برى قلت لبابا وقفني بنزل هنه
وانتو لفو في السياره وانا افتح وانزل رجل لسه وماعرف سبحان الله شنو الي خلى بابا يقولي لا ارجعي
ولسه رجعت بالسياره وتجي سياره مسررعه والسائق و تدق سيارتنا من وراء بقوووه وانا قاعده وراء
و اطلع و كلي زجااج بس ماصابني شي سبحان الله ولو كان بابا ماقال لي ارجعي كنت يومها
مت او تشوهت لان السياره من وراء والجنب كلها راحت واذا مارجعت رجلي كان ممكن
السياره تدقني بس ربنا ستر وكتب لي عمر جديد
2- والموقف الثاني وانا صغيره عمري 7 سنوات كنت هاادئه بعدين في يوم شفت الرجال الي في البقاله
يسكر باب البقاله بطريقه غريبه لما رجعت البيت قلت بجرب اسكر مثله وانا طالعه من الباب اجرب اعمل مثله
والباب يجي على ايدي وضفري يطلع من الاصبع الوسطانيه والدددم وسعفوني المستشفى هههه
والله لليوم هذا اذكر الموقف وكنت مفكره مابيرجع ضفري ثاني بس الحمدلله طلع عادي
وانا ما ابغي اتذكره لان اجلس ابكي
ولا يوم رحت العزاء اهل البنت وشفت اختها حضنتي وجلسنا نبكي من خاطر
لين اجوا الحريم يهدونا وقالت لي كلمه امانه تمنيت لو ترجع اشوفها
واسلم عليها واحضنها
لما قالت لي اختها كانت ددوم تذكرنا وتحبنا وااايد
هنا انا خلاص الله يعلم كيف كنت
الله يرحمها