سنسافر ان شاء الله خلال الايام المقبلة الى تايلند… برفقة طفلتي
ماهي الأغراض اللازمة احضارها معنا؟
طبعا اعتقد المحمول ضروري… كيف وضع التفتيش عنه في المطار… البرامج والويندوز والملفات… هل يلزم حذف المخالف منها (او الكراكد)؟
ماذا عن اغراض الأطفال… حليب ابتاميل.. حفاظ …الخ؟
ماذا عن الملابس؟
هل يفضل شراء ملابس البرد من البحرين؟ وماهي الأنواع المنصوح فيها؟
لا تترددو في عرض اي معلومات اخرى تفيدون بها!!!
أطيب التحايا
اختي بالنسبه للبرامج مافيها شي وعن التفتيش بيكون عادي
اغراض للبيبي مثل الاكل صراحه بنتج صغيره اخذي لها
والاكل للكبار احلا مافي تايلند ان اذا مو حلال يخبرونج حتي لو ماتتكلم انجليزي ماتعطيج منه
البرد اختي في تايلند مافي ابوي صار له سنتين يروح يتعالج ويرجع مافي برد يخرع في امطار
بالعكس الجو عادي احين عندهم
اي استفسار ان حاضره
شخبارج؟ ان شاء الله بخير
اتروحين واتردين بالسلامة يا رب
واهم الاشياء اللي لازم تاخذينهم معاج والاشياء اللي ما تاخذينهم معاج:
1- اخذي معاج مظلة (لان يمكن الجو يكون عندهم ممطر)
2- اخذي معاج جاكيت (للبرد)
3- اخذي معاج الادوية المهمه (مثل الباندول او الباسكبون او قطور العيون)
4- اخذي علبة صغيرة فيها ادوات الخياطة (علشان للطوارئ)
5- محول للكهرباء (لان محولهم غير عن دول الخليج)
6- اخذي معاج جارج التلفون او جارج اللبتوب او جارج الكاميرا او جارج اي جهاز عندج
7- فرشاة الاسنان ومعجون الاسنان
8- اخذي معاج بوك صغير (لان اهناك اتصير السرقة بكثرة فما انصحج تاخذين شنطة او اخذي شنطه بو سير طويل علشان اتحطينه على جسمج)
9- اخذي معاج ليت صغير مثل القلم (للضرورة او للطوارئ)
10- اخذي معاج قلم او قلمين (للضرورة)
11- لا تاخذين معاج اكل او ماي لانه ممنوع وفي وقت التفتيش راح يقطون اكلج
12- اخذي معاج تلفونج النقال (اذا تحتاجين)
13- اخذي معاج كاميرا (اذا تحتاجين)
14- اخذي معاج لبتوب (اذا تحتاجين)
15-اخذي معاج دفتر صغير (يمكن اتفكرين تكتبين شيء كمذكره او اي شيء)
16- اخذي معاج بطاقتج للبنك (احتياط)
وفي شنطتج الصغيرة اللي بتاخذينها معاج الطيارة حطي فيها:
1- التذكرة
2- الفلوس (لا تنسين اتحولينهم)
3- الجواز
4- اغراضج الشخصية المهمه بالنسبة لج (كريم/عطر صغير/كلينكس/علكة/مجلة/قلم)
وان شاء الله قدرت اساعدج وافيدج لو بشيء بسيط
واتروحين واتردين بالسلامة
والله ييسر لج كل امورج
والله يعطيج العافية
والله يعطيج العافية