متحيره وين اكتب هالموضوع 2024.

بغيت اعرف شنو يعني الصباحيه

وشنو بالضبط اسوي في ثاني يوم من زواجي

عرسي جريب وما اعرف شنو اسوي بالضبط

والله يااختي .. الصباحيه تعتمد على العادات..

في ناس يسوون عزيمه غدا كبيرة للعروس ثاني يوم ..
وناس يفطرون العروس .. خاصه اذا انتي معاهم بالبيت ..
يعني .. الوضع يعتمد..

ممكن اذا نتي ماعندك عزومه او شي .. عادي اذا قمتي الصباح تلبسين بغرفتك فستان ناعم وصباحي حلو ..

وممكن تطلعون تفطرون برا او تتغدون برا وبس

مشكوره على الرد

انه بكون معاهم بالبيت – – – انزين في ناس يباركون بليلة الصباحيه شنو ارد عليهم

انه كلش ما اعرف شي

شلون هذي ليلة الصباحية 😐

حبيبتي اذا فيه ناس بيجون عندكم وانتي ببيت حمولتك ..

البسي واكشخي بس مو بزياده اكيد البسي فستان ناعم وصباحي والا دراعه من دراريع الكويتيات الحلو (احب دراريعكم القصيره انا ) وحطي مكياج بس مب صارخ بزياده وانزلي لحمولتك وسلمي عليهم ..

واذا باركو لك قولي الله يبارك فيكم .. والبنات قولي عقبال ماابارك لكم والا عقبالكم .. وبس

صباحية العرس تقعد العروس وتلبس شي خفيف وحلو راقي وتقعد في شقتها او غرفتها ويجيون اهل المعرس يجبون الريوق وتتريق العروس والمعرس
وبعدين تلبس العروس جلابيتها او فستانها عشان ايام المبارك وتحط مكياج ناعم وتكتفي بالاستشوار .. ويجون الناس يباركون اليها
عندنا معروف ان العروس تتعدل وتروح بيت ابوها من العصر او المغرب الى اليل الان الناس تجي تبارك اليها والى اهلها وترجع بيت زوجها مره ثانيه
وعدنا هالشي لمدة 7 ايام !!
طبعا مو الكل يسويها .. بس هاذا معروف عدنا ..
والله يبارك اليش ويتمم عليش زواجش

مشكورين يعطيكم العافيه
والله يبارك لكم

الف مبروك الغالية وربي يتمم عليج