يا جماعه ولدي الكبير الحمد لله فكني من الحفاظ وقام يروح الحمام ، بس المشكلة اللي متعودها هاليومين انه يمسك نفسه وما يروح الحمام بسرعه ..
واذا اقوله ما يرضى يروح يروح يقول ما في .. وبعد شوي يجيني يركض يقول بيروح الحمام ولما اشيل اشيل ثيابه الاقيه بدا يقطر واول ما يوصل الحمام عزكم الله يسويها حتى قبل ما يقعد ع المرحاض (w)
قمت احاول الاعبه واحيانا احمله للحمام مع اني ما ابغيه يتعود على هالشي لكنه فوق هذا مع كل الدلع يرفض يسويها ويقول ما في ولما اطلعه بعد شوي يجيني يركض للحمام .. واحيانا يمسك نفسه عدل واحيانا يبتدي يقطر ..
في حل لمشكلتي .. خصوصا انكم تعرفون انه اذا تابع يمسك نفسه لمدة طويلة ممكن تسبب مشاكل مرضية او التهابات لا سمح الله !!
لأني أعاني بالظبط من نفس المشكله مع ولدي علاوي
وللحين أعاني من المشكله بدون تغييير وحتى لمن دخل سن الخامسه
(w)
حبيبتي بيني له أنه لما ينقط على نفسه أنك زعلانه منه
و ثيابه صارت وسخة مو حلوة
يمكن يتغير حاولي معاه و الله معاك
انا قريت حل لمشكلتك بموضوع الأخت أسماء زكي الدين
بعنوان: لكل الأمهات المتعبات شعار لاحفاضات بعد اليوم
إن ماخانتني الذاكره وان شاء الله تستفيدي منه.
الله يصلحه ليكي.
اختك