مجبوس الدجاج البحراني 2024.

أول مرة أشارك هني وبدون صور وإن شاء الله المرة الجاية بالصوووور أدعوا لي بس !!

أدري الطريقة عاااادية بس حلووووة ولذيييذة وزينة للمبتدئين في الطبخ !!

أولاً
المقادير :

طبعا الدجاج
الأرز
خمس بصلات متوسطة
حبتين طماطم متوسطة
شبنت وتابل
فلفل أخضر بارد
فلفل حار على حسب الرغبة
وثوم هم على حسب الرغبة ..

البهارات (فلفل أسود + ملح + ماجي +ثوم مطحون)
زيت الطبخ

الطريقة :
أولاً تقطعين البصل شرائح ، الطماطم مبشور أو مربعات ، وفلفل أخضر شرائح صغيرة وناعمة ، الشبت والتابل تقطعينه صغار صغار ،وتغسلين الدجاج وتبين تسوينه أربع قطع أو قطعتين على راحتج، وتغسلين الأرز وتخلينه على جنب .

ثانياً تضعين الزيت في القدر اللي بتسوين فيه الطبخة وتخلينه يسخن وتحمصين البصل وتخلين لونه يصير بني غااااااامق يميل للسواد (للي مايحبون يصير المجبوس أسود يقللون شوي من الحماص)
بعدين تخلين فوقه الثوم ينحمص شوي ، ولما تحسين الزيت صاير وايد شيلي منه لان مايصلح بجيكم كلسترول ..
وخلاص تحطين الطماطم مع الفلفل والشبنت والتابل والبهارات وتخلطيهم مع بعض شوي وتخلين فوقهم الدجاج ينقلي شوووي بس شووووي وبعدين تخلين مااااي شوية يغمي ع الدجاج يعني مب وااايد :21_235: وتخلينه يغلي شوي على نار مرتفعة وبعدين تخلينه على نار هادية وتخلينه تقريبا ساعة ..

والحين تشيلين الدجاج وتخلينه في صحن أو بايركس..

وتخلين الأرز مكان الخلطة عاد بدون ماء الغسل أوكي؟؟

زين الحين شلون تعرفين إن الماء زين أو لا على الأرز..

أنا أقول لج شلووون !!:21_131:

تاخذين ملعقة أو ملاس وتدورين الأرز .. إذا كانت دورته خفيفة وايد يعني الماي زايد شيلي منه .. وإذا كانت دورته ثقيلة متوسطة خلاص يعني الماي زييييين .. وإذا كانت ثقيلة وااايد يعني يبي له ماي ..

وخلاص تخلينه على نار مرتفعة لما يطبخ خلاص غطيه وخليه على نار هادية وتعالي له بعد شوي لما يطلع منه بخار وايد يعني خلاص استوى ..

ويكون أحلى بعد لما تسوين له بطاطس مقلي يم يم عجييييييب صاااار خااااطري:21_131: