خوااتي,,واخواني حبيت استفيد منكم وابي رايكم ومشورتكم,, انا انشاءالله بروووح شهر عسل على تركيا بس مو عارفة وين ارووح هناك انا حجزت بفندق حياة ريجينسي اسطنبول,,, فياليت اللي يعرف يشور علي ولكم احلى دعوة مني انشاءالله بظهر الغيب<<< اسمحولي على الاطالة:o:o
وانشالله تتهنين في السفره
انا رحت استنبول السنه في شهر يناير كان الجو رووعه و البلد مب مثل ما كنت متوقعتها قديمه و وسخه بالعكس عندهم اهتمام بالسياحه بشكل كبير .
فيها رحلات كثيره مثل المتاحف و القصور الموجوده في القسم الاوروبي و كلها حلوه و مسليه مثل قصر دولمه بهجه و المتحف الاسلامي و آيا صوفيا و جنبه مسجد السلطان أحمد
جزيرة الاميرات ما انصج فيها تلوع الجبد و مافيها غير الحناطير وبتخسرين يوم عالفاضي .. عندهم مولات حلوه حق التمشي والتسوق و لاخذ التذكارات عندهم السوق المصري و هو سوق شعبي فيه تحف صغيره و مسابيح ..
في عندهم عالبحر اذا شفتي المسلسلات التركيه جلسات و قهاوي .
في رحله تاخذ يوم كامل بس حلوه وهي ل منطقة بورصه تتطلعون بسفينه اذا سرتوا في الشتاء بتلاقونها ثلوج .تصعدون بتلفريك وفي مطعم فوق الجبل تشوون فيه اللحم بروحكم .. طبعا فيه عمال لمساعدتكم .
اتمنى اكون افدتج و اي سؤال اساليني عالخاص لاني نادر ما ادخل هني.