ااااه والله مقهوره يا بنات ونفسي افضفض لكم
بناتي في مدرسه عالميه في خميس مشيط وهي مدينه جميله جنوب المملكه
والله اننا ندفع فيها 20 الف سنويا بس والله الحكومي احسن بكتير مافي اهتمام يدورا على ارخص المدرسات كل فتره مدرسه مافي ويجلسوا اسبوعين واكتر من غير مس لبعض المواد
انا مدخلتهم عالميه عشان الانجليزي في البدايه كانت كويسه بس بدأوو يهتموا بالماده اكثر واكثر لين ما دمروا المدرسه
والله انه احنا الامهات اللي نشرح لعيالنا وفي النهايه تعبت صرت اوديهم درس خصوصي وندفع فيه كمان عشان مني قادره لكل المواد ما عندي وقت
واخرتها سووا شي من جد خلاااااص
اتخيلوا ولد في جريد ون اولى ابتدائي يا حرام الولد حاط ايده في الباب وقفلوا الباب عليه اصحابه_ بعد الشر عننا كلنا وعن ابنائنا ويناتنا__ انقص اصبعه من العقله الاولى يعني تحت الظفر اوكي قضاء الله وقدره ما قلنا شي
بس اتخيلوا ايش كان تصرف المدرسه 😡 بدل ما يطيروا بالولد والاصبع ع المستشفى اتصلوا على ابوه وابوه كان بعيد على بال ما وصل ابوه ووداه ع المستشفى كان الاصبع المبتور ماتت الانسجه تبعه وما نفع ااااااااااااااااااه يا قهري منهم يعني لاقدر الله بعد الشر على بناتي لو صار فيهم شي ماراح يتصرفوا
حسبي الله عليهم
وفعلا قبل فتره بنتي اللي في كي جي ون عمرها 4 سنوات تعبت ونامت على نفسها
المدرسه ارسلتها في فصل اختها اللي في جريد 4 بنتي الكبيره واتخلصت من همها
يوم لمت المدرسه قلت لها الله يسامحك ليش ما دقيتي علي قالت والله حسبتها ماخده دوا كحه وناعسه قلت يا الله طب انتي اتخلصتي منها على طول حطيتيها مع اختها ولا حتى خليتيها تحت عينك وهي تعبانه ومره جاتني البنت الله يكرمكم مطرشه على نفسها ولا احد عبرها
ومره راعفه والدم ناشف في انفها يوم كلمتها قالت والله ما انتبهت قلت لها يا شيخه بس مسكلي لي لا حول ولا قوة الابالله
اكيد بتقولون ايش مصبرك ع المدرسه ارد انه كل العالميه اللي هنا كلها كدا لدرجة اتضاربت مع زوجي وقلت له رجعني على جده ولو لحالي انا والبنات طبعا رفض
بس في مدرسه بتفتح التيرم التاني(( احتمال)) وانا اعرف المديره وواعدتنا بالتغيير اعوا لي يا بنات
دوشتكم معي لس حبيت اتكلم وارتاح اكيد حاسين في وغير انه بناتي مو طوال ومجلسينهم اخر بنات في الصف واللي في الاول يا اما بنات مدرسات معاهم او طبيبات يتمصلحوا منهم المدرسات[/COLOR][/SIZE]
حسبي الله عليهم بجد ماهمهم الا الماده
ان شاء الله تلقين مدرسه افضل منها وترتاحين
الله يكون في عوونك
حسبي الله ونعم الوكيل
واللامبالاة
لا وبعد تدفعون المبلغ الكبير هذا عشان شنو
عشان انجلش
ولادروس خصوصي
اسمحي لي اقلك ماعندك سالفة اختي
والله ياختي ماخلي عيالي في مدرسه زي هذه يوم واحد
وحتى لو ببلاش
انقليهم مدرسة حكومية وخلي لهم دروس خاصة للانجلش
مو مشكلة ضحي بالانجليزي عشان مصلحتهم وان شاء الله
تلاقي مدرسة متوفر فيها كل الي تتمنيه
واعذريني بس والله من قهري منهم
وترى المعلمات به الإهمال من الكرف الي يلاقوه
والرواتب والله ماتسوى حتى
عارفة حاولي تدوري على مدرسة تانية الا ماتلاقي بديل والله يكون معك يارب وانا رايي اذا مالقيتي بديل وحل كويس ويريحك
فانقليهم على مدرسة حكومي افضل وابقي انتي علميهم انجليزي بمعرفتك اما من خلالك او خلال دورات وانسات خاصة والله المستعان
وش الاجرام هذا ؟.!!!
:-#
ماشاءالله عليك .. انا نفسي أعرف وش اللي مصبرك على هالمدرسة اللي تجيب المرض ؟.!!!!!!
الحمدلله المدارس الحكومية مالية البر والبحر ….!!
انقليهم مدرسة حكومية .. واذا على مادة الانجليزي فيه دورات في الاجازة الصيفية خاصة للأطفال سجليهم وانتي علميهم في البيت …!!!
أحسن ما يصير لبناتك شي لا سمح الله ما راح يندم الا أنتي …..!!!!
الله يحفظهم لك ..
والله شي ما ينسكت عليه ..
حبيبتي .. معروف و شي طبيعي عندنا المدارس الأهلية والعالمية كلها أهمال في اهمال .. همهم بس " ادفعي القسط " …!!!!
:-#
 |
اقتباس |  |
 |
المشاركة الأساسية كتبها جــرح  |
 |
 |
| هالحين صابرة على هـ الإهمال كله واللامبالاة لا وبعد تدفعون المبلغ الكبير هذا عشان شنو عشان انجلش ولادروس خصوصي اسمحي لي اقلك ماعندك سالفة اختي والله ياختي ماخلي عيالي في مدرسه زي هذه يوم واحد وحتى لو ببلاش انقليهم مدرسة حكومية وخلي لهم دروس خاصة للانجلش مو مشكلة ضحي بالانجليزي عشان مصلحتهم وان شاء الله تلاقي مدرسة متوفر فيها كل الي تتمنيه واعذريني بس والله من قهري منهم وترى المعلمات به الإهمال من الكرف الي يلاقوه والرواتب والله ماتسوى حتى |
||
 |
 |
:thumbs_up: