وااايد سهل وسريع ماياخذ وقت
وطعمه Sweetمن الذره اللي فيها والفلفل الحلو ..
انا ماحطيت الفلفل الحار ..علشان اليهال يقدرون ياكلونه ..بس احس مع الحار بيصير احلى
sweet ولاذع شوي 😉
يصير في قوالب ويصير في قالب مستطيل وبعد مايستوي يتقطع ..بس انا حبيته في القوالب الصغيره ..أرتب
المقادير ..
420 غ كريم الذره الحلو ..(انا جبت قوطي الذره العادي وخلطته بالخلاط بس تحصلينه فالسوبرماركت الذره مخلوط في معلبات )
3 ملعقه صغيره ملح
1 ملعقه صغيره فلفل أسود مطحون
1 و 3 ملعقه صغيره بيكنج بودر
3 بيضات حجم كبير
1 كوب طحين
1 ملعقه كبيره فلفل أخضر حار (اختياري)
كزبره خضرا مفرومه
60 غ زبده ناعمه مقطعه مكعبات صغار
1 كوب فلفل حلو مبشور
1 كوب جبن مبشور شيدر او أمنتال مثلآ
الطريقه:
تخلط كل المقادير مع بعض خلاط الخضروات او بالملعقه
تدهن القوالب بالزبده ويصب المزيج
وتوضع القوالب فالفرن على درجة حرارة 350 لمدة 20-25 دقيقه
وبالعافيه
أحسه حلو للفطور أو العشا إذا كان خفايف
عاد رشودي يموت في الذرة، إن شاء الله أجربها و أقولج رايه :tongue:
تسلم إيدج يالغالية و عساج عالقوة (f)
ويعطيكي الف عافيه
راح اسويه في اقرب وقت ممكن
بس ممكن تخبريني عن كريمة الذرة ؟؟
انتي استبدلتيها بعلبة ذرة .. العلبة كم جرام فيها واي ماركة ؟؟
ينفع استخدم الذرة المثلجة واطحنها مثلا ؟؟
الله يعطيك العافية
رووووووووووعه و سهل بالمرة
تحياتي
جربووه وبيحبونه الصغار وبتشوفون ..
الاخت نسيت اسمي
بالنسبه لسؤالج عن كريمة الذره
صح انا استبدلته بالذره الحلوه المعلبه العاديه وكان تقريبا وزنها 425 غ خلطته بالماي اللي فيه
ونوع الذره العلالي
اللي معطيه نكهه هو السوييت اللي في الذره ماعتقد اذا حطيتي مثلج بيكون سويت مثل هاي !!
ويعطيكي الف عافيه (f)(f)
يعطيج العافية غلاتي ..