حبيباتي بغيت اسئل اذا الوحده كل يوم تحط مكياج شو هي المستحضرات الي استخدمه قبل وضع المكياج الي تحافظ على البشره من اضرار الاساس والبورد
وشو هو الحليب المنظف هل هو الحليب العادي مثل المراعي او هو عباره عن تونيك مع الحليب
وجزاك الله الف خير
هلا حبوبة و لو أنج طالبة من المشرفات بس شفت أن محد رد عليج … يمكن مشغولات و الله يعينهن…
بخصوص اللي يحمي البشرة أتحطين قبل الأساس ممكن تحطين كريم ترطيب عادي يعني لو الصبح ممكن تحطين مرطب الصباح اللي تستخدمينه في العادة … أو ممكن تحطين بيس و هو تلقينه في أكثر من ماركة مثل فور ايفر أو ريد ايرث أو ماك و في أنواع و ألوان منه كل نوع يغطي عيب معين يعني مثلاً البنفسجي اللي أنا أستخدمه يعطي البشرة أشراق أن كانت شاحبة …
أما بخصوص الحليب أو الميلك هو لوشن ينظف البشرة و بتلقينها بعد في كل الماركات … من يولاي و نيفيا لديور و كلينك … أختاري اللي يناسب ميزانيتج و الأهم بشرتج…
و ان شاء الله أكون أفدتج الغالية ….
اختي ام دويس ما قصرت واوكد على كلامها
بالنسبة قبل المكياج :
– تنظيف البشرة وطبعا على حسب نوع البشرة تستخدمي مرطب يناسبها واذا حبيبتي كريم وقاية من الشمس
– ممكن استعمال البيس لتثبيت كريم الاساس وهو موجود في محلات المكياج
وهو مادة احيانا تحصليه فيه درجات وممكن تحصليه شفاف وتحطيه قبل الاساس
حصلت هالصورة للميلك
– سئلتي التونيك هو تحصلي تونك كريمي مو تونك شفاف وهو للتنظيف
واتمنى في احد اكثر يفيدج :shy:
تنظيف + تلطيف + ترطيب
التنظيف ( غسول مناسب للوجه وليس الصابون العادي , ويفضّل يكون الغسول خالي من الصابون ) ,
التلطيف ( تونيك مناسب لنوع البشرة وإذا لم يتوافر ,, يفضّل وضع ماء ورد أو مكعاب ثلج بعد التنظيف
لإغلاق المسام وتلطيف البشرة ) ,
الترطيب ( بواسطة مرطب مناسب لنوع البشرة ) ,,
أما إذا الوحدة تحط مكياج ,, يفضّل تستخدم بيس قبل الكريم الأساس ,, بس بشكل نقاط صغيرة ما تكثر منه ,,
وبعد المكياج يفضّل تنظيف البشرة عدل مدل من بقايا أي مكياج ويفضّل استخدام حليب المنظف ,
وهذا الحليب المنظف تلاقينه في كل الماركات واختاري حسب نوع بشرتج 
,,
وعلى فكرة فيه منظف للوجه وفيه منظف للعين ,, يعني أزيلي مكياج العيون بمنظف الخاص للعين ,
والوجه بمنظف الخاص للوجه , وبعد عملية التنظيف بالحليب اغسلي الوجه بالغسول وبعدين تونيك ,
وبعدها بـ المرطب ,,
ولا تنسين العناية الأسبوعية ,, من سنفرة مرة إلى مرتين بالأسبوع ,
الأقنعة ويفضّل الأقنعة الطبيعية مرة إلى مرتين بالأسبوع ,
وبجذيه بتحافظين على بشرتج حتى لو كل دقيقة بتحطين مكياج ,
طالما إنت تهتمين وتعتنين فيها العناية الكافية والمطلوبة ما راح يشرج المكياج إن شاء الله ,
أما بالنسبة لسؤالج هذا ,
 |
اقتباس |  |
 |
| وشو هو الحليب المنظف هل هو الحليب العادي مثل المراعي او هو عباره عن تونيك مع الحليب | ||
 |
 |
ههههههه ضحكتيني الله يحفظج ,
لا حبيبتي الحليب المنظف المقصود يختلف تماماً عن حليب المراعي أو الحليب الطازج ,
الحليب المنظف هو سائل أبيض أو أبيض شفاف خفيف ينظف البشرة من المكياج تلاقينه بكل الماركات تقريباً ,
واسمه ,
cleansing milk
أتمنى أفدتج ,,,
بلعكس فديتج والله نورتي صفحتي وتسلمين على هذا الرد الوافي وانا خصيت المشرفات يمكن لاني حسيت ان المشرفه تكون اكثر تفاعل بس على قولج يمكن مشغولين
والله لا يحرمنا من امثالج يارب
مسزز غموضه يعطيج الف عافيه ياقلبي وماقصرتي
مجد تسلمين عزيزتي والف شكر على هذا الرد الوافي
بغيت اسئلكم شو احسن الماركات يكون كريم اساسها خفيف على البشره وما ياثر عليها
وهل عادي اذا حطيت كريم الحمايه الشمس وبعدين حطيت البيس
ودمتوم سالمين:shy: :shy:
على العموم تبين كريم اساس خفيف
عندج من كلينك كريم اساس خفيف وحلووو
وهذه صورته
وهذا كمان
وعندج من ماكس فاكتر الله يسلمج كريم اساس مع مرطب وكمان في رويال وخفيف وحلوو
انا احط كريم المرطب وبعدها كريم الشمس بس في بيسات تكون محتوية على حماية من الشمس ومنها جيرلاين بس لازم تتركي فترة بين كل ما تحطي اي كريم حتى تمتصه البشرة
:shy:
|
اقتباس | |
|
| بغيت اسئلكم شو احسن الماركات يكون كريم اساسها خفيف على البشره وما ياثر عليها | ||
|
|
بالنسبة لأساس خفيف ,,
مثل ما قالت غموضة كلينك , وجربي كانيبو السائل هذا خفيف حده + إنه مكوناته طبيعية يعني ما تضر البشرة إن شاء الله ,
|
اقتباس | |
|
| وهل عادي اذا حطيت كريم الحمايه الشمس وبعدين حطيت البيس | ||
|
|
لا مو عادي حبيبتي ,
لأنج بجذيه راح ترهقين البشرة ,
يعني بتحطين مرطب+ حماية + بيس + أساس ,,
بالصبح حلووو إنج تكتفين بـ مرطب فقط + كريم أساس تكن فيه نسبة حماية قوية مثل شيسيدو نسبة حمايته 40 ,
أو
تحطين مرطب + حماية من الشمس + بودرة خفيفة ,
لأن كريمات الحماية أبحين فيها فلتر يغطي المسامات ويخلي البشرة حلوة ,
أتمنى أفدتج ,,
فديتج الغالية ما سويت شي و مشكورة على الدعوة الحلوة يا قمر …
و السموحة على القصور …
بس زين عرفت لها
بس بغيت الحين اسألكم عن التونيك
ايش هذا؟؟ ومتى ينحط ؟؟
ادري بتقولون باااااايخه ما عندها سالفه بس
سامحوني ما اعرف هالسوالف >>>>>>>غبيه خخخخخخخ
معليش حبيبتي محبطه دخلت اسألتي في موضوعك
|
اقتباس | |
|
| بس بغيت الحين اسألكم عن التونيك
ايش هذا؟؟ ومتى ينحط ؟؟ |
||
|
|
حبيبتي التونيك سائل لطيف يلطف البشرة ويرطبها ويقبض المسام ,
ويستخدم بعد عملية التنظيف , لما تغسلين الوجه ضروري تحطين تونيك ,
وإذا ما عندج تونيك ممكن تستخدمين ماي الورد الطبيعي ,, فهو بديل ممتاز للتونيك ,
حتى الماركات ألحين قاموا يحطون ماي الورد من ضمن مكونات التونيك ,
حتى بعض الماركات تلاقين عندهم بخاخ ماي الورد حتى سعره غاااااالي لأنه ( بيور ) , يعني نقي ,
أتمنى أفدتج ,