هلا خواتي
اشحالكم
الموضوع
انه عرسي تقريبا بعد شهرين
وبنسكن انا وريلي بروحنا وفي البداية مابتكون عندي خدامة علشان جي الطبخ بيكون عليه
وانا مب للين هناك في الطبخ
علشان جية ابا وصفات خفيفة منكم مب معقدة وسهلة
ابي اشياء اسويها على الريوق واتكون حلوة
واكلات حق العصر خفايف حلو + ومالح
وأكلات للعشى
ساعدوني مابا اتفشل جدام ريلي
ابا ابيض الويه عنده >>>>>>>>>>>>>ساعدوني أنجدوووووني:cry:
معقولة كلنا مثل بعض فاشلين في المطبخ
ساعدووووووووووووووونـــــــــــــي
حبيبتي دام انه باقي شهرين على عرسج
الله يوفقج مقدما ومبرررررررروك
اقعدي في المبخ وشوفي الوالده او البشكاره شتسوي
وسجلي كل شي خطوه خطوه وحاولي تطبقين
لازم اصلا تطبقين لان ما راح تثبت الطبخه ولا راح تعرفين مهاراتج الا اذا جربتي والتجربه مب شرط من البدايه تضبط يعني مب كلنا نولنا نعرف نبطبخ .. لا حبيبتي هذا بالممارسه ولا تزم تحبين الطبخ عشان تتفننين فيه ..
وانا ان شاء الله بحاول اساعدج باللي اقدر عليه
وانتي الحين في قسم المطبخ والمائده شوفي اي اكله عندج تحسينها سهله ومقاديرها سهله ومب معقده
واطبخيها .. اشرايج انا احط لج طبق وانتي تسوينه وتقولين لنا رايج و كل شي صار معاج وانتي تسوينه وطبعا راي الاهل .؟؟؟ وانا بكون معاج ولا راح اخليج تطلعين من اهني الا طباخه ان شاء الله ..
والله انج الوحيدة اللي حاسة فيني 
مبروك عليج
شوفي حبيبتي
وان شاء الله بحاول اساعدج باللي اقدر عليه
تقدرين تحصلين أكلات سهلة بانك تضغطين على زر بحث ( بتحصلينه في أخر الصفحة الرئيسية)
وتكتبين الاكلة اللي خاطرج فيها
وأنا إذا حصلت لج بعض الاكلات السهلة بحط لج في الموضوع
هلا أختي السفيرة مشكورة غناتي لمرورج وان شاءالله بسوي بحث على الاكلات السهلة وبسجلهم عندي
وبالنسبة للطبخ فانا انصحج اول شي تشترين كتب الطبخ للمبتدئين او كتب للاكلات السهلة
وراح تحصلين هالمجموعة من الكتب في مكتبة دبي للتوزيع
وانشاء الله راح تستفيدين
الله يبارك بحياتج ياربي وعقبالج ان شاءالله اذا مب معرسة 
وانا اليوم ماقصرت نقبت ودورت في مطبخ عروس ونسخت كذا خلطة من المنتدى
بس بسمع نصيحتج
وبشتري كتيب للمبتدئين
ومشكورة مرة ثانية
وعلى فكرة انا متزوجه وعندي بنوته :shy: