شخباركم وشخبار كتاكيتكم !!
بنات عندي ولدي الصغير عمره سنتين و4 شهور يعني ما شاء الله عليه عوووود مو بيبي ،، لكن اعاني معاه من مشكلة تخص النوم 
المشكلة اني لما اخليه العصر بدون نوم علشان الليل ينام بدري ،، واخليه يسهر حتى الى 10 – 11 الليل .. يقوم ينام غفوة ويرد يقعد ويسهررررر ما يواصل النوم للصبح ابدا 😮
صرت افضّل ان اخليه ينام العصر شوي علشان الليل ينام ع ال12 – 12 ونص ويواصل الى يوم ثاني (w)
بغيت حل حق هالمشكلة ..
ابغيه ينام بدري ويواصل الى يوم ثاني ،، لان اخوه الكبير في المدرسة ونومه اوكى وخااااااااااااطري ان اقدر اخليهم ينامون مع بعض بدري علشان يهدأ الجو عندنا شوي (y)
ماما حسون انا ولدي يقعد من الصبح يعني 7 ونص او 8 وعقب الظهر 2 ياخذ له قيلوله ولما يقعد بصراحه اخليه دايما يلعب او اوديه الحديقه على المغرب ويتم يلعب لما يدوخ وعقب العشا يكون خلاص دايخ وينام ليوم ثاني
جربي تلعبين معاه في الحوش او طلعي معاه المغرب الحديقه او مجمع افتروا شوي ورجعوا
خلاص لاتنومينه بالمرة حتى العصر يكون ينام بالليل من وقت يعني شغليه بأي شي يكون ماينام.. يلعب أو يجوف التلفزيون او تطلعون شوي تتمشون حول البيت.. أكيد راح يتعب وينام مبكر…. جربي من باجر ماتنومينه خير شر وتقعدينه من الصبح وجوفي شلون يكون الوضع…
يعني اذا يقعد 12 الظهر قعديه قبل بساعة او ساعتين يعني 10 مثلا وصدقيني ما بتجي الساعة 10 بالليل الا هو دايخ ومن يقط روحه بينام ليوم ثاني بس اهم شي ان تكونين وراه ما تخلينه ينام كلشش ودوخيه باللعب
اني اول ما عدلت نوم صدوقي تعبت وياه بس في الاخير تعود لانة كان يسهر وكان اذا انيمه الساعة 12 يرد يقعد يعني ما يواصل للصبح وفادتي اني اقعده قبل وقته وادوخه باللعب واشوي اشوي تعود
يعني انا اللحين خليت نوم نور يكون مع نوم حسوني يعني حسون ينام 8 ونور انيمها على ال 10 او ال 9
بس ما اخليها تطول اكثر واتنام الحمد لله متواصل .. الله يهديهم ان شا ءالله ياربي..
اختي حسيت من كلامك انه يقعد متاخر من النوم
جربي قعدي مبكر و لهيه طول اليوم و لا تنومينه العصر و اذا كلش نعس نوميه نص ساعه و قعديه صدقيني يبيله اسبوع و تتعدل نومته
بالتوفيق
لكن حتى في ايام الاجازة لما يكون عندنا شي ونقوم من وقت الاحظه نفس الشي يعني مرة من المرات قعد 8 الصبح وتم صاحي طول اليوم واحنا طلعات ومع الاهل وهو يلعب ويتحرك على طوووووول وواصل ما شاء الله الى الليل الساعه 10 فلت عمره ونام وانا برا فاتصلت لزوجي علشان نرجع البيت ووصلنا البيت وهو نايم وبدلنا وبننام خلاص والا الساعه 11 وربع اشوف يتقلب خفت انه يقعد وعطيته ظهري وحاولت انام وكان المكان هدوووووء وظلام قلت اكيد بيكمل نومته لكن اللي صار انه قعد مصحصح :ss: قررنا ان نسكت عنه وننام لكنه هو تم قاعد كل شوي نسمع صوت مطيح غرض او يركب فوقنا او او او ….. واخر شي لما اذّن الفجر وقمنا للصلاة شفناه نايم ..
مادري هل اذا انتظمت معاه بروتين يومي معين بحيث انه يقعد من الصبح ويواصل الى الليل يوميا راح ينتظم نومه خلاص !!
اتمنى ذلك
وكل الشكر للاخوات اللي شاركوني بردودهم (f)
انتي متأخره المفروض من الأول تعوديه على النوم من وقت
انا ولدي من يوم عمره شهرين عودته على وقت معين للنوم بالليل والحمد لله
مرتااااااااااااااحة… كل يوم الساعة 8 ونص واحياانا 9 ولدي ناااايم..
حاولي الصباح تقوميه بكير يعني ع الساعة 9 هو خلاص قااايم
ولا تنوميه الظهر والعصر طلعيه يلعب ووقت العشا عشيه وخليه
شوي يلعب وبعدها خلااااص نووووووووم استمري معاه لحد ما يتعود
بس اترياالحضانه..صدق كانت احسن شي اسويه خخخخ