بسم الله الرحمن الرحيم
اشلونكم يا بنات ,, ان شاء الله بخير
اليوم بقدم لكم طبق للمكرونه ,, سهل سهل سهل
وابيكم تعملونه وتقولون لي رايكم ..
المقادير :
كرتون مكرونه القواقع الكبار ( للحشي )
جبنة شيدار ( عادي اي نوع بس تكون شيدار )
نبشر الجبنة : تقريبا 50 جرام ,,, ونتركها بالثلاجه عشان ما تذوب
نصف كيلو لحم مفروم
نضع اللحم المفروم على التاوه ( الطابي ) ونحمره بدون اي شي على نار متوسطه
حتى نتخلص من ماء اللحم والزفرة ,, ونتركه على جنب
في تاوه ثانيه (طابي ثاني ) بصل مفروم ناعم 2 حجم متوسط + 1فص ثوم مدقوق
نضع قليل من الزيت ونضع البصل والثوم على نار متوسطه .. حتى يذبل ويحمر
ثم نضع البهارات التاليه :
بهارت مشكله ملعقة صغيرة + فلفل اسودقليل +فلفل ابيض + ماجي مكعب1 + كمون قليل
ونحرك ,و ثم نفرم طمامه 2 ,,
ونضعها على البصل ,, ولمده دقيقتين ثم نضع اللحم المفروم ,,
ونضع 5 ملاعق من صلصة البيتزا ,, ونتركه على نار هادئه لمدة 10 دقائق ,,
ونضع كوب واحد من الماء عليه ,,
ثم ضع كوب من البازيلا الخضراء ,,
ونتركه يطبخ لمده 3 دقائق ونطفئ النار ,,
ملاحظه : انا دخلت المكرونه الفرن من غير ما اطبخها يعني انا فضلت انها تنطبخ
بالفرن ,, لكن لو حبيتوا تسلقونها بس لمده دقيقتين على ماء مغلي في زيت وملح
كيفكم ,, بس اذا سلقتوا المكرونه ,, اتركوها تبرد بعدين احشوها ودخلوها الفرن ,, يعني
اذا بتسلقينها ما راح تحتاجين ماي كثير فيها ,, لكن اذا ما سلقتيها بتزيدين الماي في اللحم ,,
اتمنى يكون كلامي واضح ,,,
هذا شكل المكرونه في الطبق الي بندخله الفرن ,,
نبدا نحشي المكرونه باللحم ,,
الحين نأخذ صلصه اللحم ونضع في قاع الطبق الي بنطبخ فيه ,, ثم نضع القواقع المحشيه
وفي النهايه قبل ادخالها الفرن ,, نضع اخر اللمسات ,, جبن الشيدار المبشور ,,
ونغطيها بالقصدير وعلى حرارة 300 درجه*
طبعا الفرن بيكون شغال قبل لا تضعون الطبق فيه ,,
نتركه يطبخ بس لا تحطونه في اخر الفرن ولا تحطونه فوق ,, لا اتركوه في الوسط ,,
وكل 10 دقايق شوفوا ايش صار فيه يمكن يحتاج ماي ,, بس للافضل ,, اسلقوا المكرونه قبل
عشان ما تتأخر في الفرن ,, وانا اخذت معاي في الفرن 20 دقيقه ,, بس تذكروا ان المكرونه ماكانت مسلوقه ,,
وهذا شكل الطبق ,, انا كفت عندي المقادير نفس هذا الطبق مرتين يعني صار عندي 3 اطباق
ويصف في طبق التقديم ,, ويقدم ساخنا ,, ويفضل يكون معاه سلطه ,, انا عملت سلطة سيزر
وصحتين وهنا ,, ان شاء الله يكون عجبكم يا رب ,,
..,..
.,.
يمي يمي شكلها لذيذ وسهله بعد ….
ان شاء الله اسويها جريب….
مشكوره حبيبتي مهاري …ويعطيج الف عافيه …
.,.
..,..
.,.
مشكورة عزيزتي اصايل الشرق
على المرور والرد العطر ,,
تسلم الايادي.. والله صار لي زمان ادور على هالطبخه ومو ملاقيتها
طيب من وين اجيب هالمكرونه؟ دورت عليها بالمخازن الكبرى وبالعثيم بالرياض ومالقيتها!
والله ما عندي خلفيه وين بتلافينها ,,
بس احنى عندنا المخازن وفيها ….
بتلاقينها ان شاء الله بس اشوي اشوي دوري بتلاقين
ماشاء الله وهني وعافيه على قلبج
ما شاء الله بداية قوية مع طبق رائع
تسلم ايدك مشرفتنا
مشكورة عزيزتي على المرور
والتشجيع الله يخليك يا رب