مرحبا بعد طول انقطاع عن المنتدى اعود إليكم بطريقة جديدة
وأتمنى تعيبكم
الصراحة ابوي كان عنده ادمان لهاي المكرونه في مطعم ايطالي في ستي سنتر قطر
اللي حاط كل المقادير جدامه و يطبخ جدامكم
ويسألكم في كل شي تبونه والا لا
ابتداء من الثوم إلى الصلصة هو عنده صلصتين وحدة بيضا ووحدة حمراء
بس البيضا تينن وهي سر هالاكله اللي امي يلست تجربها لين ما سوتها
رجاء تسونها
وتصورونها والله رووووووووووووووعه
°ˆ~*¤®§(*§*)§®¤*~ˆ°المكرونه الإيطالية البيضا°ˆ~*¤®§(*§*)§®¤*~ˆ°
المقادير:
1كيس مكرونه عادية مسلوقة
صدرين دجاج بدون عظم مقطعين بالطول ومغسولين بالطحين
وممكن تضيفين روبيان مع الدجاج
بصلتين مقطعتين بالطول (شرائح جوانح)
ممكن فص ثوم مدقوق
فلفلة خضرا (فلفل رومي ) مقطعه شرائح رقيقة بالطول
1طماطم مقطعة بالطول (لاتكثرون الطماط تطع موحلوة إذا كانت صلصة بيضا)
علبة فطر مقطعة بالطول
شبت (شبنت)
ممكن تضيفين بروكلي اخضر معها اذا عندج
البهارات:
رشة بسيطة كمون
ربع ملعقة فلفل اسود
ربع ملعقة فلفل احمر حار
ملح
4 قطع ماجي
*****الطريقة****
تشوحين الدجاج في قليل من الزيت وتضيفين الدجاج ثم الفلفل الاخضر
تغطين القدر ربع ساعة على نار هادئة ثم تضيفين باقي المقادير اللي عندج والبهارات
والمكرونه واخر شي الصلصة
#@%$الصلصة:$%@#
(وهي سر الأكله)
بحط لكم طريقتين للصلصه البيضا
الأولى:
كوبين ماء
4ملاعق حليب نيود
ملعقتين طحين فقط لأننا نريدها سائله وليست غليضه) ابوووك يالعربي
نذوب هالمقادير في قدر صغير ويوضع على النار إلى أن يغلي مع التحريك المستمر
في النهاية نضيف الــــ….
نصف كوب كريمة wipping cream
ونذوبها
ثم نضيف الصلصه إلى المكرونه ونقلبها
ونتركها تنشف 5 دقائق فقط
احتفظوا بالباقي من الصلصة وقدموها مع المكرونه للي يحب ان يزيد منها على طبقه لاتنسون تظيفون الملح معا
الصلصة الثانية:
2 علبة قشطة عادية مثل بوك
كوب صغير من جبنة كيري
كوب صغير حليب
تخلط معاً وتغلى على النار ثم تظاف الى المكرونه
في هاي الطريقة نخفف الملح لان الجبن ماااالح
وممكن اللي مايحبون الصلصة البيضاء نسوي صلصة حمراء
4 حبات طماطم و2ملعقة صلصة طمام تخلط في الخلاط وتغلى على النار الى ان تنظج وتظاف على المكرونه
وبالهنا والعافية
كريمه سائله تنباع في الجمعيات وفي كارفور
تنفع للأكلات المالح مثل المكرونه والدجاج والشوربة
وممكن تظيفين لها السكر وتخفقينها وتصير كريمه للحلويات والكابتشينو
ان شاء الله راح نجربها ونصورها بعد
تحية ود
مشاعر قلب
 |
اقتباس |  |
 |
المشاركة الأساسية كتبها *زنوبه* |  |
 |
| مشكوره نور تسم ايديك
ان شاء الله راح نجربها ونصورها بعد
|
||
 |
 |
العفو
الله يسلمج
ان شاء الله جربيها وصوريها
قولي لي رايج فيها
|
اقتباس | |
|
المشاركة الأساسية كتبها دمعه بريئه | |
|
| الله يعطيكي العافيه | ||
|
|
الله يعافيكي دمعة بريئة
|
اقتباس | |
|
المشاركة الأساسية كتبها مشاعر قلب | |
|
| تسلم الايادي…وان شاء الله بنجربها
تحية ود مشاعر قلب |
||
|
|
الله يسلمج
انشاء الله جربيها وخبريني شو رايج فيها