——————————————————————————–
بنات يا احلى بنات.. ممكن تساعدوني بطريقة حلوة ازين فيها لابتوبي… و شيلي و عبيي وتليفوني.. ياريت لو عندكم طرق حلوة باستخدام الألوان(ألوان تلوين الأقمشة) وفصوص شواروفسكي..
مع حبيييييييييييييييييييييييييييييييييي ي ي لكم كلكم
غاليتي فوافي
ماعندي فكره معينه .. بس ان شاءالله البنات يفيدونك ..
يعني ودك بطقم كامل ؟ تزينيينه بنفس الطريقة ؟
اختي اريد الجنه
عزيزتي اتمنى ان لاتهاجمي اختنا الكريمة بهذا الشكل ..
قبل ان تعلمي او تتأكدي من نيتها .. قد تكون ترغب بالزينة امام النساء ..
مهاجمتك لها هي الخطأ .. " ان بعض الظن اثم "
Roseqatar
مرحبا اختى فوافي.. انا الصراحه من النووع اللي احب اتكون لي بصمه ولو بسيطه في اختار اغراضي الشخصيه .. واذا تبين تطلعين بفكره حلوه لتزيين الشيل او العبي .. انصحج اتسيرين المحلات اللي يبيعوون فيها ادوات الخياطة واكسسواراتها .. لانج بتشوفين اشياء جديده ما شفتيها من قبل .. واكيد راح تقدرين تطلعين باكثر من فكره ..
السموحه منج يالغلا
المفروض ننصحها باسلوب راقي انه هالتزين يكون امام النساء مو بهذا الاسلوب المزعج
وجهة نظر حبيت اعرضها
اريد الجنه
عسى ما شر؟
شفيج خرعتي البنت؟
النصيحه ما تكون بهالاسلوب ابد
يمكن البنت بتكشخ قدام اهلها او اهل زوجها او جاراتها او ربيعاتها او او او……
عصبت الصراحه من ردج
مو شرط البنية بتطلع فيهم للشارع يمكن حق صديقاتها ….. او زوجها ما يندرى … المهم انا صديقتي سوت مثل هذي الحركة العباية والشيلة طبعا سوة حركة فيهم في محل العبايات واخذت شنطة عادية اي نووع وشرت قماش نفس لون قماش العباية والاكسسوارات اللي فية وراحت محل الخياط وقالت لة خيط على الشنطة وطبعا الشنطة لازم تكون عادية بدون مديل علشان يقدر يحط مديل الشيلة والعباية… اما بالنسبة للنعال بعد نفس الشيء تاخذين شيء جاهز ومافية شيء ناعم وتروحين محل مال تصليح النعل ويركب لج الاكسسوار …. وعندج بعد حق المبايل من الاكسسوار نفسة تقدرين تسوين لة حركة … وسلسلة يد بعد….. وتروحين بعد الخياط حق الاب توب يسوي لج شنطة خفيفة من نفس الاكسسوارت وطبعا شكل الاكسسوار على حسب ذوقج …. وانا ما قلت لج علشان تطلعين فيهم بالشارع بس هذا حق المناسبات والاعياد مع الاهل …
سيري أي محل يبيع دانتيلات حلوه مثلا مرسوم بها ورود قصي هالورود و لصقيها على العباه و الشيلة وكفر أو شنطة اللاب توب . و ضيفي لها بعض الخرز و الأشياء الممكن تليق بها ……….. سويتها و كل ربيعاتي اتخبلو عليها …….. و تقدريد تا خذين دانتيل تور و يكون استرش و تفصلين عباه أ و أي عباه عندج ما تبينها و تخلين الخياط يركبلج الأكمام من هالدانتيل …………
حلو كل شيء تبين يكون له زينة خاصة
الشنط و الاب توب فيه زينات حلوة تباع في محلات الإكسسوارات
أشكال حلوة مرة ( الكريستال الأبيض أحلى شيءيعطي منظر أنيق )
و الطرح فيه أشكال حلوة و ممكن تشترين كلف من محلات الكلف و فيه كلف حلوة مرة ممكن تحطينها و تخيطيها في أطراف الطرحة بالطريقة اللي تعجبك و على ذوقك..
أما العبي اللي هو الحجاب ( فلا يبدين زينتهن إلا ما ظهر منها )
و الحمد لله على نعمة الحجاب لأنه ستر مو زينة ….
معليش لا تزعلين من الأخت اللي نصحتك هي تبغى مصلحتك ..
تقبلي هذي النصصيحة مني ..
و جزاك الله كل خير …
تقدرين تسيرين محل مال الدانتيلات روووووووووووووووعه بصراحه خذي الشكل إلي يعيبج وسويه بطريقه حلوه مثلا على الشيله والعباه او مثلا تاخذين لج مجموعه سلاسل يد تكون جي كاشخه وكبيره وفيها الوان وتركبيتنها في كم واحد والباجي انتي وذوقج كيف توزعينه في الشيله………موفقه
اختي اريد الجنه
ديننا دين نصيحه مب دين مهاوش!! شو بلاج طحتي فالبنت الي يبا يرغب الناس في الدين ما ينفرهم منه والسموحة