السلام عليكم ………..
ازيكم يابنات يارب تكونوا بخير دايما كده ونفسكم مفتوحه على الاكل 
………….
انا عملت صينيه فراخ بالخضار السوتيه كانت ماما الله يرحمها بتعملها فقولت انزلها ليكم بعد ماعملتها انا بقى 
ويارب تعجبكم <<<<هى عجبت اللى كلوها قوى (بالهنا والشفا ليهم وليكم 😮 )
ويارب تعجبكم 😉
المهم ندخل فى الجد بقى ………
المقادير :
- فرخه مقطعه
- خضار مشكل اى خضار عندك تحبيه او الجاهز بس انا بكتر من البسله لانها بتبقى تحفه(والفلفل الرومى اللى بحشره فى كل اكلى ) وكوسه وبطاطس وجزر شرائح
- عدد 2 بصله مفرومه متوسطه
- بهارات (عود قرفه-ورقه واحده لورى-ملح-فلفل اسود-كمون-وبهارات مشكله-وطبعا مكعب ماجى)
وطبعا ورق فويل (قصدير)
واكيد فرن
اسيبكم مع الصور بقى
الصينيه بغلفها كلها بالورق وبفرده عليها وبدهنها بسمن او زيت
ده الخضار
ودى البسله بعد ماحطيتها (مثلجه لانى كنت مخزناها)
بعد ماحطيت الخضار كله على بعضه
وده البصل المفروم بخلط نصه مع الخضار والنص التانى بدهن بيه الفراخ علشان تكون متبله برضه لزياده النكهه ..
وده بعد مابشرت الماجى والبهارات على الخضار قبل الفرخ
وبعدين حطيت الفراخ وتبلتها بالبصل
ورشيت عليها شويه زيت تانى وحبه ميه زوئننين خالص بس حطيت ميه كمان فى الحته المفتوحه دى جمب الصينيه زى حمام الميه كده علشان تستوى بسرعه وقفلت عليها ودخلتها الفرن 😎
وطبعا لازم حاجه جمبها لزوم المعده
عملت جمبها ارز اصفر علشان الاغراء
اولا بعد ماحطيت الحله حطيت زيت كميه مش قليله <<علشان الرز يكون مفلفل
وعليهم حطيت معلقتين كبار كركم
وبشرت عليها معكب ماجى برضه وملح وفلفل حبه بسيطه وشوحتهم مع بعض
بس معلش الصوره مش واضحه 😮
وعلى ماخلصته كانت الفرخ استوت ,, وده شكلها
عايزه اقولكم ان القرفه بتعمل دور جااااااااامد جدا فى الريحه والطعم بس نصيحه لما تعمليها قدميها بعد ماتخلصيها بشويه لانها بتبقى احلى لما باكلها بعدها بشويه انا لاحظت كده 😎
وده الارز
وده شكلها فى الطبق وكنت عامله جمبه حمام يعنى علشان ميقولوش انى حرماهم من حاجه ……… طبعا منزلتش الحمام ليكم لانكم اكبر من كده يعنى بكتير اكيد انتوا اساتذه (y)……
وبس ويارب تعجبكم واللى تعجبها متنساش تقيمنى بقى لانى بجد تعبت فيها واهو كله بثوابه …………………
وكلكم شرفتونى بالمرور مقدما سواء اللى ردوا او اللى مردوش:15
f)
صمتي,,لا يعني اني لا أفهم ما حولي لكن مايدور حولي لا يستحق كلامي
ررروعة ماشاءالله
يعطيك العافية على هالطبق اللذيذ
الله يسعدك ياقمر
ياأهلا بالقمر
نورنى وجودك جدا جدا
وشكرا للتقييم
يعطيكى العافيه
صمتي,,لا يعني اني لا أفهم ما حولي لكن مايدور حولي لا يستحق كلامي
معقول محدش تانى رد
طيب حتى علشان تعبى وانا بنزلها واصورها ؟؟؟؟؟؟؟
32 مرره ولا رد واحد يابنات؟؟؟
صمتي,,لا يعني اني لا أفهم ما حولي لكن مايدور حولي لا يستحق كلامي
اهلا بيكى ياقمر
تسلمى على المرور
صمتي,,لا يعني اني لا أفهم ما حولي لكن مايدور حولي لا يستحق كلامي
مشكورة
اهلا بيكى ياجميل
صمتي,,لا يعني اني لا أفهم ما حولي لكن مايدور حولي لا يستحق كلامي
وتسلمى على الوصفة الجميلة