اذا انقطعت كل وسائل التواصل بينج وبينه على الرغم من انكم تعيشون في بيت واحد
هل تضحين من اجل الاولاد فقط؟؟؟
واذا قبلتي العيش بهذه الطريقة " من اجل الاولاد فقط" كيف تتعاملين معه هو هذا الرجل الساكن تحت سقف بيتج؟؟؟؟
هذا الموضوع وااااااااااااااااايد شاغلني وشايفه كلمة " من اجل الاولاد فقط" تتكرر وايد بين بعض المتزوجين
ممكن تفهموني شلون تصير هذي العيشة اللي فيها الازواج اغراب في منزل واحد؟
اتمنى ردودكم
قريت مره قصة أسره أنفصل الزوجان وتم الطلاق والأولاد يعيشون عند الأب ويأخذهم لزيارة الأم بأستمرار وأنتظام وبعد فتره ألتم شمل العيله والسبب أن الأطفال صارو حبل الوصل بين الأبوين وهم ينقلون للأم كلام والدهم الطيب عنها وهي ترد على عيالها دائما جزاه الله خير وهو بعد طيب وكريم ومن هالكلام ألى أن وصل الأمر ألى تبادل السلام على لسان الولاد ومن ثم عودة المياه لمجاريها
و الله يا ام شجاع اذا الاب زين مع اولاده مستحيل مستحيل اتركه
اهم شي عندي ابني و سعادته حتى لو على حساب تعاستي لان هذا اختياري و المفروض اتحمل النتيجة مو ابني هو اللي يتحملها
الله لا يوصل احد لهذه النهاية و على العموم كل شي بالهدوء و الكلمة الحلوة ينحل
نفس الكلام
 |
اقتباس |  |
 |
المشاركة الأساسية كتبها ام عمار القمر  |
 |
 |
| و الله يا ام شجاع اذا الاب زين مع اولاده مستحيل مستحيل اتركه اهم شي عندي ابني و سعادته حتى لو على حساب تعاستي لان هذا اختياري و المفروض اتحمل النتيجة مو ابني هو اللي يتحملها الله لا يوصل احد لهذه النهاية و على العموم كل شي بالهدوء و الكلمة الحلوة ينحل |
||
 |
 |
تحياتي
وبعدين اذا كان في طلاق ليمتى الاب راح ينتظم بزيارة لاولاده , ممكن اول الاشهر منتظم وبعدين لا, يطوف اسبوع وممكن توصل لاشهر مايزور الاولاده ولا يشوفهم وهذا ياثر على نفسية الاولاد .
شكرا على ردودكم
بس ساعات الاستمرار في زواج فاشل يضر الاولاد أكثر من الطلاق
يعني لو كان الاب عصبي و اخلاقه زفت في الحضيض
وكل يوم مشاكل وضرب ومنكد عيشة زوجته وذالها
اكيد هالشي بينعكس على الاولاد اللي يكونون عايشين بمشاكل وقلق
والام ماراح تكون مرتاحة ولا راح تقوم بدورها على أكمل وجه…
واللي يزيد الطين بلة اذا كانت مشاكلهم تصير قدام الأولاد
وهذا اللي يصير في اغلب الحالات فالاولاد ماراح يحترمون امهم
او انهم راح كرهون ابوهم ويحقدون عليه…وشخصيتهم راح تكون مظطربة
واذا كان الاب خاين وله علاقات وخرابيط ومن هالاشياء ليييش الزوجة تستمر
معاه؟؟؟
عشان ينقل لهم امراض من هالخياس اللي يتعرف عليهم -بعيد الشر عنا وعنكم-
وعياله شراح يتعلمون منه انا ابي افهم؟؟؟؟؟
اي قيم راح يعلمها لعياله واي اخلاق واي قدوة بيكون لهم….
بيعلمهم عالفحش والركض ورا الشهوات والمفروض انه يعلمهم على احترام الحياة
الزوجية والاسرية…..
اكيد فاقد الشيء لايعطيه واذا هو مااحترم الزواج والاخلاق والدين قبل كل شي
عياله ماراح يتعلمون شي عدل منه…لانه مايخاف ربه…
وفي ازواج فيهم امراض نفسية وعقد واضطرابات…
مثل هالازواج شلووون يقدرون يربون عيالهم….
الاب دوره اكبر من انه يصرف على عياله وبس….الاب قدوة لعياله ولازم يشارك في
تربيتهم…ويكون مسؤوول عنهم واذا هو ماقام بدوره… وجوده ماله داعي
خصوصاً إذا كان يهدم اللي تحاول تبنييه الأم…ويشوه الصورة والقيم اللي تزرعها الأم
في نفوس عيالها…..
الطلاق ممكن يضيع الاولاد بس ممكن في بعض الحالات ينقذهم…..