السلام عليكم ورحمة الله وبركاته
اخواتي ممكن طريقة العريكة , والمعصوب , والمطبق , وهي على ما اعتقد اكلات سعودية
والله ماعرف:o
ان شاء الله الاخوات بيفيدوكى
أهــليييييييين تـطــريــز
اتـفـضـلي طــريــقة عـمـــل الـعــريـكـة
الاكله هي(العريكة) وطبعا هي معروفه جدا خصوصا المناطق الباردة في جنوب المملكة
وهي عبارة عن خبز بر مخبوزبالبيت بدقيق البر(خبزة) تهرس بالهوند مع تمر اوعسل وسمن ودلة قهوة مهيله وبالهنا طبعا تصلح فطور غالبا
وطبق ثاني برضوفطور ويصلح للصغار بعد وهومن دقيق الدخن مع الحليب مثل (المهلبيه يعني )مثلا لتر حليب مع خمس ملاعق دقيق دخن تحطينهم على الناراليييين يثقل وتحلينه بسكر او تغرفين الاكل بصحن وتصبين فوقه سمن وعسل واذا ماعندك دقيق دخن ممكن دقيق بر برضو يطلع حلو
(منقول)
واذا لـقيـت طـريـقـة عـمــل الـوصـفـات الأخـرى,,,,,,,ان شـاءالله سـوف
أضـعــهــا,,,,,,,,,
تـحـــيـااااااااااتـــي
والـمــصـابيـب وصــلـت
المصابيب النجدية..خرافة!!
من ألذ أكلاتنا النجدية المراصيع أو المصابيب أو الصبيب
أليك المقادير:
نص بيالة زيت+نص م ص bp+بيضة +نص ظرف كريمة كارميل+رشة ملح +كاس ماء دافئ+كركم رشة صغييييييييرة+حبة سوداء
تمزج معا ثم يضاف البر بالتدريج حتى تكون كعجين الكيك و تترك لترتاح ساعة ثو تقرص على تاوة بصبها بالملعقة و تنضج من الجهتين و ترش بالسمن و العسل أو السكر المطحون..
تقدم ساخنة في ليالي الشتاء……….
والـمـطــبــق وصــل وبـوصـفـتـــيــن
واخـتـــاري اللــي ينـاسـبـج
المقادير
كوبان ونصف الكوب من دقيق الأبيض
كوب ماء
ملح وفلفل أسود مطحون
ربع كيلو لحم مفروم
كوبان من الكراث مقطع صغيرا
حبة طماطم صغيرة
بيضتان
زيت ذرة
الطريقة
تعجن العجينة بالدقيق والماء فقط ويمكن اضافة كمية من الدقيق أو الماء حتى تصبح العجينة لينة ولا تلتصق بالأصابع تترك لمدة ساعة بعد العجن ثم تقطع وتشكل على شكل كور بحجم الليمون تؤخذ كرة وتغمر باقي الكور في الزيت لحين الإستعمال تفرد الكرة وتقطع إلى مربعين كل مربع حوالي 15سم في15 سم أو أكثر تسخن مقلاة تيفال على النار وتمسح بقليل من الزيت وتوضع العجينة مفرودة حتى يتغير لونها مثل عجينة السمبوسة ثم ترفع عن النار وهذه هي قاعدة المطبق لا تضعي الملح على العجين عند العجن لأن الملح يمنع إنفراد العجينة ضعي قاعدة المطبق فوق عجينة مفرودة أخرى كما في الصورة
ثم ضعي عليها الحشوة الحشوة مكونة من اللحم المفروم والكراث وقليل من الطماطم ثم رشي عليها الملح والفلفل الأسود وأكسري بيضة واخلطيها على قاعدة المطبق طبقي أطراف العجين حتى يصبح على شكل مربع بحجم القاعدة سخني المقلاة وضعي عليها شيء بسيط من الزيت وضعي عليها المطبق مع إضافة الزيت كلما لزم الأمر صحتين وعافية
وهــذا مـطــبـق الـسـمـــك,,,,,ومنقولة
بعلمكم تسون المطبق .. اي يابنيات الزفر يعتبر مفتاح لكريشة اي كويتي .. اذا بغيتي تصيدينه وتخلينه مثل الحلقه بأيدج طبخيله مطبق ..وكثريله من العداني وذاك الدقوس الخاثر والاجاار الناطع وادوات الخياس طبعا …. شوفوا يابنات بليس اليوم طبختها مطبق زبيدي حق 4 انفار …. نحتاج زبيديتين ولميات شاترين .. و ثلاث جيلات عيش.. لومي اسود .. شدة كزبر .. كركم .. كمون .. كاري.. كزبر ناعم .. فلفل اسود وهيل ناعم ..3 بصلات .. اول شي بنسوي الحشو
بسم الله بدينا وعلى نبينا صلينا .. ياعيايز المستقبل العيش عرفنا شلون نغسله ونقعه ماله داعي اعيد وازيد زادكم ربي من حسناته ..طبعا الزبيدي مشقوق من الظهر عشان نحشي بطنه ونغسله زين اكثر من مره وبعدين نحطله كركم ونخليه فتره و نقصص البصل صغار ونفرم الكزبر وندق فصين ثوم .. الحين نحط البصل في جدر صغير او مقله ونحركه ومن يتلزق نرش عليه شوية ماي لما يقلب لونه يعني يصوفر هني نحط الكزبر ونحمسه معاه ونحط اللومي الاسود الناعم و الفلفل الاسود وفوقهم قفشة دهن ونحمس لمدة عشر دقايق .. ولما يخلص نخلي الحشو على كتر.. والحين نغسل السمج مره ثانيهونرش عليه شوية لومي اسود ناعم وفلفل اسود ناعم وهيل ناعم وقبلها فركوا بطنه بالثوم ونحشي بطنه بالحشو ونربطه بالخيط .. والرباط له طريقتين في ناس تلف الخيط عليه لف وفي ناس تخيط بطنه وعلى هواكم شوفوا الاسهل .. وعقب مانربطه نرش على الزبيدي كركم والحين نحط مقله ونقلي الزبيدي شوي بس يعني نشممه الدهن ونشيله على كتر وقبلها نكون مزهبين الجدر وحاطين فيه شوية دهن يعني قفشتين وفوقهم لومي سحاري وكمونوملح قفشتين وكاري وكزبر ناعم وفلفل اسود وطبعا كمية البهار تكون قليله وبعدين نحط الزبيدي ونحط فوقه ماي ونخلي الماي هبابه يغطي الزبيدي ومن يقلب الماي ناخذ العيش ونزل مايه ونحطه شوي شوي على الزبيدي وهو يقلب نحاول بالملاس شوي شوي نحرك الزبيدي عشان يصعد فوق العيش .. مو تخورونه وتخبصون السالفه ترى والله بتحصلون طراقات وفناقر من ريايلكم .. اي نكمل ومن تشوفين الماي خف ومايبين حطي حديده تحت الجدر وقصري على النار .. اي هني يبدي الحش في ناس يحطون زعفران فوق السمج اللهم ياكافي مادري من وين يايبين هل طريقه ..لا اهل جبله ولا اهل شرق يحطون زعفران فوق السمج ولا حتى اهل المرقاب بس هذي شحاطة حريم .. وقبل منين لنا زعفران؟؟ مانشوفه الا بالحسره ونسمع فيه بس واذا قالوا رحنا بيت فلانه وعندهم زعفران نشرنا الخبر بكل سكه وبكل عاير ..اي ماعلينا من تشيحط حريم الكويت نكمل ترى طبختنا خلصت والحين وقت النجاب .. اذا نجبتي العيش تشيلين الخيط من الزبيدي وتاخذين من الحشو وتزينين فيه القنجه ولاتنسين دهن العداني ترى مهم مع المطبق
وصــحـــتـــيـن وعـــافــيـة
وان شــاءالله قــدرت أفـــيــدج
وهـــذه وصــفة عــلـى هـــذا الــرابــط
مشكورة وجزاك الله خير يا احلى عيووون , والله ضحكتيني
2 طريقة ممتعة مرة في الكتابة 