من مطبخي المبتدئ:) : شوربة كريمة البطاطا + سندويشات برجر 2024.

السلام عليكم
شخباركم حلوات… أمهات وبنوتات

اليوم جايبتلكم بطبق من مطبخي المتواضع عملته لعشانا أمس 😮
مثلما خبرتكم قبل.. أنا ما لي في الطبخ وسوالفه كثييير.. والأطباق اللي جربتها يا دوبك ما يجوا على عشرة :rolleyes:
وهذي الشوربة اللي بحط لها لكم اليوم جربتها 3 مرات –هههههه عشان كذي ضبطتها :thumbs_up:—
مرة أيام الخطوبة لما كنت أروح حصص طبخ
ومرة بداية زواجنا لما عزمنا أخو زوجي وزوجته بيتنا
ومرة في رمضان بيت أهلي — بس هالمرة خربتها لأني كنت صاحية متأخر من النوم ومستعجلة ع وقت الأذان هههههه :worn_out:

واعذروني عالصور لأني كنت أنسى التصوير وأنا منغمسة في القدر :hysterical: ههههههههه وكنت كلما أخلص خطوة أتذكر إني ما صورتها !!

أول شيء المقادير: (الكمية تختلف طبعاً حسب عدد الأشخاص بس أنا عملتها حساب شخصين)
بطاطا مقطعة مكعبات — أنا حطيت نص بطاطا
بصل مقطع شرائح –أنا حطيت نص بصلة كبيرة
ثوم –فص واحد
مشروم مقطع
ماجي دجاج — مكعب واحد
كوب ونصف حليب
ملعقة صغيرة دقيق
فلفل أسود
زبدة
(ما حطيت ملح لأني استخدمت ماجي)

الطريقة:

1. نضع الزبدة على النار وفص الثوم إلى أن يعطينا ريحة حلوة ونحط البصل فيه ونخليه يصير ذهبي + مكعب ماجي وبعدين نضيف البطاطا والمشروم
–طبعاً نسيت أصور لكم مرحلة إضافة المكونات بس هذا شكلهم في الجدر–

2. بعدما تختلط المكونات مع بعض نضيف الحليب + الدقيق بعدما نخلطه في شوية ماي + فلفل أسود + كوب ماي إضافي

وهذا بعدما أضفت الفلفل الأسود والدقيق

3. ونغطي القدر بغطاء ونتركه على نار متوسطة لمدة ربع ساعة

4. بعدما تلين البطاطا ونحس المزيج اختلط ببعضه –راح تشمين ريحة حلوووووة كثييير يمي– راح نسكر عالنار ونترك المزيج يبرد شوي ونحطه في الخلاط نخلطه، ونرجعه مرة ثانية للقدر نحطه على نار هادية

ممكن بعدما نرجعه للجدر نحط شوية مشروم مقطع مكعبات صغيرة جداً من أجل إن يكون فيه قطع
ونترك الشوربة على النار لمدة 10 دقائق أو إلى أن تتكثف ويغلظ قوامها

طبعاً لازم أخبركم إن هالشوربة من تأليفي :rolleyes: :thumbs_up:
ههههههههههههههههههههههه
يعني قصدي خذيت وصفتين : من حصص الطبخ + كتاب المطاحن الكويتية وابتكرت لي هالشوربة
هو ممكن تحطين دجاج وتستخدمين ماي الدجاج في الشوربة (طبعاً الدجاج تضيفينه أول شي مع الخطوات الأولى مع البصل والمشروم وتحطين شوية للنهاية بعد الخلط في الخلاط)
وممكن تضيفين كرفس

وممكن تستغنين عن البطاطا — وبتصير كذي كريمة الدجاج والمشروم
بس الشيء الأساسي المشروم والحليب

وهنا وعافية :thumbs_up:

واللي حبت طبقي وابتكاري تكبس لي على ميزاني مشكورة 😉 أو دعواتكم تكفيني

واللي حابة تنقل الموضوع بلييييييييييييز تنقله مع اسمي واسم عرووووووووووس

صمون (أنا استخدمت الطويل ولو إن المفروض دائري 😉 )
كاتشاب طماطم
كاتشاب فلفل
مايونيز
خردل
خس
بصل
شرائح برجر
زيت

الطريقة:
1. نقلي شرائح البرجر في نار حامية — هههههههه طبعاً هذا ما يحتاج أحطه لكم بس من باب المشاركة :p —

2. قطعت الصمون من النص وحطيت المايونيز والخردل والكاتشب –شوفوا الألوان كيف حلوة :!!:

3. خلطت المكونات السابقة وكبسته داخل الصمون عشان ما ينكب أثناء الأكل

4. نحط الخس والبصل –أو أي خضروات من اختيارك

5. نقطع البرجر نصين (إذا كان الصمون مو دائري) ونحطه داخل الخبز
وهذا الشكل النهائي للطبق

هههههههههههه تفضلي حبيبتي هنا وعافية

وأنا معاكِ بعد ما أحب الأكل الأبيض واجد.. أحب البهارات والألوان في الأكل 😎

زين بالنسبة لأسئلتك –والله لو ما كنت خبيرة في هالطبق كنت بجلس لك :confused: :thumbs_down: ههههههههههههههههههه

بالنسبة للطحين: ما راح يتكتل لأننا بنحطه في شوية ماي ونذوبه لحدما يصير سائل وبعدين نحطه في مع الحليب والمكونات

أما خطوة الخلاط فعشان نخلط البطاطا والبصل والمشروم ويصير القوام شوربة سائلة، ولهذا آخر شي نضيف قطع مشروم صغيرة عشان يكون شوية قطع في الشوربة

في حالة استخدمتي دجاج: تحطي مكعبات صغيرة (يعني حفنة ما أكثر) من الدجاج وتضيفيها للخليط …
ونفس الشيء إذا حبيتي تضيفي كرفس

أي سؤال ثاني أنا حاضرة

شكراً لمرورك

اقتباس

المشاركة الأساسية كتبها الوان سحرية

	خلاص فهمت عليك يا عسل انتي صار خاطري في برجر .. << اخ منك الله يعافيك يا عسل وعسى الله يفرج عليك ان شالله ونشوفك السنة الجاية مع البيبي ان شالله

آسفين لونا خربنا عليكِ :worn_out:

بس ترا هذا امتحان ولازم تثبتي قوتك وعزيمتك

تذكري الميزان والرقم عليه وراح تهوني 😎