نحتاج ل تحمية الدلع و الدفى الزوجي 2024.

السلام عليكم و رحمة الله و بركاته

مرحبا حبايبي العروسات ان شاء الله طول عمركن عرايس بعين ازواجكن يارب :032: و يزيد المحبه

بقلب رجالكن لكن … اذكرو الله ماشاء الله لا الاه الا الله

حبيت انزل موضوع يسوي رفرش للحياة الزوجيه الي مضى لزواجهن سنوات و الي في بداية الحياه الزوجيه الجديده و الي لسه ببداية المشوار .. .. الكل هينا مدعوا لشي يفيد و يزيد من المحبه و العشق بالحلال .. الله يوفق الجميع .. و انا مو محتاجه منكن الا دعوات صادقه من قلب صادق ..

بصراحه حبيت انزل هالموضوع لا هو افكار جديده ولا حركات جنسيه هي مجرد نصائح ممكن تخفي عيوبك قدام زوجك و تفتح نظره حلوه في قلبه قبل عينه عليك .. :032:

بسم الله الرحمن الرحيم

اولا .. الرجل بطبعه غريب عجيب بنسبه لنا حنا الحريم و مهما عشنا عمر معه يبقى المخلوق الغريب الي دائما تكون فيه ردات فعل ما نقدر نفسرها ..

مره شخص فاهم و عاقل و كبير و يعتمد عليه .. و مرره طفل ساذج و غبي و ما ادري كيف اوصفه ..

ولكن السؤال .. ماهو مدخل قلب الرجل .. ؟ :095:

اعتقد .. الزوج يحب الأنثى الغامضه .. الممتنعه .. يعني مو شرط كل يوم انتي تعطينه حب و إهتمام و قلب دافي و دايم احبك و بشيل عنك هذا الشي و بحط عنك ..

مهما كان ترا كثرة تدليع الزوج تخليه يقلب .. يعني في كل شي يمدحون التوسط و الاعتدال ..

………………………………

ثانيا .. انتي أنثى لا تنسين هذا الشي .. انتي انثى و فتاه و لاازم تبقين مثل ما ربي خلقج مو عشان جبتي بيبي و خلاص نسيتي دورج كـ بنت و انثى و دلوعه ..

لا لا تغوصين في متطلبات الحياه و الدراسه و لا الشغل و تهملين هالنقطه .. ترا الرجال مو زي اول الحين يشوفون ناسي ام الجكر و هيفاء الله يلعنها ام الاغراء ..

الحين يسمعون ربعهم و يطالعون فديو كليبات في كل مكان التلفزيونات موجوده و انتوا ادرى الله يحفظ رجالكن يارب و يحميهم لكن ..

مطلوب عليج تتكشخين و تتدلعين و تبقين معبيه قلب زوجج .. انتي بأفكارج و حركاتج ذوبيه
و تمنعي بطريقه غير مباشره عذبيه و غنجيه و دلعي و لدج و بنتج بحيث يحس انه انتي ساكسي ..

………………………………………….. ….

ثالثآ : دايم دايم امدحي زوجج .. الرجل بطبعه ساذج زي الاطفال يبي مدح يموووت في المدح
يعني الي ما تدري لا تفوتها هالنقطه ..

الزوج دايم يبي مدح مدحي قدام اهله .. مدحي و انتي تسولفين معاه بس انتبهي لا يبين انج مصطنعه ساعات الواحد لازم يصطنع وش نسوي بعد ..

لازم تسليك مدحيه مثلا و انتي تكلمين امج ع التليفون و خليه يسمع و سوسي حالج مو حاسه .. صدقيني ساعات الزوج مايمشي الا بالمدح ..

قولي سوا و فعل و ما يقصر بو عيالي و عيشي المدح ..

………………………………..

رابعا : تعلمي الاحترام .. صدقيني في احترام الزوج في التعامل راح يكبرك في عينه و يخيك ملكه بعينه .. احترميه و خلي اطفاله يحترمونه و يحبوونه و يبوسون راسه ..

صحيح اوقات الزوج يغث بتصرفات بايخه زي الي عندي ههههههه .. بس وقت العصبيه امسكي نفسج و لا تغلطين عليه هدي حالج و تذكري كلام الله و رسوله في الحلم .. و صدقيني كل ما يشوفج زوجج هاديه و ماسكه نفسج كل ما كبرتي بعينه و فرضتي شخصيتج عليه ..

و حطي ذا الشي ببالج … السكوت يحرق اعصابه بس يهدي الوضع بعدها ممكن ساعات وقت الشجار الحاد تسكتين و ما تتكلمين تخلينه خلاااص يحمى بس بعدين يهدي و يفكر و يحس انج لما سكتي تحسن الوضع و صار افضل من انج لو كملتي الجدال و الشجار .. يعني اذا كان الكلام من فضه السكوووت من ذهب خاصه وقت ثوران الرجل

………………………………………..

خامسا : انصحج يا اختي الغاليه انج تتكشخين و تتجملين و تكشخين عيالج و ريحتج و حتى ملابسج و كل شي .. عشان الرجال بصري يشووووف اكثر من اي شي ثاني ..

يعني الانسان البصري يعلق بمخه الصووره اكثر من اي شي ثاني و يحكم من الشكل .. اي وحده ما كانت تكشخ الا في المناسبات ياليت انها تحاول بس تصير مرتبه و تبدل اغراضها البايخه و القديمه و تحاول تكشخ و تخلي اغراضها حلوه و انيقه مثلها .. يعني دوري الاوان الفوشيه و الحمرا و المفرفشه و ارمي دشاديشج و البجامات الي رايح لونها و كاشفه من الغسيل يعني الواحد ساعات مايجي على باله انه البجامه هالي كاشف لونها ملوعه جبد الزوج هههههه

………………………………………….. ….

سادسا : الدلع يا بنات الدلع يا حريم الدلع يا امهات مب معناته انج جبتي اعيال يعني خلاص اصير شرطيه في البيت و لا عسكريه و كله اصارخ على اعيالي و صوتي واصل للجيران ..

لا ء لاء لاء خليج عبقريه اذا كان زووجج برا البيت صرخي على اعيالج اخذي راحتج ههههههه بس اذا جا صيري دلوعه و ماتقدرين تصرخين بعدين حلقج ينبح و يتعور صوتج .. بس قوليه يا فلان شوف ولدك شيسوي يا فلان قول حق بنتك لا تسوي كذا ..

و اذا طلع عندج اياها ههههههههههه ..

الرجال يحب الدلع يحب الاغراء يحب التنويع في طبقات الصوت دلعي نفسج قبل لا تدلعينه اذا اشعرتيه انج مدلعه حالج و حلوه هو بيصدق كذا و بيبقى يشوفج الأنسانه الغامضه الي مرره تصير انثى و مرره تصير بنوته دلووعه
………………………………………….. ……….

سابعا : وهي المشكله الي الكل يعاني منها انه الزوج يكون عنده صديق مش ولا بد .. و دايم تصير فجئه يجي الزوج يقول لحرمته انا بكره بسافر الكويت ولا البحرين و لا جده .. كيف و شلون و مع منو يقولج مع خويي فلان الفلاني اووووووووووف شهالقهر بدل ما يسافر وياي يسافر مع ذا الي مش ولا بد ..

فـ بدل الهواش و لا الشجار و الزعل .. حاولي تمنعينه بطريقه ثانيه يعني مثلا .. انت قلبي حبيبي روحي بدونك ما اعرف اتصرف و اخاف لحالي في البيت يعني خذيه بكسر الخواطر

اذا ما فاد .. في طريقه ثانيه بس مابقولها راسلوني خاص و اعلمكن ..

والله اني طالبه خير و ابي افيدكن و يارب الله يحمي بيوتكن من الخراب و عيال ابليس و يحفظ ازواجكن لكن .

……………………………

والي عندها فكره او طريقه او شي ارجوا تفيدنا احنا نعيش ونحتاج حركات و دلع و نصايح

علمونا يا اهل الخبره .. و بنهايه دعواتكم لي انه الله يعطيني حاجتي تعرفون كل انسان له حاجه و انا ابي حاجتي تتحقق

الموضوع من جهدي الخاص و لا احلل من ينقله الي مدونة اخرا

و الي ينقل موضوعي لا احلله ويوم القيامه نتقاصى

يسلمووو حبيبتي انا لسة بنووووتة بس خالتي الي اكبر مني بسنتين عمرهاا 18 سنة استفادت كثيرررررررررررر منك وتتدعيلك وااااااااااااااايد لانهاا ماالكة وتبي احد ينصحهااا ربي يوفقك حبيبتي ويحقق كل امالك واحلامك …

يعطيكي العافيه حبيبتي بس نفسي اعرف ايش الطريقة الثانيه اللي ماتخلي الزوج يسااافر هههههههههههه

ْْاللهم إني أسألك الأنس بقربكْْْ

جزاك الله خيراً على النصائح الرآئعه

بصراحه استفدت منه الكثير

شكراً لك

[SIZE="5"]مشكورة يا قمر

يعطيكم العافيه اخواتي اتمنى قبول اكثر ع الموضوع

تسلمين اختي عالموضوع في قمة الروعه

صح كلامج الزوج كائن عجيب غريب

مثلا لما اكشخ واتمكيج ليش تسوين جي ووايد حاطه بودره …الخ

ولما ماا احط شي ليش ما تتكشخيين وتحطين ميك اب ..!! استغرب منه

ولازم الزوجه ما ادلعينه واااااااايد ولا انه تكوونين حااده واايد مثل ما قلتي

خير الامور اوسطها

طبعا لما اطنشينه شوي ما تتصلين به ولا تسويله سالفه ع طوول بيحس بيقول شو عندج ومنو شاغلنج عني ..الخ (( الانه بيكون حاس في شي ناقص ))

اذا ما فاد .. في طريقه ثانيه بس مابقولها راسلوني خاص و اعلمكن ..

انتظر عالخاص الغاليه

والسموحه

اللة يعطيكى العافية موضوع رائع