انا بصدد عمل مشروع افتتاح صاله رياضية وقبل دخولي لهذا المشروع حبيت اخذ رايكم في المشروع و آخذ بنصايحكم
اتمنى ما تبخلون علي بأي خبره او نصيحه
شكرا
الله يوفقج في مشروعج
وعندي لج نصايح حلوة وصغيرونة ان شاء الله تفيدج
1. اول ما تفتحين الصالة مو لازم تكون فيها اجهزة كثيرة، يعني 4 من كل واحد كفاية،، واذا شفتي الناس قامت تجي بكثرة للصالة تزيدين عدد الأجهزة قد الحاجة، وهذي الأجهزة اللي تحتاجينها:
جهاز الجري
وهذا لعضلات الريل واليد
هذي لا تكثرين منه، 2 كفاية
وهذا السيكل
وهالجهاز صج احبه اخذي منه 4
وفي أجهزة ثانية للعضلات مثل هذا
طبعا اجهزة العضلات نوعي فيها، يعني حول 5 انواع اخذي، بس يكفي من كل واحد حبة الى حبتين
2. اخصائية تغذية
لازم يكون في اخصائية تغذية في الصالة تقيس الوزن الطول ومحيط الخصر بشكل دوري وتكتب لهم وصفات غذاية
3. كافتيريا
لازم يكون في كافتيريا في الصالة تبيع العصاير الطبيعية واكلات خفيفة واهم شي الماي 
4. مدربة الايروبك
لازم يكون في مدربة تلعب ساعة في اليوم، وان شفتي الزباين زادو حطي 2 وحدة الصبح ووحدة المسا
5. حطي مدربات يتابعون البنات ويعلمونهم ايش يستخدمون وشلون يتدرجون في التمرين والسرعة اللي يحتاجونها في كل مرة، يعني يتابعون نظام الرياضة لكل بنت، طبعا البنات كل وحدة يكون لها ملف خاص فيها مكتوب فيه كل شي عنها، حتى ساعات اللعب اللي لعبتهم…
6. خزانات الملابس والشاورات
لازم كل وحدة تدخل تستلم مفتاح للخزانة، أو تكون لها خزانة خاصة من الأول اذا ما كانوا الزباين كثار، ويكون في مغاسل غير الحمامات وانتي بكرامة والشاورات علشان يتحممون، وحلو لو توفرين لهم فوط، اخذي فوط رخيصة من رامز خخخخخخخخخخ
7. غرفة للصلاه
لان يمكن يدخل عليهم وقت الصلاة ويبون يصلون، لازم تكون ف غرفة للصلاة
اتمنى اني قدرت افيدج بشي، واي سؤال ثاني أنا حاضرة
وبالتوفيق
بس فيه شي ثاني انا حابه اعرف كم راس المال التقريبي للمشروع واذا فيه حد يعرف اماكن يبيعون فيها الات رياضيه بسعر ارخص والمدربات ايبهن من برا ولا الموجودات في البلاد؟
يليت تفيدوني
اما عن راس المال فانتي احسبيها، اذا بتاخذين اجهزة من النوع الزين فاحسبيها بهالطريقة:
اول جهاز حطيت لج ياه تقريبا يحتاج 4000 ريال، واللي تحته يا 2500 او 3000 واللي تحته ما عندي علم بس اعتقد مو اغلى من السابقين، واللي تحته حول 4500 انا خذته ب 5000 بعد ما نزل السعر!!! بس نوعيته رهيبة ويتم… وعاد انتي احسبي اربع من ذي و 4 من ذاك غير الفيزا للمدربة والفيزا للي بتبيع في الكافتيرا ومدربة الاجهزة وعاش الاخصائية غير اللي قاعدة في الاستقبال وتجهيز المحل من ديكور وطاولات وثلاجات للكافتيريا، غير الادوات لتمرين الايروبك من بسطات واثقال ومسجل ووووووووووو… ولا تنسين اجار المحل ورخصة المحل، بروحها الرخصة مادري على كم!!
عاد انتي احسبيها ههههههههههههههههه
ادري حطمتج بس لو عندج خير توكلي على الله والله يرزقج من حلاله
اما اذا انتي على قدج او مستواج عادي فما انصحج
والله يكون في عون الجميع
ام عبدالله شكرا على المعلومات وبخصوص التكلفه انا فكرت ادخل ضمن صندوق خليفة لدعم الشباب
وبالتوفيق حبيبتي وشدي حيلج
 |
اقتباس |  |
 |
المشاركة الأساسية كتبها سعودية أصلية  |
 |
 |
| النجاح طريقك بأذن الله | ||
 |
 |
شكرا الله يوفقنا جميعا