شخباركم!
ادري ازعجتكم بس لأني بكريه وودي اعرف وش اسوي!
انا اليوم خلطت تفاح مع بطاطس والحمدلله ولدي كله وحبه
طيب شنو الاشياء اللي اقدر اخلطهم ويا بعض !!
اهم شي يكون طعمه مقبول
لأنه لو اسوي كل شي لحاله اروح فوق انزل تحت من الخضروات
ما ياكل شي 
فـ لازم اخلط
واليوم اول تجربة لي قلت بجرب اخلط وياه
والحمدلله تقبل
يا ليت تقولون لي
حبيبتي ..
تقدرين تخلطين اي نوع من الفواكه مع بعض .. كمهروس .. او عصير ..
او تقدرين تخلطين مثلاً يقطين وكوسه .. او بطاطس وجزر .. يسلق ويملح ويهرس مع بعض ..
او تخلطين رز مصري مع اي نوع من الخضار اللي يعجبه ..
ان شاءالله اكون افدتك لو بشئ بسيط ..
ربي يخلي لك عبادي و يحفظه لك من كل عيبن يارب
مثل ما قالت خيوتي ام على
تقدرين تخليط الفواكه مع بعض
مثلا موز و تفاح
او كمثر و خوخ
و بعدها اعطيه عصير برتقال مخفف بقليل من الماي
و بالنسبه الى الخضروات
نفس الشي
كوسا و بطاطس
بطاطس و يقطين ( القرع)
و تقدرين اضيف الارز
الله يخليه ليش يارب
انزين الملح ما راح يسسبب له حساسيه او شي!
انا ولدي من الاطفال الخدج
والجزر ما حباه ذيج المرة قالوا لي انه ثقيل وحاار على المعده
تدرين وين احصل اليقطين لأنه دورت عليه كل مكان ما حصلت حتى بكارفور
الملح لا تكثرين له .. بس رشة خفيفه علشان يتقبل طعم الخضار .. لأنها ما راح يتقبلها بدون شوية ملح .. !!!
اليقطين .. اكثر شي تلاقينه في اسواق الخضار اللي تكون في الصباح ..
 |
اقتباس |  |
 |
المشاركة الأساسية كتبها јǿđ  |
 |
 |
| ام علي مشكورة ويخليج يا رب
انزين الملح ما راح يسسبب له حساسيه او شي! والجزر ما حباه ذيج المرة قالوا لي انه ثقيل وحاار على المعده |
||
 |
 |
كمعمر ابنك حبيبتي؟؟اذا كان من الاطفال اخدج لازم تنتظرين الى ان يكمل 5 اشهر يعني بعد الاطفال العاديين ب شهر على اساس يكتمل جهازة الهضمي
الملح ما بيسبب حساسية لكن اذا ضفتية تزيد نسبة اصابة الطفل بارتفاع ضغط الدم لما يكبر
الجزر اخلطية مع بطاطا و شوية رز بيتقبلة