شحاااااالكم … وشخبااااركم … اتمنى اتكونون كلكم بخير وعافيه
انا اليوم طااالبتنكن طلبه ….. بليز
اريدكم لو سمحتوا تعطوني اقتراحاتكم ….
صديقتي بتعرس .. وباقي على عرسها تقريبا شهر
وانا فكرت … وفكرت … وفكرت … فكرت .. بس ماعرفت شو اشتريلها
مع العلم انا حاطه لها ميزينة 1000 درهم …..
ممكن حد ينقذ الموقف ؟؟؟
وتقترحون عليه شو ممكن اهدي صديقتي ؟؟؟
اتريا اقتراحاتكم ….
أختكم الغـــــــــلا
واشترى ليها عطر يكون طبعا مثير وحلو وعندك ركن الهدايا مليان باسامى العطور الحلوة
واشترى ليها بخور ودهن العود
واشترى قميص نوم شكله شيك ومثير ولونه رقيق
وبيجامه بسيطه او خلخال فضه رقيق تلبسه فى البيت
وتغليفهم مع بعض وتحطيهم بالصندوق وتختارى كارت شيك وتكتبى عليه مقطع من اغنيه رومانسيه هى بتحبه او اى اهداء انتى تحبيه
وبسسس
:9_33::9_33:
والله شوفي انا لي سنتين تقريبا وانا اهدي حق عرايس……لان صاحباتي كلهم جتهم الحاله وتزوجوا وانفرطت السبحه وحده ورا الثانيه………:B_wink:
وعسى ربي يوفقهم ويوفق كل عروسه
<<<<<<<<<<<<<<<<<< لا يكثر وادخلي في صلب الموضوع:gum:
وانا انصحك بالاول تشوفي هي وش جابت؟؟ وايش اللي لسه ناقصها؟؟ خصوصا اذا كنتي تمونين عليها…وممكن بدون ماتنتبه ان قصدك تهديلها اللي ناقصها.
لانه كذا بتوفرين على نفسك الحيره…وتكونين نفعتيها بنفس الوقت…ويكون افضل انك تروحيلها البيت وتعطيها هديتها قبل زواجها…عشان تشوفها على رواق….<<<انا كذا اسوي مع صاحباتي
وراح اطرح عليك الافكار…..
مثلا اذا حسيتي انها تحتاج مكواه بخار صغييييييييره للسفر
قميصين نوم حلوين…ومن الافضل تكون موديلاتها مو موجوده عندها او الوانها مو مكرره عندها
صندوق عود..ومخلطات رايقه…ومسك
طقم جسم((شاور جل..لوشن..سبراي…بودره……………الخ)) وطبعا تأكدي انه شي مو موجود عندها
شغلات غريبه تجمعيلها مثلا نكهات…رغوة بانيو((تلقيها في محلات اللانجري احيانا))…العاب رومنسيه((الكريستال..اذابة القلوب))…..اكسسوار شعر غريب او اكسسوار للجسم….يعني مثل هيك
مكياج…….مثلا طقم من مكياجي وتري عندهم علب حلوه وكشخه تنفع هدايا..او تجمعين لها من ماركه معينه تحبها
ممكن تقوليلها ان اغراض الصيدليه عليك((مناديل ديتول..مزيل مكياج…اسيتون…اعواد للاذن..فرشاة اسنان…مينت بيبر اللي هو لرائحة الفم………شامبو….الخ))لانها مصيرها تحتاج هالاشياء تاخذها معها لشهر العسل
كم بودي..على برمودا….حزام…كاب….فستان قصير كيوت……الخ بس تكون الوانها نادره عندها
نظاره شمسيه ماركه
ساعه ماركه حلوه ومقدور على ثمنها_smil1:
وامممممممممممممممممممممممممم
وممكن تعليقه صغيره بجانب اي شي من هالاغراض
طبعا هالخيارات ممكن تجمعين بين اكثر من شي مع بعض
والله الله بالتغليف الحلو
واذا افتكرت شي رجعت لك :B_wink:
ادري طولت عليك بس ان شاء الله اكون افدتك
شوفي انتي وش تتمنين يجيك هديه بزواجك..
بالعاده احلى هديه يا إما تكون ذهب مثل تعليقه ستايلها غريب او خاتم..
وياأما ساعه..
غير كذا ممكن تجمعين بصندوق طقم ارواب وتروحين للخياط يطرزهم بأول حرفين من اسمهم بالانجليزي.. مع الشباشب.. ومعها قميص نوم.. وطقم عطور..
او تشترين لها لحاف سرير للعرايس حتى تبدل بين لحافها ولحافك..
اشكركن خواتي ع الاقتراحات والافكار الحلوة .. افكاركن وايد عيبتني ..
الصراحة استفدت وايد منكـــن ..
دلوعة امها وابوها
فراولة
وردة قست عليها الايادي
جي جي
دلوعـــة حبيبي
ماقصّرتن والله
والسموحة ع الازعــــاج ..
وان شاءالله يوم باخذ الهدايا بصوّرهن وبحطّلكن الصور ^___^
اختكن .. الغــــــــــلا