من زمان وانا حابه اشترك بالمنتدى … اللي جد فادني وايد
وان شاء الله تقدرون تساعدوني
عيد زواجي الأول قريب ومتحيره شنو آخذ هدية لزوجي
غير العطور والساعات والكبكات لن وايد هديته منهم
انا طبعا فكرتي للحفلة
أول شي العشى يكون في ميد كافيه اللي في شارع البديع
أو في كابتشينو كافيه في سار
شنو أنتوا تنصحوني؟
وبعدين فكرت أحجز في ريفيرا حق ليلة نروح هناك بعد العشى
بس التخطيط والأفكار وترتيب الغرفة كلش مو قادرة أفكر صح!!
لأن أنا فالجامعة وأشتغل وماعندي وقت :S
أبي الليلة تكون مميزة ويتذكرها طول عمره
وسلامتكم F:
شوفي أنا مفكرة اشتري عدة أدوات مكتبية لمكتبه اللي في البيت وممكن اشتري برواز حلو وأخلي صورتنا واحنا وعيالنا الحين جاتني هالفكرة….
وبعد مفكرة أشتري عطر عود بخاخ او مركز لانه خالص من عنده ،،،
وطرشت حد من المعارف يشترون له كتاب لانه يحب القراءة ،،،
هذي بالنسبة للهدايا ،،،
اما بالنسبة للاحتفال ناوية ان شاءالله أحجز في منتجع ليلة والفندق يقدم كيكة ع حسابه وبحجز بوكيه ورد من عندهم وكارد وبوصيهم شنو يكتبون عليه ،،،
والفندق يقدم بوفيه إفطار مجانا ،،، يعني بتكون ليلة تغيير وتجديد وطبعا ما ننسى اللبس والميكب والابتسامة واهم شي ما تخلي شي يغير مزاجج او يكدرج ،،،
هذا اللي يحضرني حاليا ،،، وان شاءالله اكون افدتج
مشكوورة حبيبتي ماقصرتي =)